Tabletkalar - 1 tab.: bendazol 20 mg, metamizol natriy 250 mg, papaverin gidroxlorid 20 mg, fenobarbital 20 mg. 20 dona - yacheykasiz konturli o‘ramlar.

Periferik arteriyalar, OVKT silliq mushaklari, miya tomirlari spazmi bilan bog'liq og'riq sindromi; arterial gipertenziya.

Gipersensitivlik, yaqqol ifodalangan buyrak/jigar yetishmovchiligi, glyukozo-6-fosfatdegidrogenaza yetishmovchiligi, qon kasalliklari, taxiaritmiya, og'ir stenokardiya, dekompensatsiyalangan XSN, yopiq burchakli glaukoma, prostata bezining gipertrofiyasi, ichak tutilishi, megakolon, homiladorlik, laktatsiya davri, bolalar yoshi (8 yoshgacha).

Og'iz orqali, kuniga 2-3 marta 1 tabletka.

Allergik reaksiyalar, uyquchanlik, psixomotor reaksiyalar tezligining pasayishi, ko‘ngil aynishi, qabziyat, arterial bosimning pasayishi, leyopeniya, agranulositoz, jigar/buyrak funksiyasining buzilishi.

Uzoq muddatli (7 kundan ortiq) qo'llanilganda periferik qon manzarasi va jigar funksional holatini nazorat qilish zarur. Davolash davrida diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishdan tiyilish kerak.

Kombinatsiyalangan preparat, vazodilatatsion, analgezik, spazmolitik va sedativ ta’sir ko‘rsatadi. Andipal, spazmolitik vosita sifatida, periferik tomirlar va bosh miya tomirlarining spazmlarida qo‘llaniladi. Umumiy periferik qarshilikni kamaytirib, arteriolalarga ta’sir qilib, preparat arterial bosimni pasaytiradi, kollateral qon aylanishini yaxshilaydi. Miotrop tipdagi spazmolitiklar (bendazol va papaverin) natriy metamizol bilan birga bosh og‘rig‘i, migren paytida oxirgisining og‘riq qoldiruvchi ta’sirini kuchaytiradi. Preparat tarkibida fenobarbitalning mavjudligi sedativ effekt namoyon bo‘lishiga va boshqa komponentlarning ta’sirini kuchaytirishga yordam beradi. Farmakokinetika Natriy metamizol: me’da-ichak yo‘llaridan yaxshi va tez so‘riladi. Ichak devorida gidrolizlanib, faol metabolit hosil qiladi, o‘zgarmagan natriy metamizol qonda aniqlanmaydi (faqat tomir ichiga yuborilganda plazmada uning ahamiyatsiz konsentratsiyasi aniqlanadi). Faol metabolitning plazma oqsillari bilan bog‘lanishi – 50-60 %. Jigarda metabolizatsiyalanadi, buyraklar orqali chiqariladi. Terapevtik dozalarda ona sutiga o‘tadi. Papaverin: so‘rilishi dori shakliga bog‘liq. O‘rtacha biologik mavjudligi – 54 %. Plazma oqsillari bilan bog‘lanishi – 90 %. Yaxshi taqsimlanadi, gistogematik to‘siqlardan o‘tadi. Jigarda metabolizatsiyalanadi. Yarim chiqarilish davri (T1/2) – 0,5-2 soat (24 soatgacha uzayishi mumkin). Buyraklar orqali metabolitlar ko‘rinishida chiqariladi. Gemodializda qondan to‘liq chiqariladi. Fenobarbital: og‘iz orqali qabul qilinganda fenobarbital to‘liq, lekin nisbatan sekin so‘riladi. Qonda maksimal konsentratsiya qabul qilingandan 1-2 soat o‘tib kuzatiladi. Taxminan 50 % plazma oqsillari bilan bog‘lanadi. Preparat turli organ va to‘qimalarda bir tekis taqsimlanadi, miya to‘qimalarida kamroq konsentratsiyada aniqlanadi. Kattalarda yarim chiqarilish davri 2-4 sutka. Organizmda sekin chiqariladi, bu kumulyatsiyaga sharoit yaratadi. Jigarning mikrosomal fermentlari bilan metabolizatsiyalanadi. Buyraklar orqali faol bo‘lmagan metabolitlar ko‘rinishida 25-50 % o‘zgarmagan holda chiqariladi.

Farmakodinamik: nitratlar (shu jumladan nitroglitserin, izosorbid dinitrat), sekin kalsiy kanallari blokatorlari (shu jumladan propranolol, metoprolol, oksprenolol, talinolol), ganglioblokatorlar (shu jumladan azametoniy bromid), diuretiklar (shu jumladan dipiridamol, aminofillin) bilan birga qo‘llanganda Andipal preparatining gipotenziyal ta’siri kuchayadi. Alfa-adrenomimetiklarning to‘g‘ridan-to‘g‘ri (shu jumladan epinefrin, norepinefrin) va bilvosita (efedrin) ta’sir turidagi, N-xolinomimetiklar (shu jumladan nikotin, atsetilxolin), analiptiklar (shu jumladan kamfora, sulfo-kamfokain [prokain+sulfokamfor kislotasi], niketamid, bemegrid, lobelin, sitizin), toniziruvchi vositalar (shu jumladan jenshen ildizi, eleuterokokk ildizpoyasi va ildizlari ekstrakti, rodiola ekstrakti) va Andipal preparati birga qo‘llanganda oxirgisining gipotenziyal effekti kamayadi. Farmakokinetik: adsorbentlar (faollashtirilgan ko‘mir), bog‘lovchi va qoplovchi vositalar bilan birga qo‘llanganda preparatning me’da-ichak yo‘llarida so‘rilishi kamayadi. Bendazol beta-adrenoblokatorlar sababli yuzaga keladigan umumiy periferik tomir qarshiligining oshishini oldini oladi. Fentolamin bendazolning gipotenziyal ta’sirini kuchaytiradi. Papaverin levodopaning antiparkinsonik effektini va metildopaning gipotenziyal effektini kamaytiradi. Barbituratlar bilan birga qo‘llanganda papaverinning spazmolitik ta’siri kuchayadi. Trisiklik antidepressantlar, prokainamid, rezerpin, xinin bilan birga qo‘llanganda papaverinning gipotenziyal effekti kuchayishi mumkin. Alprostadil bilan birga qo‘llanganda priapizm rivojlanish xavfi oshadi. Fenobarbital antibiotiklar va sulfanilamidlarning antibakterial faolligini, grizeofulvinning zamburug‘larga qarshi ta’sirini kamaytiradi. Bilvosita antikoagulyantlar, glyukokortikosteroidlar, doksitsiklin, estrogenlar va jigar orqali oksidlanish yo‘li bilan metabolizatsiyalanadigan boshqa dori vositalarining samaradorligini kamaytiradi (ularning parchalanishini tezlashtiradi). Uyqu keltiruvchi ta’sir atropin, belladonna ekstrakti, dekstroza, tiamin, nikotin kislotasi, analiptiklar va psixostimulyator dori vositalari bilan birga qabul qilinganda kamayadi. Rezerpin bilan birga qo‘llanganda antikonvulsant ta’sir kamayadi, amitriptilin, nialamid, diazepam, xlordiazepoksid ta’sirida esa kuchayadi. Atsetazolamid siydikni ishqoriylashtirib, fenobarbitalning buyraklarda reabsorbtsiyasini kamaytiradi va uning effektini susaytiradi. Metamizol natriy Siklosporin bilan: metamizol natriy siklosporinning plazmadagi konsentratsiyasini kamaytirishi mumkin, shuning uchun ularni birga qo‘llaganda siklosporin konsentratsiyasini nazorat qilish kerak. Xlorpromazin bilan: metamizol natriy va xlorpromazin birga qo‘llanganda og‘ir gipotermiya rivojlanishi mumkin. Metotreksat bilan: metamizol natriy va metotreksat yoki boshqa mielotoksik vositalarni birga qo‘llash oxirgisining gematotoksikligini kuchaytirishi mumkin, ayniqsa keksa bemorlarda. Shuning uchun bunday kombinatsiyadan saqlanish kerak. Boshqa narkotik bo‘lmagan analgetik vositalar bilan: metamizol natriyni boshqa narkotik bo‘lmagan analgetik vositalar bilan birga qo‘llash o‘zaro toksik effektlarning kuchayishiga olib kelishi mumkin. Trisiklik antidepressantlar, og‘iz orqali qabul qilinadigan kontratseptivlar, allopurinol bilan: trisiklik antidepressantlar, og‘iz orqali qabul qilinadigan kontratseptivlar, allopurinol metamizol natriyning jigar orqali metabolizmini buzadi va uning toksikligini oshiradi. Barbituratlar, fenilbutazon va jigar mikrosomal fermentlari induktorlarining boshqa turlari bilan: barbituratlar, fenilbutazon va jigar mikrosomal fermentlari induktorlarining boshqa turlari metamizol natriyning ta’sirini susaytiradi. Sedativ vositalar va trankvilizatorlar bilan: sedativ vositalar va trankvilizatorlar metamizol natriyning og‘riq qoldiruvchi ta’sirini kuchaytiradi. Plazma oqsillari bilan yuqori bog‘lanadigan dori vositalari bilan (og‘iz orqali qabul qilinadigan gipoglikemik vositalar, bilvosita antikoagulyantlar, glyukokortikosteroidlar va indometatsin): metamizol natriy plazma oqsillari bilan bog‘lanishdan og‘iz orqali qabul qilinadigan gipoglikemik vositalar, bilvosita antikoagulyantlar, glyukokortikosteroidlar va indometatsinni siqib chiqarib, ularning faolligini oshiradi. Timazol bilan: timazol leykopeyaniya rivojlanish xavfini oshiradi. Kodein, H2-gistamin retseptorlari blokatorlari va propranolol bilan: kodein, H2-gistamin retseptorlari blokatorlari va propranolol metamizol natriyning effektini kuchaytiradi. Atsetilsalitsil kislotasi (ASK) bilan: metamizol natriy birga qo‘llanganda ASKning trombotsitlar agregatsiyasiga ta’sirini kamaytirishi mumkin. Shuning uchun ushbu kombinatsiyani ASKni antiagregant sifatida qabul qilayotgan bemorlarni davolashda ehtiyotkorlik bilan qo‘llash kerak. Bupropion bilan: metamizol natriy bupropionning qondagi konsentratsiyasini kamaytirishi mumkin, bu ularni birga qo‘llashda inobatga olinishi kerak. Boshqa dori vositalari bilan: ma’lumki, pirazolon hosilalari bilvosita antikoagulyantlar, kaptopril, litiy va triamteren bilan o‘zaro ta’sir qilishi, shuningdek, gipotenziyal vositalar va diuretiklarning samaradorligiga ta’sir qilishi mumkin. Metamizol natriyning ushbu dori vositalari bilan o‘zaro ta’siri hali o‘rganilmagan. Metamizol natriy bilan davolash vaqtida anafilaktik/anafilaktoid reaksiyalar rivojlanish xavfi yuqori bo‘lgani sababli rentgenokontrast vositalar, kolloid qon o‘rnini bosuvchi vositalar va penisillin qo‘llanmasligi kerak.

Andipal preparati uchun Doza oshib ketishining simptomlari: tarkibiga kiruvchi komponentlarning xususiyatlari bilan bog‘liq. Doza oshib ketganda kuchli uyquchanlik, bosh aylanishi, kollaptoid holat yuzaga keladi. Davolash: birinchi yordam ko‘rsatish – oshqozonni yuvish, faollashtirilgan ko‘mir qabul qilish. Hayotiy muhim funksiyalarni qo‘llab-quvvatlashga qaratilgan simptomatik terapiya. Intoksikatsiyani davolash, shuningdek, jiddiy asoratlarning oldini olish uchun intensiv tibbiy kuzatuv va davolash talab etiladi. Metamizol natriy uchun Doza oshib ketishining simptomlari: o‘tkir doza oshib ketishi ko‘ngil aynishi, qusish, qorin og‘rig‘i, buyrak funksiyasining buzilishi/o‘tkir buyrak yetishmovchiligi (masalan, interstitsial nefridning namoyon bo‘lishi sifatida) va kamdan-kam hollarda markaziy asab tizimi tomonidan simptomlar (koma, tutqanoq) va arterial bosimning pasayishi, bu taxikardiya va shokka olib keladi. Yuqori doza oshib ketganda rubazon kislotasining chiqarilishi siydikni qizil rangga bo‘yashi mumkin. Davolash: maxsus antidot ma’lum emas. Yaqinda doza oshib ketganida preparatning organizmga tushishini cheklash maqsadida birlamchi detoksikatsiya (masalan, oshqozonni yuvish) yoki sorbsiya terapiyasi (masalan, faollashtirilgan ko‘mir) o‘tkaziladi. Asosiy metabolit (4N-metilaminoantipirin) gemodializ, gemofiltratsiya, gemoperfuziya va plazmafiltratsiya yordamida chiqariladi. Doza oshib ketishini davolash, shuningdek, jiddiy asoratlarning oldini olish umumiy va maxsus intensiv tibbiy kuzatuv va davolashni talab qilishi mumkin. Fenobarbital uchun Doza oshib ketishining simptomlari: nistagm, ataksiya, bosh og‘rig‘i, sekinlashuv, noaniq nutq, kuchli holsizlik, reflekslarning pasayishi yoki yo‘qolishi, qo‘zg‘aluvchanlik, tana haroratining oshishi yoki pasayishi, nafas olishning susayishi, nafas qisilishi, arterial bosimning pasayishi, qorachiqning torayishi (paralitik kengayish bilan almashadi), oliguriya, taxikardiya yoki bradikardiya, sianoz, ongning chalkashishi, miya elektr faolligining to‘xtashi, o‘pka shishi, koma, keyinchalik – pnevmoniya, aritmiyalar, yurak yetishmovchiligi, 2-10 g qabul qilinganda – o‘lim, surunkali toksiklikda – asabiylashish, tanqidiy baholash qobiliyatining susayishi, uyqu buzilishi, ongning chalkashishi. Davolash: maxsus antidot yo‘q. Oshqozonni yuvish, faollashtirilgan ko‘mir qabul qilish, detoksikatsion terapiya o‘tkazish, simptomatik davolash, organizmning hayotiy muhim funksiyalarini qo‘llab-quvvatlash. Bendazol uchun Doza oshib ketish holatlari haqida ma’lumot yo‘q. Eng ehtimoliy nojo‘ya hodisa arterial bosimning kuchli pasayishi bo‘lishi mumkin. Davolash: arterial bosimning kuchli pasayishida bemorga «yotgan» holat berish, pastki oyoq-qo‘llarni ko‘tarish, simptomatik terapiya o‘tkazish. Papaverin gidroxlorid uchun Doza oshib ketishining simptomlari: diplopiya (ko‘zda ikki ko‘rish), holsizlik, arterial bosimning pasayishi. Davolash: simptomatik (arterial bosimni qo‘llab-quvvatlash).