1 ampula vena ichiga va mushak ichiga yuborish uchun eritma tarkibida faol modda Gentamitsin sulfat 80,00 mg. Yordamchi moddalari: Metilparagidroksibenzoat 3,60 mg, Propilparagidroksibenzoat 0,40 mg, Dinatriy edetat 0,20 mg, Natriy gidrosulfit 6,40 mg, In'ektsiya uchun suv q.s. 2,00 ml gacha.

Infeksion-yallig‘lanish kasalliklari, sezgir grammanfiy aerob bakteriyalar chaqirgan - sepsis, meningit, peritonit, endokardit (odatda beta-laktam antibiotiklar bilan birga); - qorin bo‘shlig‘i a’zolari abstsesslari, xolangit (odatda metronidazol yoki klindamitsin bilan birga); - siydik chiqarish yo‘llari infeksiyalari; - kuyishlar, jarohatlar va jarrohlik aralashuvlaridan keyingi ikkilamchi infeksiyalar; - tulyaremiya; - nafas olish organlari infeksiyalari (pnevmoniya, plevra empiyemasi, o‘pka abstsessi); - qorin bo‘shlig‘i operatsiyalaridan keyingi infeksiyalar profilaktikasi, ayniqsa siydik chiqarish yo‘llari va ichakda operatsiyalar o‘tkazilganda.

- Preparatga, preparat komponentlariga va aminoglikozidlar guruhiga mansub boshqa antibiotiklarga yuqori sezuvchanlik; - eshitish nervi nevriti; - miasteniya gravis; - og‘ir buyrak yetishmovchiligi, uremiya va azotemiya bilan; - yangi tug‘ilgan davri va muddatidan oldin tug‘ilgan bolalar (ototoksik va nefrotoksik ta’sir rivojlanishining yuqori xavfi bilan bog‘liq); - homiladorlik va laktatsiya davri. Ehtiyotkorlik bilan: Miastenik sindrom, Parkinson kasalligi, botulizm (nerv-mushak o‘tkazuvchanligini buzishi mumkin), gipokaliemiya, buyrak funksiyasining buzilishi, degidratatsiya, keksalik yoshi, anamnezda allergiya yoki bronxial astma mavjudligi. Homiladorlik va laktatsiya: Homiladorlik davrida preparat qo‘llash mumkin emas. Laktatsiya davrida qo‘llash zarur bo‘lsa, emizishni to‘xtatish kerak.

Preparat mushak ichiga va vena ichiga yuboriladi. Buyrak funksiyasi normal bo‘lgan bemorlar uchun dozalash Odatda kattalarda o‘rtacha og‘irlikdagi kasalliklarda sutkalik doza 3 mg/kg ni tashkil etadi, yuborish soni kuniga 2-3 marta. Kasallik og‘ir kechganida sutkalik doza 5 mg/kg, yuborish soni kuniga 3-4 marta; holat yaxshilangandan so‘ng doza 3 mg/kg/sutkaga kamaytiriladi. Maksimal sutkalik doza 5 mg/kg. Siydik chiqarish yo‘llarining infeksion-yallig‘lanish kasalliklari va buyrak funksiyasi normal bo‘lgan bemorlarga 120-160 mg dozada kuniga 1 marta 7-10 kun davomida buyuriladi; gonoreyada 240-280 mg bir marta. Gentamitsin sutkalik dozasini vena ichiga bir marta yuborishda yuborish vaqti 30-60 daqiqa bo‘lishi kerak. Gentamitsin 2-3 marta yuborilganda, keyingi yuborishdan oldin uning zardobdagi konsentratsiyasi 2 mkg/ml dan oshmasligi kerak, bir marta yuborilganda esa 1 mkg/ml dan yuqori bo‘lmasligi kerak. Davolashning o‘rtacha davomiyligi 7-10 kun. 1 oylikdan 12 yoshgacha bo‘lgan bolalarga mushak ichiga yoki vena ichiga 6 mg/kg/sutka dozada 1-3 marta buyuriladi. 12 yoshdan katta bolalarga mushak ichiga yoki vena ichiga 2-5 mg/kg/sutka dozada 1-3 marta buyuriladi. Ichakda jarrohlik aralashuvi bo‘lganda qorin bo‘shlig‘i operatsiyadan keyingi infeksiyalarining oldini olish uchun gentamitsin bir martalik doza metronidazol yoki klindamitsin bilan birga buyuriladi.

Siydik chiqarish tizimi tomonidan nefrotoksik ta'sir (proteinuriya, mikrogematuriya, azotemiya va kam hollarda - oliguriya). Ushbu preparat ta'siri ko‘proq buyrak funksiyasi buzilgan bemorlarda kuzatiladi. Kam hollarda - buyrak naychalari nekrozi. Sezgi organlari tomonidan ototoksik ta'sir - vestibulyar va labirint buzilishlari, eshitishning pasayishi, quloqda shovqin, qaytmas karsoqlik. Kam hollarda ko‘rish buzilishlari mumkin. Nerv tizimi tomonidan bosh og‘rig‘i, paresteziya, mushaklarning qisilishi, uvishish hissi, epileptik tutqanoqlar, uyquchanlik; kam uchraydigan asorat - nerv-mushak o‘tkazuvchanligi blokadasi va nafas olishning susayishi; bolalarda - psixoz. Ovqat hazm qilish tizimi tomonidan ko‘ngil aynishi, qusish, giperbilirubinemiya, qon "jigar" transaminazalari faolligining oshishi, diareya (soxta membranoz kolit). Yurak-qon tomir tizimi tomonidan yurak urishining tezlashuvi. Qon yaratilish tizimi tomonidan granulositopeniya, neytropeniya, leykopeiya, trombotsitopeniya, anemiya. Boshqa laborator ko‘rsatkichlar - gipokaliemiya, gipokaltsemiya, gipomagniemiya, proteinuriya, siydikda karbamid, kreatinin darajasining oshishi. Allergik reaksiyalar - teri toshmalari, qichishish, angionevrotik shish, eozinofiliya, bronxospazm, anafilaktik reaksiya. Boshqalar - tana haroratining oshishi, holsizlik, superinfeksiya rivojlanishi, ayrim hollarda o‘tkinchi muvozanat buzilishi rivojlanishi mumkin.

Keng ta'sir doirasiga ega bo'lgan aminoglikozidlar guruhiga mansub antibiotik. 30S ribosoma subbirligiga bog'lanadi va oqsil sintezini buzadi, transport va informatsion RNK kompleksi hosil bo'lishiga to'sqinlik qiladi, bunda genetik kod noto'g'ri o'qiladi va nofunktsional oqsillar hosil bo'ladi. Preparat ko'plab gram-musbat va gram-manfiy mikroorganizmlarga, jumladan Pseudomonas aeruginosa, Escherichia coli, Enterobacter spp., Proteus spp., Klebsiella spp., Serratia spp., Citrobacter spp., Providencia spp., Campylobacter pylori, Campylobacter jejuni, Salmonella spp., Shigella spp., Francisella tularensis, Acinetobacter cal.coaceticus, Aeromonas spp. va boshqalarga bakteritsid ta'sir ko'rsatadi. Staphylococcus spp. shtammlariga, penitsillinga chidamli bo'lganlarga ham ta'sir qiladi. Mikroorganizmlarning rezistentligi sekin rivojlanadi, biroq neomitsin va kanamitsinga chidamli shtammlar gentamitsinga ham chidamli (o'zaro rezistentlik). Preparat anaeroblarga, zamburug'larga, viruslarga, eng oddiylarga ta'sir qilmaydi.

Gentamitsin K tarkibida parahidroksibenzoat, natriy bisulfit mavjud bo‘lib, ular, ayniqsa, allergiya yoki bronxial astma anamnezida bo‘lgan hollarda, kechikkan tipdagi reaksiyalarni (kontakt dermatit va boshqalar), kam hollarda esa - toshma, anafilaksiya, bronxospazm chaqirishi mumkin. Ular yuzaga kelganda preparat bekor qilinadi. Infeksion-yallig‘lanish kasalliklari bilan og‘rigan siydik chiqarish yo‘llari bemorlariga adekvat diurezda suyuqlik miqdorini oshirish tavsiya etiladi. Aminoglikozidlar bilan davolash vaqtida preparatning qon zardobidagi konsentratsiyasini aniqlash, shuningdek, kreatinin klirensini nazorat qilish lozim, ayniqsa, keksalarda. Nefrotoksiklik rivojlanish ehtimoli buyrak funksiyasi buzilgan bemorlarda, shuningdek, preparatning yuqori dozalari uzoq muddat buyurilganda yuqoriroq bo‘ladi, shuning uchun buyrak funksiyasini muntazam nazorat qilish kerak (haftasiga 1 yoki 2 marta), 10 kundan ortiq davolangan bemorlarda esa har kuni. Eshitish buzilishining oldini olish uchun muntazam ravishda (haftasiga 1 yoki 2 marta) vestibulyar funksiyani va eshitishni tekshirish, buyrak funksiyasini nazorat qilish, shuningdek, gentamitsin konsentratsiyasini qonda aniqlash tavsiya etiladi. Eshitish pasayishi simptomlari aniqlansa - preparat dozasini kamaytirish yoki davolashni to‘xtatish kerak. Uzoq muddatli davolash fonida mikroorganizmlarning rezistentligi rivojlanishi mumkin, bu holda preparat bekor qilinadi. Kunlik dozaning bir martalik qo‘llanilishi quyidagi bemorlarga tavsiya etilmaydi: neyropeniya, og‘ir buyrak shikastlanishi, kistoz fibroz, abstsesslar, infeksion endokardit, keng kuyishlar (terining 20% dan ortig‘i). Transport vositalari va mexanizmlarni boshqarish qobiliyatiga ta’siri. Psixofizik faollikka ta’siri aniqlanmagan. Ayrim hollarda o‘tkinchi muvozanat buzilishi rivojlanishi mumkin. Bu holat preparat bekor qilingandan keyin ham davom etishi mumkin, bu haqida bemorga ogohlantirish lozim.