faol modda: tirotitsin,

1 g kukun 1 mg tirotitsinni o'z ichiga oladi;

qo'shimcha moddalar: laktoza, makrogol, silika kolloid dioksidi.

 

Tirotritsin turli siklik va chiziqli polipeptidlar birikmasi bo‘lib, antibakterial faollikka ega va anaerob sporali Bacillus brevis’ning endotoksinidir. Ushbu birikma tarkibida 70-80% gacha tirotsidinlar (asosiy siklik dekapeptidlar) va 20-30% gacha gramicidinlar (neytral chiziqli pentadekapeptidlar) mavjud.

Asosan gram-musbat bakteriyalarga nisbatan faol: Staphylococcus aureus (metitsillin-rezistent va sezgir shtammlarini o‘z ichiga oladi), Staphylococcus haemolyticus, Streptococcus pyogenes, Streptococcus viridans, Enterococcus faecalis, Diplococcus pneumoniae, Corynebacterium spp, Neisseria meningitides, ayrim Neisseria gonorrhoeae shtammlari, trixomonadlar, shuningdek, ayrim gram-manfiy bakteriyalar va ayrim zamburug‘ turlari, jumladan Candida.

Tirotritsin Clostridium kabi mikroorganizmlarga doza bog‘liq bakteriostatik yoki bakteritsid ta’sir ko‘rsatadi.

Tirotsidin ta’siri bakterial hujayralardan azot va fosfat kabi moddalarni ajratib chiqarish orqali amalga oshiriladi. Kationli detarjenlarga o‘xshab, tirotsidin bakterial hujayra membranalarini buzadi. Bakteriya hujayra devoriga to‘g‘ridan-to‘g‘ri ta’sir qilish natijasida preparat hujayralarning o‘sishi yoki bo‘linishini to‘xtatadi, bu esa tirotsidinning bakteritsid effektini ta’minlaydi.

Bundan tashqari, gramicidinlar bakteriya hujayra membranasida kation kanallarini hosil qiladi, bu esa ularning kaliy yo‘qotishiga va natijada hujayra ichidagi ionlar konsentratsiyasining o‘zgarishi va sitolizga olib keladi. Gramicidin kabi komponent esa keyinchalik hujayra nafas olish zanjirida fosforillanish jarayonlarining uzilishiga olib keladi.

Tirotritsinning o‘ziga xos ta’sir mexanizmi tufayli, tizimli antibiotiklardan farqli o‘laroq, o‘zaro rezistentlik yuzaga kelmaydi.

Preparat yara tubini tozalash, shuningdek, granulyatsiya va epitelizatsiya jarayonlarini rag‘batlantirish orqali yaralarning bitishini tezlashtiradi. 

 Zaruriyat tug‘ilganda Tirozur kukuni har qanday yoshdagi bolalarga qo‘llanilishi mumkin. Homiladorlik va laktatsiya davrida qo‘llanishi
Dori vositasini homiladorlik va laktatsiya davrida qo‘llash imkoniyati bo‘yicha tadqiqotlar o‘tkazilmagan, shuning uchun preparatni faqat shifokor bilan oldindan maslahatlashgandan so‘ng qo‘llash mumkin.