1 ampula (2 ml) tarkibida faol modda sifatida aktovegin kontsentrati (quritilgan deproteinizatsiyalangan buzoq qonining gemoderivati hisobida) – 80 mg; yordamchi moddalardan natriy xlorid – 53,6 mg, in'ektsiya uchun suv – 2 ml gacha. 1 ampula (5 ml) tarkibida faol modda sifatida aktovegin kontsentrati (quritilgan deproteinizatsiyalangan buzoq qonining gemoderivati hisobida) – 200 mg; yordamchi moddalardan natriy xlorid – 134 mg, in'ektsiya uchun suv – 5 ml gacha. 1 ampula (10 ml) tarkibida faol modda sifatida aktovegin kontsentrati (quritilgan deproteinizatsiyalangan buzoq qonining gemoderivati hisobida) – 400 mg; yordamchi moddalardan natriy xlorid – 268 mg, in'ektsiya uchun suv – 10 ml gacha.

-metabolik va tomir (serebral) buzilishlar (jumladan, demensiya); -periferik (arterial va venoz) tomir buzilishlari va ularning oqibatlari (arterial angiopatiya, pastki oyoqlarning venoz yaralari); diabetik polinevropatiya.

-Aktovegin® preparati komponentlariga yuqori sezuvchanlik -infuzion terapiyaga umumiy qarshi ko‘rsatmalar dekompensatsiyalangan yurak yetishmovchiligi, o‘pka shishi, oliguriya, anuriya, gipergidratatsiya

Aktovegin®, in'ektsiya uchun eritma, mushak ichiga, vena ichiga (shu jumladan infuziya ko‘rinishida) yoki arteriya ichiga qo‘llaniladi. Bir nuqtali sindirish belgisi bo‘lgan ampulalardan foydalanish bo‘yicha ko‘rsatma: ampulani shunday ushlangki, belgi bo‘lgan uch qismi yuqorida tursin. Barmoq bilan ehtiyotkorlik bilan chertib va ampulani silkitib, eritmaning ampula uchidan pastga oqib tushishini ta'minlang. Belgiga bosib, ampulaning uchini sindiring. a) Odatda tavsiya etiladigan doza Klinik manzaraga qarab, boshlang‘ich doza 10-20 ml vena ichiga yoki arteriya ichiga yuboriladi; keyinchalik 5 ml vena ichiga yoki sekin mushak ichiga har kuni yoki haftasiga bir necha marta yuboriladi. Infuziya sifatida qo‘llanganda 10-50 ml 200-300 ml izotonik natriy xlorid eritmasi yoki 5% dekstroza eritmasida (asosiy eritmalar) suyultiriladi, yuborish tezligi taxminan 2 ml/min. b) Ko‘rsatmalarga qarab dozalari Metabolik va miya tomir buzilishlarida 5 dan 25 ml gacha (200-1000 mg kuniga) vena ichiga har kuni ikki hafta davomida, so‘ngra tabletkali shakliga o‘tiladi. Miya qon aylanishi va oziqlanishi buzilishlari, masalan, ishemik insultda 20-50 ml (800-2000 mg) 200-300 ml 0,9% natriy xlorid eritmasi yoki 5% glyukoza eritmasida, vena ichiga tomchilab har kuni 1 hafta davomida, keyin 10-20 ml (400-800 mg) vena ichiga tomchilab 2 hafta davomida, so‘ngra tabletkali shakliga o‘tiladi. Periferik (arterial va venoz) tomir buzilishlari va ularning oqibatlarida 20-30 ml (800-1000 mg) preparat 200 ml 0,9% natriy xlorid eritmasi yoki 5% glyukoza eritmasida, arteriya ichiga yoki vena ichiga har kuni; davolash davomiyligi 4 hafta. Diabetik polinevropatiyada 50 ml (2000 mg) kuniga vena ichiga 3 hafta davomida, so‘ngra tabletkali shakliga o‘tiladi – 2-3 tabletka 3 marta kuniga kamida 4-5 oy davomida. Pastki oyoqlarning venoz yaralarida 10 ml (400 mg) vena ichiga yoki 5 ml mushak ichiga har kuni yoki 3-4 marta haftasiga, yaralarning bitish jarayoniga qarab. Davolash kursining davomiyligi simptomatika va kasallik og‘irligiga qarab individual belgilanadi.

Immun tizimi tomonidan Kamdan-kam hollarda allergik reaksiyalar (dori isitmasi, anafilaktik shok simptomlari). Terining va teri osti to‘qimalarining buzilishlari Kamdan-kam hollarda toshma, qizarish

Ichki mushakga sekin, 5 ml dan ko‘p bo‘lmagan miqdorda yuborish tavsiya etiladi, chunki eritma gipertonik hisoblanadi. Anafilaktik reaksiyalar yuzaga kelishi mumkinligi sababli, davolashni boshlashdan oldin sinov in'ektsiyasi (2 ml ichki mushakga) o‘tkazish tavsiya etiladi. Aktovegin® qo‘llanilishi tibbiy nazorat ostida, allergik reaksiyalarni davolash uchun zarur sharoitlar mavjud bo‘lgan holda amalga oshirilishi lozim. Infuzion qo‘llash uchun Aktovegin®, in'ektsiya uchun eritma, izotonik natriy xlorid eritmasi yoki 5% glyukoza eritmasiga qo‘shilishi mumkin. Aseptika sharoitlariga rioya qilish zarur, chunki in'ektsiya uchun Aktovegin® konservantlar saqlamaydi. Mikrobiologik nuqtai nazardan ochilgan ampulalar va tayyorlangan eritmalar darhol ishlatilishi kerak. Ishlatilmagan eritmalar utilizatsiya qilinishi lozim. Aktovegin® eritmasini boshqa in'ektsiya yoki infuziya eritmalari bilan aralashtirishda, fizik-kimyoviy nomutanosiblik, shuningdek, faol moddalarning o‘zaro ta'siri istisno qilinmaydi, hatto eritma optik jihatdan tiniq bo‘lsa ham. Shu sababli, Aktovegin® eritmasini boshqa preparatlar bilan, yo‘riqnomada ko‘rsatilganlardan tashqari, aralashtirib yuborish mumkin emas. In'ektsiya uchun eritma sarg‘ish tusga ega, uning intensivligi partiya raqami va boshlang‘ich xomashyo materialiga bog‘liq, biroq eritmaning rangi preparatning samaradorligi va o‘zlashtirilishiga ta'sir qilmaydi. Shaffof bo‘lmagan yoki zarralar saqlovchi eritmani ishlatmang! Gipernatriemiya, gipernatriemiya holatida ehtiyotkorlik bilan qo‘llang. Homiladorlik davrida qo‘llanishi Aktovegin® preparatini qo‘llash, kutilayotgan terapevtik foyda homilaga mumkin bo‘lgan xavfdan ustun bo‘lsa, ruxsat etiladi. Laktatsiya davrida qo‘llanishi Preparatni qo‘llashda inson organizmida ona yoki bola uchun hech qanday salbiy oqibatlar aniqlanmagan. Aktovegin® laktatsiya davrida faqat kutilayotgan terapevtik foyda bolaga mumkin bo‘lgan xavfdan ustun bo‘lsa, qo‘llanishi lozim. Bolalar Hozirda mavjud ma'lumotlar yo‘q va qo‘llash tavsiya etilmaydi. Dori vositasining transport vositalarini yoki potensial xavfli mexanizmlarni boshqarish qobiliyatiga ta'sir qilish xususiyatlari Yo‘q yoki ahamiyatsiz ta'sirlar bo‘lishi mumkin. Preparat yaroqlilik muddati tugaganidan so‘ng qo‘llanilmasligi va bolalar ololmaydigan joyda saqlanishi lozim.