1 tabletka tarkibida: Faol modda: betagistin digidroxlorid - 16 mg. Yordamchi modda: mikrokristallik tsellyuloza - 161,5 mg, mannitol (E421) - 50 mg, limon kislotasi monogidrat - 5 mg, kolloid kremniy dioksidi - 5 mg, talk - 12,5 mg.

• vestibulyar bosh aylanishlari; • bosh aylanishi va bosh og‘rig‘i, quloqda shovqin, eshitishning progresiv pasayishi, ko‘ngil aynishi va qusish bilan tavsiflanadigan sindromlar; • Menyer kasalligi/sindromi.

• preparatning har qanday komponentiga yuqori sezuvchanlik; • feoxromotsitoma; • oshqozon va o'n ikki barmoqli ichak yara kasalligining zo'rayish bosqichi. Homiladorlik va emizish davrida qo'llash Homilador ayollarda betagistin qo'llanilishi bo'yicha mavjud ma'lumotlar yetarli emas. Inson uchun potensial xavf noma'lum. Betagistin homiladorlik davrida faqat mutlaq zarurat bo'lsa qo'llanilishi kerak. Betagistin ona suti bilan ajraladimi, noma'lum. Preparat emizish davrida buyurilmasligi kerak. Betaserk® preparatini onaga buyurish masalasi faqat emizish foydasi va chaqaloq uchun potensial xavf solishtirilgandan so'ng hal qilinishi kerak.

Preparat ovqat vaqtida og‘iz orqali buyuriladi. Doza davolashga javobga qarab individual tarzda tanlanishi kerak. Kattalar uchun doza 24-48 mg/kun. Doza/qabul qilish tezligi • Betaserk® 8 mg - 1-2 tabletka kuniga 3 marta. • Betaserk® 16 mg - 1/2-1 tabletka kuniga 3 marta. • Betaserk® 24 mg - 1 tabletka kuniga 2 marta. 16 mg va 24 mg tabletkalarni 2 teng qismga bo‘lish mumkin. Buning uchun tabletkani qattiq yuzaga chiziq yuqoriga qaratib qo‘yib, bosh barmoq bilan bosish kerak. Yaxshilanish ba’zan faqat bir necha haftalik davolashdan so‘ng kuzatiladi, barqaror terapevtik ta’sir esa bir necha oylik davolashdan so‘ng yuzaga keladi. Ma’lumotlarga ko‘ra, preparatni kasallik boshida buyurish uning rivojlanishini va/yoki eshitishning kech bosqichlarda yo‘qolishini oldini oladi. Klinik tadqiqotlar ma’lumotlari cheklangan bo‘lsa-da, keng postregistratsion tajriba keksa bemorlarda doza tuzatish talab qilinmasligini ko‘rsatadi. Buyrak va/yoki jigar yetishmovchiligi bo‘lgan bemorlarda maxsus klinik tadqiqotlar o‘tkazilmagan, biroq postregistratsion tajriba ushbu bemorlar guruhida doza tuzatish talab qilinmasligini taxmin qilishga asos beradi.

Oshqozon-ichak buzilishlari (ko‘ngil aynishi, epigastriy sohasida og‘irlik hissi) mumkin, ularni preparatni ovqatdan so‘ng qabul qilish yoki doza kamaytirish orqali oldini olish mumkin. Juda kam hollarda teri qoplamasi tomonidan yuqori sezuvchanlik reaksiyalari, xususan, teri toshmasi, qichishish va eshakemi haqida xabar berilgan.

Betaserk (betagistin) asosan ichki quloq va markaziy asab tizimi vestibulyar yadrolaridagi gistamin H1 va H3-retseptorlariga ta'sir qiladi. Ichki quloq tomirlaridagi H1-retseptorlariga to'g'ridan-to'g'ri agonistik ta'sir ko'rsatish, shuningdek, H3-retseptorlariga bilvosita ta'sir orqali mikrotsirkulyatsiyani va kapillyarlarning o'tkazuvchanligini yaxshilaydi, labirint va ulitkadagi endolimfa bosimini normallashtiradi. Shu bilan birga, betagistin bazillyar arteriyalarda qon oqimini oshiradi. Betaserk® shuningdek, vestibulyar nerv yadrolaridagi H3-retseptorlariga ta'siri natijasida aniq markaziy effektga ega. Miya poyasidagi vestibulyar yadrolar neyronlarida o'tkazuvchanlikni normallashtiradi. Ushbu xususiyatlarning klinik namoyon bo'lishi bosh aylanishi chastotasi va intensivligini kamayishi, quloq shovqinining kamayishi, eshitishning pasayishi holatida eshitishni yaxshilanishi bilan ifodalanadi.

24 mg tabletkalardagi chiziq tabletkani yutishni osonlashtirish maqsadida bo‘lib olish uchun mo‘ljallangan bo‘lib, uni 2 teng doza qilib bo‘lish uchun mo‘ljallanmagan. Avtotransport vositalarini boshqarish va mexanizmlar bilan ishlash qobiliyatiga ta’siri Betagistin transport vositalarini boshqarish va mexanizmlar bilan ishlash qobiliyatiga ta’sir qilmaydi yoki ahamiyatsiz darajada ta’sir qiladi, klinik tadqiqotlarda bunday qobiliyatga ta’sir qilishi mumkin bo‘lgan nojo‘ya reaksiyalar aniqlanmagan.

Agar hozirda yoki yaqinda boshqa dori vositalarini, shu jumladan shifokor retseptisiz dori vositalarini qabul qilgan bo‘lsangiz, bu haqda iltimos, davolovchi shifokoringizga xabar bering. Boshqa dori vositalari bilan o‘zaro ta’sirini o‘rganishga qaratilgan in vivo tadqiqotlar o‘tkazilmagan. In vitro ma’lumotlarga asoslanib, sitoxrom P450 izofermentlari faolligining in vivo inhibisiyasi yo‘qligini taxmin qilish mumkin. In vitro ma’lumotlar betagistinning metabolizmini monoaminooksidaza (MAO) inhibitörlari, shu jumladan MAO-B subtipi (masalan, selegilin) ta’sirida inhibitsiyalanishini ko‘rsatdi. Betagistin va MAO inhibitörlari (shu jumladan MAO-B) bir vaqtda buyurilganda ehtiyotkorlikka rioya qilish kerak. Betagistin gistamin analogi hisoblanadi, betagistinning N1-gistamin retseptorlari blokatorlari bilan o‘zaro ta’siri nazariy jihatdan ushbu dori vositalaridan birining samaradorligiga ta’sir qilishi mumkin.

Preparatning dozasi oshirib yuborilishi bir nechta holatlarda ma’lum. Ba’zi bemorlarda preparatni 640 mg gacha bo‘lgan dozada qabul qilgandan so‘ng yengil va o‘rtacha simptomlar (ko‘ngil aynishi, uyquchanlik, qorin og‘rig‘i) kuzatilgan. Yanada jiddiy asoratlar (tutqanoq, yurak-o‘pka asoratlari) betagistinni ataylab yuqori dozada qabul qilish, ayniqsa boshqa dori vositalari bilan birga dozani oshirib yuborish holatlarida kuzatilgan. Simptomatik davolash tavsiya etiladi.