Benzilpenitsillin ta'siriga sezgir bakteriyalar chaqirgan umumiy yoki mahalliy infeksiyalarni davolash: septitsemiya, sepsis, piemiya, o'tkir va subakut septik endokardit, osteomiyelit, meningit, bosh miya abstsessi, peritonit, nafas yo'llari infeksiyalari (krupoz va o'choqli pnevmoniya, plevra empiyemasi), LOR-infeksiyalar (angina), ginekologik soha infeksiyalari, ko'z infeksiyalari, difteriya, skarlatina, ro'jli yallig'lanish, gonoreya, blennoreya, sifilis, sibir yasi, aktinomikoz, gaz gangrenasi, siydik chiqarish va o't yo'llari infeksiyalari, teri, yumshoq to'qimalar, shilliq qavatlarning yiringli infeksiyalari.

Penitsillinlar va tsefalosporinlar guruhiga kiruvchi preparatlarga yuqori sezuvchanlik. Endolyumbal yuborish epilepsiya bilan kasallangan bemorlarga kontraindikatsiyalangan.

Parenteral: mushak ichiga, teri ostiga, endolyumbal. Qo‘llash usuli, preparat dozalari va uni yuborish oralig‘i qo‘zg‘atuvchi turi va sezuvchanligiga, infeksiya og‘irligiga, bemor holatiga qarab belgilanadi. Mushak ichiga in'ektsiya qilish uchun preparat steril in'ektsiya uchun suvda yoki 0,5% novokain eritmasida eritiladi. Faqat yangi tayyorlangan preparat eritmalari ishlatiladi. Mushak ichiga yuborilganda maksimal bir martalik doza 10000000 ED ni tashkil etadi. Quyidagi sutkalik dozalash tavsiya etiladi: kattalar va 12 yoshdan katta bolalarga bakterial floraga normal sezuvchanlikda: 1000000 – 5000000 ED, og‘ir infeksiyalarda (bakterial endokardit) 20000000 ED va undan ko‘p (60000000 ED gacha), 1-12 yoshli bolalarga: 50000-100000 ED kg vaznga, 12 oylikkacha bo‘lgan go‘daklarga: 50000-500000 ED kg vaznga. Ba'zi hollarda go‘daklar uchun doza kuniga 1000000 ED kg vaznga oshirilishi mumkin (meningit, sepsis), yangi tug‘ilgan chaqaloqlarga (4 haftagacha) 50000-100000 ED (500000 ED gacha). Buyrak yetishmovchiligi bo‘lgan bemorlarga 20000000 ED dan ko‘p emas, gemodializ buyurilgan bemorlarga 10000000 ED dan ko‘p emas. Preparat yuborish oralig‘i 4-6 soatni tashkil etadi. Muddatidan oldin tug‘ilgan va yangi tug‘ilgan chaqaloqlarda (jigar yetilmaganligi va preparat chiqarilishi pasayganligi sababli), shuningdek, og‘ir buyrak yetishmovchiligi yoki birga buyrak va jigar yetishmovchiligi bo‘lgan bemorlarda preparat yuborish oralig‘i 12 soatni tashkil etadi.

Preparatga yuqori sezuvchanlikda teri reaksiyalari (qichima va skarlatinaga o‘xshash teri toshmalari), qon manzarasida ahamiyatsiz o‘zgarishlar (eozinofiliya), bo‘g‘imlarda og‘riq, angionevrotik shish kuzatilishi mumkin. O‘lim bilan yakunlangan anafilaktik shok holatlari tasvirlangan. Qichima haqiqiy penisillin allergiyasini ko‘rsatadi va davolash kursini darhol to‘xtatishni talab qiladi. Yuqori sezuvchanlikning og‘ir namoyonlari dori isitmasi, nafas yo‘llarining torayishi bilan hiqildoq shishi, yurak urishining kuchayishi, bo‘g‘ilish xurujlari, arterial bosimning pasayishi, hayot uchun xavfli shokgacha, kamqonlik (gemolitik anemiya), buyrak yallig‘lanishi ko‘rinishida bo‘lishi mumkin. Teri zamburug‘lari va penisillin o‘rtasida o‘zaro allergiya uchrashi mumkin. Preparatni birinchi marta qabul qilganda, teri zamburug‘lari bilan kasallangan yoki ilgari bunday infeksiyalarga chalingan bemorlarda yuqori sezuvchanlik reaksiyalari paydo bo‘lishi mumkin. Boshqa hollarda yuqori sezuvchanlik reaksiyalari faqat preparatni qayta yuborishda paydo bo‘ladi. Kamdan-kam hollarda ko‘ngil aynishi, qusish yoki ichak shilliq qavati yallig‘lanishi kuzatiladi. Davolash vaqtida yoki undan keyin og‘ir va uzoq davom etuvchi diareya bo‘lsa, bu haqda shifokorga xabar berish zarur, chunki bu holatlar soxta parda kolit rivojlanish ehtimolini ko‘rsatadi. Hozirgacha preparat bilan davolash vaqtida soxta parda kolit juda kam hollarda kuzatilgan. Ayrim hollarda yuqori dozalarda va preparatni uzoq muddat qo‘llashda qon manzarasida o‘zgarishlar (oq va qizil qon tanachalari sonining kamayishi, qon ivish vaqtining uzayishi) kuzatilishi mumkin. Bu o‘zgarishlar o‘z-o‘zidan o‘tib ketadi. Kamdan-kam hollarda buyrak yetishmovchiligi yoki tutqanoqka moyilligi bo‘lgan bemorlarda yuqori dozalarda (40000000 – 60000000 ED kuniga buyrak funksiyasi normal bo‘lgan bemorlarda; 20000000 ED kuniga yengil yoki o‘rta darajadagi buyrak yetishmovchiligi bo‘lgan bemorlarda; 10000000 ED kuniga gemodializ buyurilgan bemorlarda) neyrotoksik simptomlar, tutqanoq ko‘rinishida, shuningdek, meningizm simptomlari paydo bo‘lishi mumkin. Preparatning mushak ichiga yuborilishida in'ektsiya joyida og‘riq bo‘lishi mumkin. Spiroxetlar, masalan, sifilis chaqirgan infeksiyalarni davolashda Gerkshaymer reaksiyasi deb ataladigan, isitma, titroq, umumiy va o‘choqli simptomlar bilan kechuvchi holat yuzaga kelishi mumkin.

Yarim sintetik penitsillinlar guruhiga kiruvchi antibakterial vosita. Bakteritsid ta'sir ko'rsatadi: mikroorganizmlar hujayra devori biosintezini ingibitsiya qiladi. Gram-musbat mikroorganizmlarga nisbatan samarali: stafilokokklar, streptokokklar, pnevmokokklar, difteriya korinebakteriyasi, anaerob sporali tayoqchalar, sibir yara tayoqchasi; gram-manfiy kokklar (gonokokklar, meningokokklar), ayrim aktinomitsetlar, shuningdek, spiral bakteriyalarga nisbatan samarali. Preparat ko'pchilik gram-manfiy bakteriyalar, rickettsiyalar, viruslar, sodda organizmlar, zamburug'larga nisbatan samarasiz. Preparat ta'siriga penitsillinaza fermentini ishlab chiqaruvchi stafilokokk shtammlari chidamli. Preparatning ichak guruhi bakteriyalari, sinyegnoy tayoqchasi va boshqa mikroorganizmlarga nisbatan past faolligi ham ularning penitsillinaza ishlab chiqarishi bilan ma'lum darajada bog'liq.

Ehtiyotkorlik bilan – bronxial astma, eshakemi, pichan isitmasi va boshqa allergik kasalliklar mavjud bo'lsa. Preparatni qabul qilish siydikda fermentativ bo'lmagan usulda shakar, urobilin, oqsil va aminokislotalarni aniqlashda soxta musbat natijalarga olib kelishi mumkin. Siymikda albumin va 17-ketosteroidlarni elektroforetik aniqlashda natijalar buzilishi mumkin.