Mahalliy qo‘llanganda tizimli so‘rilish past.
Tobramitsin tez va keng miqyosda siydik bilan glomerulyar filtrlatsiya yo‘li bilan, asosan o‘zgarmagan dori shaklida ajraladi. Plazmadan T1/2 taxminan 2 soat, klirensi 0,04 l/soat/kg va taqsimlanish hajmi 0,26 l/kg. Tobramitsin plazma oqsillari bilan bog‘lanishi 10% dan kam.

Tobrimed bu aminoglikozidlar guruhiga mansub keng ta’sir doirasiga ega antibiotikdir. Past konsentratsiyalarda bakteriostatik ta’sir ko‘rsatadi (30S ribosoma subbirligini bloklaydi va oqsil sintezini buzadi), yuqoriroq konsentratsiyalarda – bakteritsid ta’sir ko‘rsatadi.
Staphylococcus spp. (shu jumladan, Staphylococcus aureus, Staphylococcus epidermidis /koagulaza-manfiy va koagulaza-musbat/, shuningdek, penitsillinga chidamli shtammlar); Streptococcus spp. (shu jumladan, a-b-gemolitik turlar, ayrim negemolitik turlar, Streptococcus pneumoniae); Pseudomonas aeruginosa, Escherichia coli, Klebsiella pneumoniae, Serratia spp., Providencia spp., Shigella spp., Citrobacter spp., Enterobacter aerogenes, Proteus mirabilis (indol-manfiy) va indol-musbat Proteus spp. turlari, Hemophilius influenzae, Hemophilius aegyptius, Moraxella lacunata, Acinetobacter calcoaceticus (Herellea vaginacola), ayrim Neisseria spp. turlari (shu jumladan, Neisseria gonorrhoeae) ga nisbatan yuqori faollikka ega. 

 Boshqa antibiotik preparatlarida bo‘lgani kabi, uzoq muddat qo‘llash sezgir bo‘lmagan organizmlarning, jumladan, zamburug‘larning kuchaygan o‘sishiga olib kelishi mumkin. Klinik natija qoniqarsiz bo‘lsa, davolashdan oldin va keyin ekish tavsiya etiladi. Tobrimed ko‘z tomchilari tizimli aminoglikozid antibiotiklari bilan bir vaqtda buyurilganda, tizimli nojo‘ya ta’sirlar (nefrotoksik, ototoksik ta’sir, mineral almashinuv va gemopoez buzilishi) kuchayishi mumkin.
Tobrimed boshqa ko‘z tomchilari bilan birga buyurilganda, tomizishlar orasida kamida 10-15 daqiqa interval saqlash zarur. 

 Tobrimed qo‘llanilishi davrida kontakt linzalarni taqish tavsiya etilmaydi.
Doriga sezgir bo‘lmagan mikroorganizmlarning ko‘payishi xavfi tufayli uzoq muddatli qo‘llashdan saqlanish kerak.

Homiladorlik va laktatsiya

Tobrimed homilador ayollarga faqat o‘ta zarur hollarda, davolash samaradorligi homilaga mumkin bo‘lgan xavfdan ustun bo‘lgan hollarda buyurilishi kerak.
Ko‘z tomchilari Tobrimed yuqori dozalarda yoki uzoq muddatli davolashda qo‘llanilganda, emizish davrida davolashni to‘xtatish kerak.
Dori vositasining transport vositalarini boshqarish yoki potensial xavfli mexanizmlarni boshqarish qobiliyatiga ta’sir qilish xususiyatlari
Dori vositasini qo‘llash vaqtincha ko‘rishning buzilishiga olib kelishi mumkin, shuning uchun preparat tomizilgandan so‘ng darhol avtomobil boshqarish va mexanizmlarni boshqarishdan voz kechish tavsiya etiladi. 

 Mahalliy qo'llashda dozani oshirib yuborish ehtimoli past.
Davolash: ko'zlarni ko'p miqdorda iliq suv bilan yuvish kerak. 

 Qadoqlanishi: 5 ml preparat plastik flakonga, tomizgichli probka va buriladigan himoya qopqog'i, xavfsizlik halqasi bilan joylashtiriladi.
1 dona flakon va qo'llanma davlat va rus tillarida karton qutiga joylashtiriladi.