1 ampula tarkibida: faol modda: ambroksol gidroxlorid (100% modda hisobida) - 15 mg; yordamchi modda: limon kislotasi monogidrat, natriy xlorid, natriy fosfat gepagidrat (dinatriy fosfat kislotasi gepagidrat), 0,1 mol/l xlorid kislotasi eritmasi, in'ektsiya uchun suv.

Ambroksol sekretolitik terapiya maqsadida balg‘am ajralishi va yo‘talishi buzilgan o‘tkir va surunkali bronx-o‘pka kasalliklarida qo‘llaniladi: o‘tkir va surunkali bronxitlar, pnevmoniya; balg‘am ajralishi qiyin bo‘lgan bronxial astma; bronxoektatik kasallik.

ambroksol va/yoki preparatning boshqa komponentlariga yuqori sezuvchanlik; homiladorlikning I trimestri.

Ambroksol in'ektsiya uchun eritma mushak ichiga, teri ostiga yoki vena ichiga (sekin oqim bilan yoki tomchilab) yuboriladi. Erituvchi sifatida 0,9 % natriy xlorid eritmasi, 5% glyukoza eritmasi, Ringer-Lokk eritmasi yoki pH 6,3 dan yuqori bo'lmagan boshqa asosiy eritma qo'llaniladi. Kattalarga odatda 2 ml dan 2-3 marta kuniga buyuriladi, og'ir hollarda doza ikki baravar oshirilishi mumkin. Bolalarga preparat kunlik dozada tana vazniga 0,0012-0,0016 g/kg hisobida buyuriladi. Odatda 2 yoshgacha bo'lgan bolalarga 1 ml (1/2 ampula) 2 marta kuniga; 2 yoshdan 5 yoshgacha - 1 ml (1/2 ampula) 3 marta; 5 yoshdan katta - 2 ml (1 ampula) 2-3 marta buyuriladi. Yangi tug'ilgan va muddatidan oldin tug'ilgan bolalarda respirator distress-sindromda Ambroksol ampulalarining kunlik doza 0,01 g/kg gacha oshiriladi (og'ir hollarda - 0,03 g/kg gacha, 3-4 marta yuboriladi). In'ektsiyalar kasallikning o'tkir belgilari yo'qolgandan so'ng to'xtatiladi va Ambroksol preparatining boshqa dori shakllarini og'iz orqali yoki rektal qabul qilishga o'tiladi. Davolash davomiyligi kasallik kechishining xususiyatlariga bog'liq. Ambroksolni shifokor tavsiyasisiz 4-5 kundan ortiq qo'llash tavsiya etilmaydi.

Kamdan-kam: bosh og'rig'i, charchoq, holsizlik, oyoqlarda og'irlik - gastralgiya, ko'ngil aynishi, qusish; gipersensitivlik reaksiyalari (terida toshma, yuzda shish, dispnoe, qichishish); gor. Juda kamdan-kam: allergik reaksiyalar, shu jumladan anafilaktik shok.

Ambroksol o‘zgargan bronx-o‘pka sekretsiyasini normallashtiradi, balg‘amning reologik ko‘rsatkichlarini yaxshilaydi, uning quyuqligini kamaytiradi, balg‘amning bronxlardan chiqishini osonlashtiradi. Ambroksol alveolalardagi 2-tip pnevmotsitlar va Klara hujayralariga to‘g‘ridan-to‘g‘ri ta’sir qilish orqali sirt-aktiv modda tizimini faollashtirishga yordam beradi, embrion va kattalar o‘pkasining alveolyar va bronxial sohasida sirt-aktiv material (surfactant) hosil bo‘lishi va chiqarilishini rag‘batlantiradi. Bundan tashqari, ambroksolning antioksidant ta’siri aniqlangan. Ambroksol qo‘llangandan so‘ng balg‘am va bronx sekretsiyasida antibiotiklarning konsentratsiyasi oshadi.

1 ampulada 1 mmol natriy (23 mg) mavjudligini inobatga olish kerak. Tez vena ichiga yuborilganda bosh og‘rig‘i, charchoq va oyoqlarda og‘irlik hissi paydo bo‘lishi mumkin. Buyraklarning funksional imkoniyati cheklanganda va/yoki jigar og‘ir kasalliklarida Ambroksolni alohida ehtiyotkorlik bilan, qo‘llanilayotgan doza kamaytirilgan holda va preparatni qabul qilish oralig‘i oshirilgan holda qo‘llash kerak. Homiladorlik va laktatsiya davri Hozirgi vaqtgacha Ambroksolning homila va chaqaloqlarga salbiy ta’siri haqida ishonchli ma’lumotlar yo‘qligiga qaramay, preparatni homiladorlikning II va III trimestrlarida va laktatsiya davrida qo‘llash shifokor tomonidan foyda/xavf nisbatini sinchiklab tahlil qilgandan so‘ng mumkin. Dori vositasining transport vositasini yoki potensial xavfli mexanizmlarni boshqarish qobiliyatiga ta’sir qilish xususiyatlari Ta’sir qilmaydi.