1 flakonda faol modda: tsefazolin natriy - 1 g mavjud.

Tsefazolingа sezgir mikroorganizmlar keltirib chiqaradigan infeksion-yallig‘lanish kasalliklari, jumladan, yuqori va pastki nafas yo‘llari, siydik chiqarish va o‘t chiqarish yo‘llari, kichik tos a’zolari, teri va yumshoq to‘qimalar, suyak va bo‘g‘imlar, endokardit, sepsis, peritonit, o‘rta otit, osteomiyelit, mastit, yara, kuyik va operatsiyadan keyingi infeksiyalar, sifilis, gonoreya.

1 oylikkacha bo‘lgan bolalar yoshi, sefalosporinlarga yuqori sezuvchanlik.

Doza individual tarzda, infeksiya og‘irligi va joylashuvini, qo‘zg‘atuvchining sezgirligini hisobga olgan holda belgilanadi. Preparat v/m yoki v/v (struyno yoki kapelno) yuboriladi. Kattalar uchun o‘rtacha sutkalik doza 1 g, yuborish tez-tezligi - kuniga 2-4 marta. Operatsiyadan keyingi infeksiyani oldini olish uchun operatsiyadan 30 daqiqa oldin 1 g, operatsiya vaqtida 0,5-1 g va operatsiyadan keyin 24 soat davomida har 6-8 soatda 0,5-1 g yuboriladi. Maksimal doza: 6 g/kun. Bolalar uchun o‘rtacha sutkalik doza 20-40 mg/kg; og‘ir infeksiyalarda doza 100 mg/kg/kun gacha oshirilishi mumkin. Davolash davomiyligi 7-10 kun.

Ovqat hazm qilish tizimi tomonidan: ko‘ngil aynishi, qusish, diareya mumkin; kamdan-kam hollarda - jigar transaminazalari faolligining o‘tkinchi oshishi. Allergik reaksiyalar: toshma, teri qichishishi, eozinofiliya, isitma mumkin; ayrim hollarda - Kvinke shishi, artralgiyalar, anafilaktik shok. Kimyoterapevtik ta’sir bilan bog‘liq effektlar: kandidoz, soxta membranoz kolit. Qon yaratuvchi tizim tomonidan: kamdan-kam hollarda - qaytuvchi leykopegiya, neytropeniya, trombotsitopeniya. Siydik chiqarish tizimi tomonidan: kamdan-kam hollarda - buyrak funksiyasining buzilishi. Mahalliy reaksiyalar: v/m in’ektsiya joyida og‘riq bo‘lishi mumkin.

Ehtiyotkorlik bilan buyrak funksiyasi buzilishlarida qo‘llaniladi. Penitsillinlarga yuqori sezuvchanligi bo‘lgan bemorlarda sefalosporin antibiotiklariga allergik reaksiyalar bo‘lishi mumkin. Davolash davrida siydikda shakar uchun soxta musbat reaksiya bo‘lishi mumkin. Sefazolin gemodializda chiqariladi.