1 tabletka tarkibida
Faol modda: betagistin digidroxlorid - 24 mg.
Yordamchi moddalari: mikrokristallik tsellyuloza - 242 mg, mannitol (E421) - 75 mg, limon kislotasi monogidrat - 7,5 mg, kremniy dioksidi kolloid - 7,5 mg, talk - 19 mg.

• vestibulyar bosh aylanishlari;
• bosh aylanishi va bosh og'rig'i, quloq shovqini, eshitishning progresiv pasayishi, ko'ngil aynishi va qusish bilan tavsiflanadigan sindromlar;
• Menyer kasalligi/sindromi.

• preparatning har qanday komponentiga yuqori sezuvchanlik;
• feoxromotsitoma;
• oshqozon va o'n ikki barmoqli ichak yara kasalligining zo‘rayish bosqichida.
Homiladorlik va emizish davrida qo‘llash
Homilador ayollarda betagistinni qo‘llash bo‘yicha mavjud ma’lumotlar yetarli emas. Inson uchun potensial xavf noma’lum. Betagistin homiladorlik davrida faqat mutlaq zarurat bo‘lsa qo‘llanilishi kerak.
Betagistin ona suti bilan ajralib chiqadimi, noma’lum. Preparat emizish davrida buyurilmasligi kerak. Betaserk® preparatini onaga buyurish masalasi faqat emizish foydasi va chaqaloq uchun potensial xavf solishtirilgandan so‘ng hal qilinishi kerak.

Preparat ovqat vaqtida og‘iz orqali buyuriladi. Doza davolashga javobga qarab individual tanlanadi.
Kattalar uchun doza 24-48 mg/kun.
Doza/qabul qilish tezligi
• Betaserk® 8 mg - 1-2 tabletka kuniga 3 marta.
• Betaserk® 16 mg - 1/2-1 tabletka kuniga 3 marta.
• Betaserk® 24 mg - 1 tabletka kuniga 2 marta.
16 mg va 24 mg tabletkani 2 teng qismga bo‘lish mumkin. Buning uchun tabletkani qattiq yuzaga chiziq yuqoriga qaratib qo‘yib, bosh barmoq bilan bosish kerak.
Yaxshilanish ba’zan faqat bir necha haftalik davolashdan so‘ng kuzatiladi, barqaror terapevtik ta’sir esa bir necha oylik davolashdan so‘ng yuzaga keladi. Ma’lumotlarga ko‘ra, preparatni kasallik boshida buyurish uning rivojlanishini va/yoki keyingi bosqichlarda eshitishning yo‘qolishini oldini oladi.
Klinik tadqiqotlar ma’lumotlari cheklangan bo‘lsa-da, keng postregistratsion tajriba keksa bemorlarda doza tuzatish talab qilinmasligini ko‘rsatadi.
Buyrak va/yoki jigar yetishmovchiligi bo‘lgan bemorlarda maxsus klinik tadqiqotlar o‘tkazilmagan, biroq postregistratsion tajriba ushbu bemorlar guruhida doza tuzatish talab qilinmasligini taxmin qilishga asos beradi.

Oshqozon-ichak buzilishlari (ko'ngil aynishi, epigastriy sohasida og'irlik hissi) mumkin, ularni preparatni ovqatdan keyin qabul qilish yoki dozasini kamaytirish orqali oldini olish mumkin. Juda kam hollarda teri qoplamalari tomonidan yuqori sezuvchanlik reaksiyalari, xususan, teri toshmasi, qichishish va toshma (urtikariya) haqida xabar berilgan.

Betaserk (betagistin) asosan ichki quloq va markaziy asab tizimi vestibulyar yadrolarining gistamin H1 va H3-retseptorlariga ta'sir qiladi. Ichki quloq tomirlarining H1-retseptorlariga to'g'ridan-to'g'ri agonistik ta'siri, shuningdek, H3-retseptorlariga bilvosita ta'siri orqali mikrotsirkulyatsiyani va kapillyarlarning o'tkazuvchanligini yaxshilaydi, labirint va ulitkadagi endolimfa bosimini normallashtiradi. Shu bilan birga, betagistin bazillyar arteriyalarda qon oqimini oshiradi. Betaserk® shuningdek, vestibulyar nerv yadrolarining H3-retseptorlariga ta'siri natijasida aniq markaziy effektga ega. Bosh miya ustunidagi vestibulyar yadrolar neyronlarida o'tkazuvchanlikni normallashtiradi. Ushbu xususiyatlarning klinik namoyon bo'lishi bosh aylanishi chastotasi va intensivligining kamayishi, quloq shovqinining kamayishi, eshitish pasaygan hollarda eshitishning yaxshilanishi bilan ifodalanadi.

24 mg tabletkadagi chiziq tabletkani yutishni osonlashtirish uchun mo‘ljallangan bo‘lib, uni 2 teng doza bo‘lib bo‘lish uchun mo‘ljallanmagan.
Avtotransport boshqarish va mexanizmlar bilan ishlash qobiliyatiga ta’siri
Betagistin transport vositalarini boshqarish va mexanizmlar bilan ishlash qobiliyatiga ta’sir qilmaydi yoki juda kam ta’sir qiladi, klinik tadqiqotlarda bunday qobiliyatga ta’sir qiluvchi nojo‘ya reaksiyalar aniqlanmagan.