Faol modda 1 ml eritma tarkibida glyukozamin sulfat natriy tuzi 100% modda hisobida – 251,25 mg, glyukozamin sulfat hisobida – 200 mg, natriy xlorid hisobida – 51,25 mg; Yordamchi moddalar lidokain gidroxlorid, in'ektsiya uchun suv; ampula V (erituvchi) dietanolamin, in'ektsiya uchun suv.

Osteoartrit simptomlarini, og'riq va funksional cheklovlarni davolash. Qo'llash usuli. Preparat faqat mushak ichiga qo'llanadi. Kattalar bemorlar va keksalar. Qo'llashdan oldin eritma V (erituvchi) ni eritma A (preparat eritmasi) bilan bitta shpritsda aralashtiring. Tayyorlangan preparat eritmasi mushak ichiga 3 ml (eritma A+B) dan haftasiga 3 marta, 1 kunlik tanaffus bilan, 4-6 hafta davomida yuboriladi.

Preparat tarkibiy qismlariga individual yuqori sezuvchanlik. Molluskalar allergiyasi. Kardiogen shok. Aniq ifodalangan arterial gipotenziya. Surunkali yurak yetishmovchiligini og‘ir shakllari. Chap qorincha funksiyasining pasayishi. Atrioventrikulyar blokada II-III daraja. Og‘ir bradikardiya. Adams-Stokes sindromi. Anamnezda lidokain qo‘llanilishi bilan chaqirilgan tutqanoq holatlari. Sinus tugunining zaiflik sindromi. Jigar funksiyasining og‘ir buzilishlari. Gipovolemiya. Miasteniya.Dori vositalari o‘zaro ta’siriPreparat nosteroid yallig‘lanishga qarshi vositalar va glyukokortikosteroidlar bilan mos keladi. Kumarinli antikoagulyantlar bilan birga qo‘llanganda ularning ta’siri kuchayishi mumkin. Shu sababli ushbu bemorlarda koagulyatsiya parametrlarini nazorat qilish maqsadga muvofiq. Tetratsiklinning me’da-ichakdan so‘rilishi kuchayishi mumkin. Simetidin, peptidin, bupivakain, propranolol, xinin, dizopiramid, amitriptilin, nortiptilin, xlorpromazin, imipramin lidokainning qon zardobidagi darajasini oshiradi, uning jigar metabolizmini kamaytiradi. Lidokain nerv-mushak uzatishni bloklovchi preparatlarning ta’sirini kuchaytirishi mumkin, chunki oxirgilar nerv impulslarining o‘tkazuvchanligini kamaytiradi. IA sinf antiaritmik preparatlar (shu jumladan xinin, prokainamid, dizopiramid) bilan birga qo‘llanganda QT intervali uzayadi, ayrim hollarda AV-blokada yoki qorinchalar fibrillyatsiyasi rivojlanishi mumkin. Sedativ vositalar bilan birga qo‘llanganda tinchlantiruvchi effekt kuchayadi. Fenitoin lidokainning kardiodepressiv ta’sirini kuchaytiradi. Prokainamid bilan birga qo‘llanganda bred, gallyutsinatsiyalar bo‘lishi mumkin. Etanol lidokainning nafas olish tizimiga tormozlovchi ta’sirini kuchaytiradi. Mos kelmaslik. Boshqa preparatlar bilan bir shpritsda aralashtirmang. Qo‘shilgan erituvchidan boshqa erituvchilarni ishlatmang.

Faqat mushak ichiga qo‘llash uchun! Sinarta preparati tomir ichiga yuborish uchun mo‘ljallanmagan. Kattalar bemorlar va keksalar. Qo‘llashdan oldin B eritmasini (erituvchi 1 ml) A eritmasi (sinarta preparati eritmasi 2 ml) bilan bir shpritsda aralashtiring. Tayyorlangan sinarta preparati eritmasini mushak ichiga 3 ml yoki 6 ml (A + B eritmasi) haftasiga 3 marta 4-6 hafta davomida yuboring. A ampulasidagi eritmaning sarg‘ish rangga ega bo‘lishi preparatning samaradorligi va o‘zlashtirilishiga ta’sir qilmaydi. Sinarta preparati in’eksiyalari sinarta preparatini og‘iz orqali qabul qilish uchun eritma tayyorlash uchun kukun shaklida qabul qilish bilan birga qo‘llanishi mumkin. Sinarta o‘tkir og‘riq sindromini davolash uchun ko‘rsatilmagan. Simptomlarning yengillashuvi (ayniqsa og‘riqning kamayishi) faqat bir necha haftalik davolashdan so‘ng yuzaga kelishi mumkin, ba’zi hollarda esa – yanada uzoqroq vaqt o‘tgach. Buyrak va/yoki jigar funksiyasi buzilgan bemorlarga doza tuzatish bo‘yicha tavsiyalar berilmaydi, chunki tegishli tadqiqotlar o‘tkazilmagan. Bolalar Bolalar va o‘smirlarga qo‘llanilmaydi, chunki sinarta preparatining bunday bemorlarda xavfsizligi va samaradorligi aniqlanmagan.

Dori vositasining nojo'ya reaktsiyalari rivojlanish chastotasini baholash mezonlari: juda tez-tez – > 1/10, tez-tez – > 1/100 dan <1/10 gacha, kamdan-kam – > 1/1000 dan <1/100 gacha, noyob – 1/10000 dan <1/1000 gacha, juda noyob – <1/10000, bog'liqligi isbotlanmagan* – chastota mavjud ma'lumotlardan baholab bo'lmaydi. Ovqat hazm qilish tizimi tomonidan tez-tez – qorin og'rig'i, meteorizm, diareya, qabziyat, ko'ngil aynishi, qusish. Nerv tizimi tomonidan tez-tez – bosh og'rig'i, uyquchanlik, umumiy holsizlik; til va lablarning uvishishi, yorug'likdan qo'rqish, uyqu buzilishi, ko'rish buzilishi, diplopiya, ongning chalkashligi, mushaklarning qisilishi, yuqori dozalardan so'ng – quloqda shovqin, hayajonlangan holat, paresteziya, tutqanoq. Immun tizimi tomonidan bog'liqligi isbotlanmagan – turli teri toshmalari va qichishish shaklida allergik reaktsiya; shish; juda noyob – anafilaktoid reaktsiyalar, anafilaktik shok, generalizatsiyalashgan eksfoliativ dermatit. Ko'rish organlari tomonidan bog'liqligi isbotlanmagan – ko'rish buzilishlari. Teri va uning tuzilmalari tomonidan kamdan-kam – eritema, bog'liqligi isbotlanmagan – soch to'kilishi. Yurak-qon tomir tizimi tomonidan arterial gipotenziya, yurakning ko'ndalang blokadasi. Nafas olish tizimi tomonidan nafas olishning susayishi yoki to'xtashi, nafas qisilishi. Boshqalar – issiqlik, sovuqlik yoki oyoq-qo'llarning uvishishi, yomon sifatli gipertermiya, immun tizimining susayishi. Mahalliy reaktsiyalar – yengil kuydiruvchi sezgi (1 daqiqa ichida anesteziya effekti rivojlanishi bilan yo'qoladi), tromboflebit.

Glyukozamin sulfat glikozaminoglikanlar va, mos ravishda, bo'g'im proteoglikanlarining sintezini stimulyatsiya qiladi. Bundan tashqari, glyukozamin yallig'lanishga qarshi xususiyatlarga ega, bo'g'im tog'ayining degradatsiya jarayonlarini asosan uning metabolik faolligi, interleykin-1 (IL-1), lizosomal fermentlar, kollagenaza va fosfolipaza A2 faolligini bostirish qobiliyati hisobiga sekinlashtiradi. Glyukozamin sulfat bilan davolash effekti davolash boshlanganidan 2-3 hafta o'tgach namoyon bo'ladi.

Qo‘llashdan oldin preparat tarkibida lidokain mavjudligi sababli individual sezuvchanlikka teri testi o‘tkazish zarur. Preparatni yomon sifatli gipertermiya moyilligi bo‘lgan bemorlarga ehtiyotkorlik bilan buyurish kerak. Yurak kasalliklarida lidokain qo‘llashdan oldin qonda kaliy darajasini normallashtirish zarur (gipokaliemiya lidokain samaradorligini pasaytiradi). Preparatni qon aylanishi yetishmovchiligi, arterial gipotenziya, jigar va/yoki buyrak funksiyasi buzilishi bo‘lgan bemorlarga qo‘llashda alohida ehtiyotkorlikka rioya qilish kerak. Shuningdek, Sinarta preparatini keksalar, epilepsiya bilan kasallangan bemorlar, yurak o‘tkazuvchanligi buzilishi, nafas yetishmovchiligi bo‘lgan bemorlarga buyurishda ehtiyotkorlikka rioya qilish kerak. Glyukoza o‘zlashtira olmaslikda ehtiyotkorlik bilan qo‘llash kerak. Qandli diabet bilan kasallangan bemorlarda davolashning boshlang‘ich davrida qonda shakar darajasini muntazam nazorat qilish zarur. Bronxial astma bilan kasallangan bemorlarni davolashda preparatni ehtiyotkorlik bilan qo‘llash kerak. Bir doza dori preparati 40,3 mg natriy saqlaydi. Bu qat’iy tuzsiz dieta buyurilgan bemorlarga buyurishda hisobga olinishi kerak. Avtotransport vositalarini boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati. Preparatning avtomobil va boshqa mexanizmlarni boshqarish qobiliyatiga ta’siri bo‘yicha tadqiqotlar o‘tkazilmagan. Agar uyquchanlik yoki ko‘rish buzilishi paydo bo‘lsa, transport vositalarini boshqarishda va diqqatni talab qiladigan ishlarni bajarishda ehtiyot bo‘lish kerak. Homiladorlik yoki emizish davrida qo‘llash. Preparatni homiladorlik yoki emizish davrida qo‘llash tavsiya etilmaydi. Bolalar. Preparat bolalarni davolash uchun qo‘llanilmaydi. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.

Glyukozamin sulfat bilan dozani oshirib yuborish holatlari qayd etilmagan. Dozani oshirib yuborish holatlarida suv-elektrolit muvozanatini tiklashga qaratilgan simptomatik davolash o‘tkazish zarur. Preparatning in'ektsion shakli tarkibida yordamchi modda sifatida lidokain mavjud. Lidokain gidroxloridi bilan markaziy asab tizimi tomonidan dozani oshirib yuborishning dastlabki simptomlari til va lablarda uvishish, qo‘zg‘algan holat, xavotir, quloqlarda shovqin, bosh aylanishi, ko‘rishning noaniqligi, tremor, depressiya, uyquchanlik bo‘lishi mumkin. Davolash simptomatik va organizmning hayotiy muhim funksiyalarini qo‘llab-quvvatlashga qaratilgan.