Moksifloksatsina gidroxlorid ko‘z tomchilari 0,5% - bu steril oftalmik eritma. Bu 8-metoksi ftorxinolon, mahalliy oftalmik qo‘llash uchun mo‘ljallangan infeksiyaga qarshi vosita.

Xinolonlarning, jumladan moksifloksatsinning ta’sir mexanizmi makrolidlar, aminoglikozidlar yoki tetratsiklinlarning ta’siridan farq qiladi. Shunga ko‘ra, moksifloksatsin ushbu antibiotiklarga chidamli patogen mikroorganizmlarga qarshi ta’sir ko‘rsatadi. Moksifloksatsin va yuqorida ko‘rsatilgan antibiotiklar sinflari o‘rtasida o‘zaro rezistentlik mavjud emas. Tizimli moksifloksatsin va ayrim boshqa xinolonlar o‘rtasida o‘zaro rezistentlik kuzatilgan. In vitro sharoitida moksifloksatsinga rezistentlik ko‘plab mutatsiyalar orqali rivojlangan. Moksifloksatsin quyidagi mikroorganizmlarning ko‘pchilik shtammlariga qarshi ta’sir ko‘rsatgan.
Aerob gram musbat mikroorganizmlar
Corynebacterium turlari, Micrococcus luteus, Staphylococcus aureus, Staphylococcus epidermidis, Staphylococcus haemolyticus, Staphylococcus hominis, Staphylococcus warneri, Staphylococcus pneumoniae, Staphylococcus viridans.
Aerob gram manfiy mikroorganizmlar
Acinebacter lwoffii, Haemophilus influenzae, Haemophilus parainfluenzae.
Boshqa mikroorganizmlar
Chlamydia trachomatis
Quyidagi ma’lumotlar in vitro olingan, biroq ularning ko‘z infeksiyalaridagi klinik ahamiyati noma’lum. Mikroorganizmlar ro‘yxati kon’yunktival infeksiyalarni davolash imkoniyatini baholash uchun faqat yo‘riqnoma sifatida keltirilgan. Moksifloksatsin in vitro sharoitida quyidagi ko‘z patogen mikroorganizmlarining ko‘pchilik (=90%) shtammlariga nisbatan minimal tormozlovchi konsentratsiyalar (MTK) 2 g/ml yoki undan kam (tizimli sezuvchanlik nazorat nuqtasi) ko‘rsatgan.
Aerob gram musbat mikroorganizmlar
Staphylococcus pyogenes
Aerob gram manfiy mikroorganizmlar
Escherichia coli, Klebsiella oxytoca, Klebsiella pneumoniae, Moraxella catarrhalis, Proteus mirabilis.
Anaerob mikroorganizmlar
Fusobacterium turlari, Prevotella turlari. 

 In vitro tadqiqotlar moksifloksatsin CYP3A4, CYP2D6, CYP2C9, CYP2C19 yoki CYP1A2 ni inhibe qilmasligini ko‘rsatdi, bu moksifloksatsin ushbu sitoxrom P450 izofermentlari tomonidan metabolizmlanadigan dori vositalarining farmakokinetikasini o‘zgartirmasligini bildiradi. 

 In'ektsiya uchun emas. Moksifloksatsin gidroxloridini subkon'yunktival tarzda, shuningdek, ko'zning oldingi kamerasi ichiga to'g'ridan-to'g'ri yuborish tavsiya etilmaydi. Tizimli ravishda xinolonlar, jumladan moksifloksatsin qabul qilayotgan bemorlarda birinchi doza qabul qilingandan so'ng darhol jiddiy gipersezuvchanlik (anafilaktik) reaksiyasi kuzatilgan. Ba'zi reaksiyalar yurak-qon tomir yetishmovchiligi, hushdan ketish, angionevrotik shish (shu jumladan, hiqildoq, halqum yoki yuz shishi), nafas yo'llarining o'tkazilmasligi, nafas qisishi, toshma va qichishish bilan kechgan. Agar moksifloksatsinga allergik reaksiya kuzatilsa, preparatni qo'llashni to'xtatish kerak. Jiddiy o'tkir gipersezuvchanlik reaksiyalari zudlik bilan shoshilinch davolashni talab qilishi mumkin. Kislorod va nafas yo'llarini boshqarish klinik ko'rsatmalarga muvofiq tayinlanishi kerak.
Boshqa antiinfektsion vositalar kabi, uzoq muddatli qo'llash sezgir bo'lmagan organizmlarning, jumladan zamburug'larning haddan tashqari ko'payishiga olib kelishi mumkin. Agar superinfektsiya yuzaga kelsa, preparatni qo'llashni to'xtatish va muqobil davolashni qo'llash kerak. Har safar klinik davolash tayinlanganda, bemorni biomikroskopiya yordamida, zarur bo'lsa, ftorestsinli kontrastlash bilan tekshirish kerak. Agar bemorda bakterial kon'yunktivit belgilari va simptomlari aniqlansa, kontakt linzalarni taqmaslik kerak.

Homiladorlik va laktatsiya davrida qo'llanilishi

Homiladorlik S toifasi
Preparatni homilador ayollarda qo'llash xavfsizligi aniqlanmagan. Homiladorlik davrida preparatni qo'llash zarur bo'lsa, faqat ona uchun kutilayotgan foyda va homila uchun mumkin bo'lgan xavf ehtiyotkorlik bilan baholanganidan so'ng qo'llash mumkin.
Moksifloksatsin miqdori inson sutida o'lchanmagan, biroq u inson sutiga ajralishi mumkinligi hisobga olinadi. Preparatni emizikli ayollarga buyurishda ehtiyotkorlik choralarini ko'rish kerak.
Preparatni yaroqlilik muddati tugaganidan so'ng qo'llash mumkin emas va uni bolalar uchun yetib bo'lmaydigan joyda saqlash kerak.