1 ml eritmada faol modda - mayda dengiz baliqlari bioaktiv kontsentrati 0,1 ml, yordamchi moddalari fenol, in'ektsiya uchun suv 1 ml gacha.

- turli lokalizatsiyadagi birlamchi va ikkilamchi osteoartroz (shu jumladan koksartroz, gonartroz, kichik bo‘g‘imlar artrozi) - osteoxondroz - spondilez

- preparatning har qanday komponentiga yuqori sezuvchanlik - homiladorlik va laktatsiya davri - 18 yoshgacha bo‘lgan bolalar yoshi

Kattalar uchun Osteoartroz va osteoxondrozda preparat kuniga 1 ml dan chuqur mushak ichiga 3 hafta davomida yuboriladi. Katta bo‘g‘imlar asosan zararlanganda preparat har bir bo‘g‘imga 1-2 ml dan 3 kunlik interval bilan shifokor nazorati ostida bo‘g‘im ichiga yuboriladi. Davolash kursi har bir bo‘g‘imga 5 in’ektsiyani tashkil etadi. Davolash kursini shifokor maslahatiga ko‘ra 3 - 6 oydan so‘ng takrorlash maqsadga muvofiq.

Kamdan-kam hollarda - qichishuvchi dermatit, terining qizarishi va preparat yuborilgan joyda kuydiruvchi his - qisqa muddatli mialgiyalar - qon bosimining oshishi Ayrim hollarda - bo‘g‘im ichiga in’ektsiyalarda og‘riq sindromining o‘tkinchi kuchayishi mumkin Juda kam hollarda - anafilaktik reaksiyalar rivojlanishi mumkin

Alflutop – xondroprotektor bo‘lib, dengiz organizmlaridan olingan ekstrakt hisoblanadi, tarkibida glikozaminoglikanlar (gialuron kislotasi, xondroitin-6-sulfat, xondroitin-4-sulfat, dermatan sulfat, keratan sulfat; aminokislotalar), molekulyar massasi 50000 dalton bo‘lgan polipeptidlar va makro- hamda mikroelementlar (natriy, kaliy, kaltsiy, magniy, temir, sink, mis) mavjud. Preparat xaftaga to‘qimalarida moddalar almashinuvini tartibga soladi, xondroprotektor ta’sir ko‘rsatadi, bu esa gialuronidaza va boshqa fermentlar faolligini bostirishga asoslangan, shuningdek, gialuron kislotasi va II tip kollagen biosintezini normallashtiradi. Alflutop interstitsial to‘qima va bo‘g‘im xaftasi to‘qimasida tiklanish jarayonlarini rag‘batlantiradi, yallig‘lanish mediatorlari, shu jumladan yallig‘lanishga qarshi sitokinlar biosintezini sekinlashtiradi. Aniq ifodalangan yallig‘lanishga qarshi va analgezik ta’sir davolashning 8-10 kunida namoyon bo‘ladi.

Preparat avtoimmun kasalliklar (revmatik poliartirit, ankilozlovchi spondilit, eritematoz, sklerodermiya) holatlarida ehtiyotkorlik bilan, qat’iy tibbiy nazorat ostida qo‘llanilishi lozim. Dengiz mahsulotlariga (dengiz baliqlari) individual toqat qilmaslik holatida allergik reaksiyalar rivojlanish xavfi ortadi.

Simptomlar: moyil bemorlarda allergik reaksiyalar paydo bo‘lishi mumkin. Davolash: preparatni bekor qilish, simptomatik terapiya.