1 tabletka tarkibida: faol modda ambroksol gidroxlorid 30,00 mg; yordamchi moddalari: laktosa monogidrat 169,46 mg, makkajo'xori kraxmali 36,33 mg, magniy stearat 2,41 mg, kremniy dioksid kolloid suvdan holi 1,80 mg.

Nafas yo'llarining o'tkir va surunkali kasalliklari, balg'am hosil bo'lishi va ajralishi buzilishi bilan kechadigan holatlar.

- ambroksolga yoki yordamchi moddalardan biriga yuqori sezuvchanlik; - 6 yoshgacha bo'lgan bolalarda qo'llash; - homiladorlik (I trimestr); - laktaza yetishmovchiligi, laktaza tanqisligi yoki glyukoza-galaktoza malabsorbsiyasi. Ehtiyotkorlik bilan: Bronxlarning motor funksiyasi buzilishi va balg'amning ko'payishi (harakatsiz kiprikchali sindromda), oshqozon va 12 barmoqli ichak yarasi kasalligining zo'rayish davrida, homiladorlik (II-III trimestr), laktatsiya davri. Buyrak funksiyasi buzilgan yoki og'ir jigar kasalliklari bo'lgan bemorlar Ambrobene preparatini alohida ehtiyotkorlik bilan, qabul qilishlar orasida uzoqroq tanaffuslar bilan yoki preparatni kichikroq dozalarda qabul qilishlari kerak.

Tabletkalarni butun holda, chaynalmay, ovqatdan keyin, ko'p miqdorda suyuqlik bilan ichish kerak. 6 yoshdan 12 yoshgacha bo'lgan bolalarga ½ tabletka 2-3 marta kuniga (15 mg ambroksol 2-3 marta kuniga) qabul qilish tavsiya etiladi. Kattalar va 12 yoshdan katta bolalarga davolashning dastlabki 2-3 kunida 1 tabletka 3 marta kuniga (30 mg ambroksol 3 marta kuniga) qabul qilish tavsiya etiladi. Davolash samarasiz bo'lsa, kattalar dozasini 2 tabletka 2 marta kuniga (120 mg ambroksol kuniga) oshirishlari mumkin. Keyingi kunlarda 1 tabletka 2 marta kuniga (30 mg ambroksol 2 marta kuniga) qabul qilish kerak. Davolash davomiyligi kasallik kechishiga qarab individual tanlanadi. Ambrobene ni shifokor tavsiyasisiz 4-5 kundan ortiq qabul qilish tavsiya etilmaydi. Preparatning mukolitik ta'siri ko'p miqdorda suyuqlik ichilganda namoyon bo'ladi. Shuning uchun davolash davomida ko'p suyuqlik ichish tavsiya etiladi.

Umumiy buzilishlar: Kamdan-kam (≥ 0,1 % dan < 1 % gacha): allergik reaksiyalar (toshma, teri toshmasi, yuzning angionevrotik shishi, nafas qisilishi, qichishish), isitma, holsizlik, bosh og'rig'i. Juda kam (< 0,01 %): anafilaktik reaksiyalar, shu jumladan anafilaktik shok. Ovqat hazm qilish tizimi tomonidan: Kamdan-kam (≥ 0,1 % dan < 1 % gacha): ko'ngil aynishi, qorin og'rig'i, qusish, diareya, qabziyat. Boshqalar: Kamdan-kam (≥ 0,1 % dan < 1 % gacha): og'iz va nafas yo'llari shilliq qavatining qurishi, ekzantema, rinoreya, dizuriya.

Ambroksol benzilamin hisoblanadi – bromgexinning metaboliti. Bromgexindan metil guruhi yo‘qligi va gidroksil guruhi siklogeksil halqasining para-trans holatida mavjudligi bilan farq qiladi. Sekretomotor, sekretolitik va balg‘am ko‘chiruvchi ta’sirga ega. Og‘iz orqali qabul qilingandan so‘ng ta’siri 30 daqiqadan keyin boshlanadi va 6-12 soat davom etadi (qabul qilingan doza miqdoriga bog‘liq). Doklinik tadqiqotlar ambroksol bronxlar shilliq qavati bezlarining seroz hujayralarini stimulyatsiya qilishini ko‘rsatdi. Kiprikli epiteliy hujayralarini faollashtirib va balg‘amning quyuqligini kamaytirib, mukotsiliyar transportni yaxshilaydi. Ambroksol surfaktant hosil bo‘lishini faollashtiradi, alveolyar pnevmotsitlarning 2-turi va kichik nafas yo‘llarining Klara hujayralariga bevosita ta’sir ko‘rsatadi. Hujayra madaniyatlarida va hayvonlarda in vivo tadqiqotlar ambroksol surfaktant moddasining hosil bo‘lishi va sekretsiyasini stimulyatsiya qilishini ko‘rsatdi, bu modda embrion va kattalarda alveola va bronxlar yuzasida faol hisoblanadi. Shuningdek, doklinik tadqiqotlarda ambroksolning antioksidant ta’siri isbotlangan. Ambroksol antibiotiklar (amoksitsillin, tsefuroksim, eritromitsin va doksitsiklin) bilan birga qo‘llanganda ularning balg‘am va bronx sekretsiyasidagi konsentratsiyasini oshiradi. Farmakokinetika Og‘iz orqali qabul qilinganda ambroksol deyarli to‘liq oshqozon-ichak traktidan so‘riladi. Maksimal konsentratsiyaga og‘iz orqali qabul qilingandan 1-3 soat o‘tib erishiladi. Presistem metabolizm tufayli ambroksolning mutlaq biologik o‘zlashtirilishi og‘iz orqali qabul qilinganda taxminan ⅓ ga kamayadi. Shu bilan bog‘liq ravishda hosil bo‘ladigan metabolitlar (masalan, dibromoantranil kislotasi, glyukuronidlar) buyraklar orqali chiqariladi. Plazma oqsillari bilan bog‘lanishi taxminan 85 % (80-90 %) ni tashkil qiladi. Plazmadan yarim chiqarilish davri 7 dan 12 soatgacha. Ambroksol va uning metabolitlarining umumiy yarim chiqarilish davri taxminan 22 soatni tashkil qiladi. Asosan buyraklar orqali metabolitlar ko‘rinishida chiqariladi – 90 %, 10 % dan kamrog‘i o‘zgarmagan holda chiqariladi. Plazma oqsillari bilan yuqori bog‘lanish, taqsimlanish hajmining katta bo‘lishi va to‘qimalardan qonga sekin qayta taqsimlanishi hisobga olinsa, ambroksolni dializ yoki majburiy diurezda sezilarli chiqarilishi sodir bo‘lmaydi. Og‘ir jigar kasalliklari bo‘lgan bemorlarda ambroksol klirensi 20-40 % ga kamayadi. Og‘ir buyrak yetishmovchiligi bo‘lgan bemorlarda ambroksol metabolitlarining yarim chiqarilish davri oshadi. Ambroksol orqa miya suyuqligiga va platsentar to‘siq orqali o‘tadi, shuningdek, ko‘krak sutiga ajraladi.

Siptomlar: Ambroksolning dozasi oshirib yuborilganda intoksikatsiya belgilari aniqlanmagan. Asabiy qo‘zg‘alish va diareya haqida ma’lumotlar mavjud. Ambroksol og‘iz orqali qabul qilinganda kuniga 25 mg/kg gacha bo‘lgan dozada yaxshi o‘zlashtiriladi. Og‘ir dozani oshirib yuborish holatida so‘lak ajralishining kuchayishi, ko‘ngil aynishi, qusish, arterial bosimning pasayishi mumkin. Davolash: Intensiv terapiya usullari, masalan, qusishni chaqirish, oshqozonni yuvish, faqat og‘ir dozani oshirib yuborish holatlarida, preparat qabul qilinganidan keyin dastlabki 1-2 soat ichida qo‘llanilishi kerak. Simptomatik davolash ko‘rsatilgan.