1 tabletka tarkibida Faol modda betagistin digidroxlorid - 24 mg. Yordamchi moddalari: mikrokristallik tsellyuloza - 242 mg, mannitol (E421) - 75 mg, limon kislotasi monogidrat - 7,5 mg, kremniy dioksidi kolloid - 7,5 mg, talk - 19 mg.

• vestibulyar bosh aylanishlari; • bosh aylanishi va bosh og‘rig‘i, quloq shovqini, eshitishning progresiv pasayishi, ko‘ngil aynishi va qusish bilan tavsiflanadigan sindromlar; • Menyer kasalligi/sindromi.

• preparatning har qanday komponentiga yuqori sezuvchanlik; • feoxromotsitoma; • me'da va o'n ikki barmoqli ichak yara kasalligi zo‘rayish bosqichida. Homiladorlik va emizish davrida qo‘llash Homilador ayollarda betagistin qo‘llanilishi bo‘yicha mavjud ma’lumotlar yetarli emas. Inson uchun potensial xavf noma’lum. Betagistin faqat mutlaq zarurat bo‘lsa, homiladorlik davrida qo‘llanilishi kerak. Betagistinning ko‘krak suti bilan ajralishi noma’lum. Preparat emizish davrida buyurilmasligi kerak. Betaserk® preparatini onaga buyurish masalasi faqat emizish foydasi va bolaga potensial xavf solishtirilgandan so‘ng hal qilinishi kerak.

Preparat ovqat vaqtida og'iz orqali buyuriladi. Doza davolanishga javobga qarab individual tarzda tanlanishi kerak. Kattalar uchun doza 24-48 mg/kun. Doza/qabul qilish tezligi • Betaserk® 8 mg - 1-2 tabletkadan kuniga 3 marta. • Betaserk® 16 mg - 1/2-1 tabletkadan kuniga 3 marta. • Betaserk® 24 mg - 1 tabletkadan kuniga 2 marta. 16 mg va 24 mg tabletkalarni 2 teng qismga bo'lish mumkin. Buning uchun tabletkani qattiq yuzaga chiziq yuqoriga qaratib qo'yib, bosh barmoq bilan bosish kerak. Yaxshilanish ba'zan faqat bir necha haftalik davolanishdan keyin kuzatiladi, barqaror terapevtik ta'sir esa bir necha oylik davolanishdan keyin yuzaga keladi. Ma'lumotlarga ko'ra, preparatni kasallik boshida buyurish uning rivojlanishini va/yoki kech bosqichlarda eshitish yo'qolishini oldini oladi. Klinik tadqiqotlar ma'lumotlari cheklangan bo'lishiga qaramay, keng postregistratsion tajriba keksa yoshdagi bemorlarda doza tuzatish talab qilinmasligini ko'rsatadi. Buyrak va/yoki jigar yetishmovchiligi bo'lgan bemorlarda maxsus klinik tadqiqotlar o'tkazilmagan, biroq postregistratsion tajriba ushbu bemorlar guruhida doza tuzatish talab qilinmasligini taxmin qilishga asos beradi.

Oshqozon-ichak buzilishlari (ko'ngil aynishi, epigastriy sohasida og'irlik hissi) mumkin, ularni preparatni ovqatdan keyin qabul qilish yoki doza kamaytirish orqali oldini olish mumkin. Juda kam hollarda teri qoplamasi tomonidan yuqori sezuvchanlik reaksiyalari, xususan, teri toshmasi, qichishish va eshakemi haqida xabar berilgan.

Betaserk (betagistin) asosan ichki quloq va markaziy asab tizimi vestibulyar yadrolaridagi gistamin H1 va H3-retseptorlariga ta’sir qiladi. Ichki quloq tomirlaridagi H1-retseptorlariga to‘g‘ridan-to‘g‘ri agonistik ta’sir ko‘rsatish, shuningdek, H3-retseptorlariga ta’sir qilish orqali mikrotsirkulyatsiyani va kapillyarlarning o‘tkazuvchanligini yaxshilaydi, labirint va ulitkadagi endolimfa bosimini normallashtiradi. Shu bilan birga, betagistin bazillyar arteriyalarda qon oqimini oshiradi. Betaserk® shuningdek, vestibulyar nerv yadrolaridagi H3-retseptorlariga ta’siri tufayli markaziy ta’sirga ega. Miya ustuni darajasida vestibulyar yadrolar neyronlarida o‘tkazuvchanlikni normallashtiradi. Ushbu xususiyatlarning klinik namoyon bo‘lishi bosh aylanishi chastotasi va intensivligini kamayishi, quloq shovqini kamayishi, eshitish pasaygan hollarda eshitishni yaxshilanishi bilan ifodalanadi.

24 mg tabletkalardagi chiziq tabletkani yutishni osonlashtirish uchun mo‘ljallangan va uni 2 teng doza bo‘lib bo‘lish uchun mo‘ljallanmagan. Avtotransport boshqarish va mexanizmlarni boshqarish qobiliyatiga ta’siri Betagistin transport vositalarini boshqarish va mexanizmlar bilan ishlash qobiliyatiga ta’sir qilmaydi yoki juda kam ta’sir qiladi, klinik tadqiqotlarda bunday qobiliyatga ta’sir qiluvchi nojo‘ya reaksiyalar aniqlanmagan.

Agar hozirda yoki yaqinda boshqa dori vositalarini, shu jumladan shifokor retseptisiz qabul qilgan bo‘lsangiz, bu haqda, iltimos, davolovchi shifokoringizga xabar bering. Boshqa dori vositalari bilan o‘zaro ta’sirini o‘rganishga qaratilgan in vivo tadqiqotlar o‘tkazilmagan. In vitro ma’lumotlarga asoslanib, sitoxrom R450 izofermentlari faolligining in vivo inhibitsiyasi yo‘qligini taxmin qilish mumkin. In vitro ma’lumotlar betagistinning metabolizmi monoaminooksidaza (MAO), shu jumladan MAO V subtipini (masalan, selegilin) inhibitsiya qiluvchi preparatlar ta’sirida inhibitsiyalanishini ko‘rsatdi. Betagistin va MAO (shu jumladan MAO-V) ingibitorlarini bir vaqtda buyurishda ehtiyotkorlikka rioya qilish kerak. Betagistin gistamin analogi hisoblanadi, betagistinning N1-gistamin retseptorlari blokatorlari bilan o‘zaro ta’siri nazariy jihatdan ushbu dori vositalaridan birining samaradorligiga ta’sir qilishi mumkin.

Preparatning bir necha dozani oshirib yuborish holatlari ma’lum. Ba’zi bemorlarda preparatni 640 mg gacha bo‘lgan dozada qabul qilgandan so‘ng yengil va o‘rtacha simptomlar (ko‘ngil aynishi, uyquchanlik, qorin og‘rig‘i) kuzatilgan. Yanada jiddiy asoratlar (tutqanoqlar, yurak-o‘pka asoratlari) betagistinni ataylab yuqori dozada qabul qilishda, ayniqsa boshqa dori vositalari bilan birga dozani oshirib yuborishda kuzatilgan. Simptomatik davolash tavsiya etiladi.