Herpes simplex virusi I va II tiplari bilan chaqirilgan teri va shilliq qavatlar infeksiyalarini davolash, birlamchi va ikkilamchi, shu jumladan genital gerpes. •Herpes simplex virusi I va II tiplari bilan chaqirilgan qaytalanuvchi infeksiyalarning zo‘rayishini oldini olish, immun tizimi normal bo‘lgan bemorlarda. •Herpes simplex virusi I va II tiplari bilan chaqirilgan birlamchi va qaytalanuvchi infeksiyalarning oldini olish, immun tanqisligi bo‘lgan bemorlarda. •Immun tanqisligi og‘ir bo‘lgan bemorlarda kompleks terapiya tarkibida: OIV-infeksiyasi (OITS bosqichi, erta klinik namoyonlar va to‘liq klinik manzara) va suyak iligi transplantatsiyasidan o‘tgan bemorlarda. •Varicella zoster virusi (suvchechak, shuningdek, herpes zoster - toshma) bilan chaqirilgan birlamchi va qaytalanuvchi infeksiyalarni davolash.

— atsiklovir va preparatning boshqa komponentlariga yuqori sezuvchanlik; Preparatni homiladorlik, laktatsiya davrida, degidratatsiya, buyrak yetishmovchiligida ehtiyotkorlik bilan buyurish kerak. Preparatni homiladorlik va laktatsiya (emizish) davrida ehtiyotkorlik bilan buyurish kerak. Homiladorlik davrida preparatni qo'llash xavfsizligi bo'yicha yetarli va nazorat qilinadigan klinik tadqiqotlar o'tkazilmagan. Qo'llash faqat onaga kutilayotgan foyda homilaga bo'lgan potentsial xavfdan ustun bo'lgan hollarda ko'rsatiladi. Davolash davrida emizishni to'xtatish masalasini hal qilish zarur.

Ovqat hazm qilish tizimi tomonidan: tez-tez - ko‘ngil aynishi, qusish, diareya; juda kam - gepatit, sariqlik, ayrim hollarda - qorin og‘rig‘i. Qon hosil qilish tizimi tomonidan: kamdan-kam - jigar fermentlari faolligining vaqtinchalik biroz oshishi, siydikda mochevina va kreatinin miqdorining biroz oshishi, gipyerbilirubinemiya; juda kam - leyopeniya, eritropeniya, anemiya, trombotsitopeniya. Markaziy asab tizimi tomonidan: tez-tez - bosh og‘rig‘i, bosh aylanishi; juda kam - qo‘zg‘aluvchanlik, ongning chalkashishi, tremor, ataksiya, dizartriya, gallyutsinatsiyalar, psixotik simptomlar, tutqanoq, uyquchanlik, ensefalopatiya, koma. Odatda bu nojo‘ya ta’sirlar buyrak yetishmovchiligi bo‘lgan yoki boshqa provokatsion omillar mavjud bo‘lgan bemorlarda kuzatilgan va asosan qaytuvchan bo‘lgan. Nafas olish tizimi tomonidan: kamdan-kam - nafas qisishi. Allergik reaksiyalar: anafilaktik reaksiyalar, teri toshmasi, qichishish, eshakemi, Layell sindromi, Stivens-Djonson sindromi. Teri va teri osti yog‘ qavati tomonidan: tez-tez - qichishish, eshakemi, toshma, shu jumladan sensibilizatsiya, kamdan-kam - alopesiya, sochlarning tez va diffuz to‘kilishi (bunday alopesiya turli kasalliklarda va ko‘plab dori vositalari bilan davolashda kuzatiladi, uning asiklovir qabul qilish bilan bog‘liqligi aniqlanmagan); juda kam Layell sindromi, Stivens-Djonson sindromi. Boshqalar: tez-tez - charchoq, isitma; kamdan-kam - periferik shishlar, ko‘rish buzilishi, limfadenopatiya, miyalgiya, holsizlik.

Virusga qarshi preparat, atsiklik purin nukleozidining sintetik analogi, gerpes viruslariga nisbatan yuqori selektiv ta'sirga ega. Virus bilan zararlangan hujayralarda virusli timidinkinaza ta'sirida atsiklovirning mono-, di- va trifosfat atsiklovirga ketma-ket transformatsiya reaksiyalari sodir bo'ladi. Atsiklovirtrifosfat virus DNK zanjiriga qo'shiladi va virus DNK-polimerazasini raqobatli inhibitsiyalash orqali uning sintezini bloklaydi. Invitro atsiklovir oddiy gerpes virusi - Herpessimplex I va II turi, Varicellazoster virusiga qarshi samarali; Epshteyn-Barr virusini inhibitsiyalash uchun yuqoriroq konsentratsiyalar talab qilinadi. Invivo atsiklovir, birinchi navbatda, Herpessimplex tomonidan chaqirilgan virusli infeksiyalarda terapevtik va profilaktik jihatdan samaralidir. Og'iz orqali qabul qilinganda biologik mavjudlik 15-30 % ni tashkil etadi. Atsiklovir organizmning barcha organ va to'qimalariga, shu jumladan bosh miya va teriga yaxshi kiradi. Plazma oqsillari bilan bog'lanishi 9-33 % ni tashkil etadi va uning plazmadagi konsentratsiyasiga bog'liq emas. Orqa miya suyuqligidagi konsentratsiyasi plazmadagi konsentratsiyasining taxminan 50 % ini tashkil etadi. Atsiklovir platsentar to'siqdan o'tadi va ona sutida to'planadi. Cmax og'iz orqali 200 mg 5 marta kuniga qabul qilinganda – 0,7 mkg/ml, Cmax ga erishish vaqti - 1,5-2 soat. Jigarda farmakologik jihatdan nofaol bo'lgan 9-karboksimetoksimetilguaninga metabolizatsiyalanadi. Buyrak funksiyasi normal bo'lgan kattalarda yarim chiqarilish davri 2-3 soatni tashkil etadi. Og'ir buyrak yetishmovchiligida yarim chiqarilish davri - 20 soat, gemodializda – 5,7 soat (bunda atsiklovirning plazmadagi konsentratsiyasi boshlang'ich qiymatining 60 % gacha kamayadi). Taxminan 84 % buyraklar orqali o'zgarmagan holda, 14 % metabolit shaklida chiqariladi. Atsiklovirning buyrak klirensi umumiy plazmatik klirensning 75-80 % ini tashkil etadi. Atsiklovirning 2 % dan kamrog'i organizmdan ichak orqali chiqariladi.

Atsiklovir faqat shifokor ko'rsatmasi bo'yicha, kattalar va 3 yoshdan oshgan bolalarda asoratlarning oldini olish uchun qo'llaniladi. Immuniteti pasaygan bemorlarda atsiklovir bilan uzoq muddatli yoki takroriy davolash, unga ta'sir qilmaydigan virus shtammlarining paydo bo'lishiga olib kelishi mumkin. Atsiklovirga ta'sir qilmaydigan virus shtammlarining aksariyatida virusli timidinkinaza nisbatan yetishmasligi aniqlangan; o'zgargan timidinkinaza yoki o'zgargan DNK-polimerazaga ega shtammlar ajratib olingan. In vitro sharoitida Herpes simplex virusi izolyatsiya qilingan shtammlariga atsiklovir ta'siri kamroq sezgir shtammlarning paydo bo'lishiga olib kelishi mumkin. Preparat buyrak faoliyati buzilgan, yoshi katta bemorlarga ehtiyotkorlik bilan buyuriladi, chunki atsiklovirning yarim chiqarilish davri oshadi. Preparatni qo'llashda yetarli miqdorda suyuqlik qabul qilinishini ta'minlash zarur. Preparatni qabul qilishda buyrak faoliyatini (qon siydik miqdori va plazma kreatinini) nazorat qilish kerak. Atsiklovir genital gerpesning jinsiy yo'l bilan yuqishini oldini olmaydi, shuning uchun davolash davrida, klinik belgilari bo'lmasa ham, jinsiy aloqadan tiyilish zarur. Bemorlarni toshmalar davrida genital gerpes virusi yuqishi, shuningdek, simptomsiz virus tashuvchilik holatlari haqida xabardor qilish kerak. Avtotransport boshqarish va mexanizmlarni boshqarish qobiliyatiga ta'siri Ma'lumotlar yo'q. Biroq, atsiklovir bilan davolash davrida bosh aylanishi rivojlanishi mumkinligini hisobga olish lozim, shuning uchun avtotransport boshqarishda va yuqori diqqat va tez psixomotor reaksiyalar talab qiladigan potensial xavfli faoliyat bilan shug'ullanishda ehtiyotkorlikka rioya qilish zarur.

Sintomlari: og'iz orqali 20 g atsiklovir qabul qilinishi o'ziga xos simptomlarning rivojlanishiga olib kelmagan. Markaziy asab tizimi tomonidan nojo'ya ta'sirlar — tutqanoq, tremor, letargiya paydo bo'lishi mumkin. Davolash: qusishni chaqirish zarur (eng yaxshi natija preparat qabul qilinganidan keyin 30 daqiqa ichida), va absorbentlar qabul qilish kerak.