1 ml eritma tarkibida:
Faol moddalari: piratsetam 100 mg; tiotriazolin 25 mg.
Yordamchi moddalari: in'ektsiya uchun suv 1 ml gacha
Tavsifi: tiniq rangsiz yoki biroz sarg‘ish tusli suyuqlik. 

MERTiaksitam serebroaktiv vositalar guruhiga kiradi, nootrop, ishemiyaga qarshi, antioksidant va membranostabilizatsiyalovchi xususiyatlarga ega.
Preparatning farmakologik ta’siri tiotriazolin va piratsetamning o‘zaro potentsiyalovchi ta’siri bilan bog‘liq.
MERTiaksitam glyukozaning aerob va anaerob oksidlanish reaksiyalarida utilizatsiyasini tezlashtiradi, bioenergetik jarayonlarni normallashtiradi, miya to‘qimalarida metabolizmni barqarorlashtiradi va organizmning gipoksiyaga chidamliligini oshiradi.
Preparat kislorodning faol shakllari hosil bo‘lish yo‘llarini tormozlaydi, fermentativ antioksidant tizimini, ayniqsa superoksiddismutazani reaktivlashtiradi, miya to‘qimalarida ishemiya paytida erkin radikal jarayonlarni tormozlaydi, fibrinolitik tizimni faollashtirish hisobiga qonni reologik xususiyatlarini yaxshilaydi, nekroz va ishemiya zonalarini mos ravishda barqarorlashtiradi va kamaytiradi.
MERTiaksitam metabolik GAMK-shunt faoliyatini va ishemiyalangan to‘qimalarda GAMK konsentratsiyasini oshiradi.
MERTiaksitam miya integrativ va kognitiv faoliyatini yaxshilaydi, o‘rganish jarayoniga yordam beradi, amneziya yo‘qolishiga olib keladi, qisqa va uzoq muddatli xotira ko‘rsatkichlarini oshiradi.
MERTiaksitam stress oqibatlarini (tashvish hissi, fobiyalar, depressiya, uyqu buzilishi) bartaraf etadi, muddatidan oldin tug‘ilgan bolalarda jismoniy va aqliy rivojlanishdan orqada qolishni kamaytiradi.

Dori vositasi surunkali buyrak yetishmovchiligi bo‘lgan bemorlarga ehtiyotkorlik bilan buyuriladi. MERTiaksitam trombotsitlar agregatsiyasiga ta'sir qiladi, shuning uchun uni gemostaz buzilishi bo‘lgan bemorlarga, jarrohlik aralashuvlari vaqtida ehtiyotkorlik bilan qo‘llash zarur.
Dorini yurak-qon tomir patologiyasi bo‘lgan keksalar yoshidagi shaxslarga ehtiyotkorlik bilan qo‘llash kerak, chunki yuqorida ta'riflangan nojo‘ya reaksiyalar ushbu bemorlar guruhida tez-tez uchraydi.
Allergik reaksiyalar allergiyaga moyil shaxslarda ko‘proq uchraydi.
MERTiaksitamni avtotransport boshqaradigan yoki xavfli mexanizmlar bilan ishlaydigan shaxslarga qo‘llashda ehtiyotkorlikka rioya qilish lozim, chunki asab tizimi tomonidan mumkin bo‘lgan noxush reaksiyalar yuzaga kelishi mumkin.