Faol modda: sofosbuvir;

1 qoplangan tabletkada 400 mg sofosbuvir mavjud;

Yordamchi moddalari: mannitol 60 (E 421), mikrokristallik tsellyuloza, natriy kroskarmelloza, kolloid kremniy dioksidi, magniy stearati, tabletkani qoplovchi: Opadry II Blue (85F505068).

Qoplangan tabletka og'iz orqali qabul qilish uchun mo'ljallangan. Bemorlar butun tabletkani yutib yuborish kerakligini tushuntirish lozim. Qoplangan tabletkani chaynash yoki maydalash mumkin emas, chunki faol moddaning achchiq ta'mi bor. Tabletkani ovqat paytida qabul qilish kerak.

Bemorlarni ogohlantirish lozimki, agar tabletkani qabul qilgandan so'ng 2 soat ichida qusish yuz bersa, yana bir tabletkani qabul qilish kerak. Agar qusish tabletkani qabul qilgandan 2 soatdan ko'proq vaqt o'tgach yuz bersa, qo'shimcha doza qabul qilish shart emas. Ushbu tavsiyalar sofosbuvir va GS-331007 ning so'rilishi kinetikasiga asoslanadi, ya'ni dozaning asosiy qismi qabul qilingandan so'ng 2 soat ichida so'riladi.

Bemorlarni ogohlantirish lozimki, agar doza o'tkazib yuborilsa va undan keyin 18 soat o'tmagan bo'lsa, bemor darhol o'tkazib yuborilgan tabletkani qabul qilishi, so'ngra tabletkani odatdagi vaqtda qabul qilishi kerak. Agar 18 soatdan ko'proq vaqt o'tgan bo'lsa, keyingi dozani odatdagi vaqtda qabul qilish, uni ikki barobar oshirmaslik kerak.

Rinofaringit, gemoglobin pasayishi, anemiya, neyropeniya, limfotsitlar sonining kamayishi, trombotsitlar sonining kamayishi, ishtahaning pasayishi, tana vaznining kamayishi, uyqusizlik, depressiya, bezovtalik, qo'zg'aluvchanlik, bosh og'rig'i, bosh aylanishi, migren, xotira yomonlashuvi, diqqatning buzilishi, ko'rishning noaniqligi, nafas qisishi, yo'tal, diareya, ko'ngil aynishi, qusish, qonda bilirubin oshishi, toshma, qichishish, artralgiyalar, mialgiyalar, titroq, charchoq, grippga o'xshash kasalliklar, asabiylik, og'riq, tana haroratining ko'tarilishi.

Sofosbuvirning maksimal qayd etilgan dozasi 1200 mg bo'lib, bu dozada 59 sog'lom bemorga berilgan. Tadqiqot davomida ushbu dozada zararli ta'sirlar va nojo'ya reaksiyalar aniqlanmadi, ularning chastotasi va og'irligi terapiya guruhlarida (plasebo yoki 400 mg sofosbuvir qabul qilganlar) kuzatilganlarga o'xshash edi. Katta dozalarda qabul qilish oqibatlari noma'lum.

Dozani oshirib yuborishda antidot yo'q. Dozani oshirib yuborishda bemorni toksik belgilarga tekshirish kerak. Dozani oshirib yuborishni davolash umumiy qo'llab-quvvatlovchi choralarni, jumladan, hayotiy ko'rsatkichlarni nazorat qilish va bemorning klinik holatini kuzatishni o'z ichiga oladi. Gemodializ asosiy aylanib yuruvchi metabolit GS-331007 ni samarali chiqarishi mumkin (tozalash koeffitsienti 53%). 4 soatlik gemodializ protsedurasi qabul qilingan dozaning 18% ini chiqaradi.