1 ml preparatda quyidagilar mavjud:

faol modda: piratsetam - 200 mg;

yordamchi modda: natriy atsetat trigidrat, sirka kislotasi suyultirilgan 30%, in'ektsiya uchun suv 5 ml gacha. 

 

Infuziya qilishdan oldin shifokor preparatni vizual ko‘rikdan o‘tkazishi shart. Preparat shaffof bo‘lishi, suspenziya va cho‘kma bo‘lmasligi kerak. Ampula va yorliq butunligi saqlangan taqdirda preparat foydalanishga yaroqli hisoblanadi.

Piracetam buyraklar orqali chiqariladi, shuning uchun buyrak yetishmovchiligi bo‘lgan bemorlarni davolashda alohida ehtiyotkorlikka rioya qilish lozim. Bunday bemorlarda preparatning yarim chiqarilish davri va kreatinin klirensi o‘rtasida teskari bog‘liqlik mavjud.

Klonik tutqanoq bo‘lgan bemorlarda preparatni to‘satdan bekor qilishdan saqlanish lozim, chunki bu ularning kuchayishiga olib kelishi mumkin.

Uyqu buzilishlarining oldini olish uchun preparatni kunning birinchi yarmida buyurish tavsiya etiladi.

Miiyaning o‘tkir shikastlanishlarini davolashda preparat detoksikatsion va tiklovchi terapiyaning boshqa usullari bilan birga buyuriladi, psixiatriya kasalliklarini davolashda esa mos psixotrop vositalar bilan birga qo‘llaniladi. Gemodializ apparatlarining filtrlovchi membranalari orqali o‘tadi.

Piracetam trombotsitlar agregatsiyasiga ta’sir qilishi sababli preparatni og‘ir gemostaz buzilishlari, qon ketish simptomlari yoki qon ketish xavfi yuqori bo‘lgan bemorlarga (masalan, me’da yoki o‘n ikki barmoqli ichak yarasi), qon ivishining buzilishi bo‘lgan bemorlarga, ilgari miya ichiga qon quyilishi bo‘lgan bemorlarga, bo‘lajak jarrohlik aralashuvi (shu jumladan stomatologik) oldidan, antikoagulyantlar yoki trombotsitlar agregatsiyasini ingibitsiya qiluvchi preparatlar, shu jumladan past dozalarda atsetilsalitsil kislotasi qabul qilayotgan bemorlarga ehtiyotkorlik bilan buyurish lozim.

Keksalar. Keksalar uzoq muddat davolanganida buyrak funksiyasi ko‘rsatkichlarini muntazam nazorat qilish, zarur hollarda kreatinin klirensi natijalariga ko‘ra doza tuzatish tavsiya etiladi (qarang «Qo‘llash usuli va dozalari» bo‘limi). Gemodializ apparatlarining filtrlovchi membranalari orqali o‘tadi.

Kortikal miokloniya bilan og‘rigan bemorlarni davolashda davolashni to‘satdan to‘xtatishdan saqlanish lozim, chunki bu miokloniya generalizatsiyasi yoki tutqanoqlar paydo bo‘lishi xavfini tug‘diradi.

Preparat natriy saqlaydi. Bu natriy iste’molini nazorat qiluvchi dietada bo‘lgan bemorlar uchun hisobga olinishi kerak. 

 Preparatning 2 g dozasini yuborgandan keyin maksimal kontsentratsiya qonda 30 daqiqada, orqa miya suyuqligida esa 5 soatda erishiladi va 40-60 mkg/ml ni tashkil etadi. Piratsetamning taqsimlanish hajmi deyarli 0,6 l/kg ni tashkil etadi. Preparatning yarim chiqarilish davri qon plazmasidan 4-5 soat, orqa miya suyuqligidan esa mos ravishda 6-8 soatni tashkil etadi. Bu davr buyrak yetishmovchiligida uzayishi mumkin. Qon plazmasi oqsillari bilan bog‘lanmaydi, organizmda metabolizmga uchramaydi. Piratsetamning 80-100% buyraklar orqali o‘zgarmagan holda klubochkali filtrlatsiya yo‘li bilan chiqariladi. Sog‘lom ko‘ngillilarda piratsetamning buyrak klirensi 86 ml/min ni tashkil etadi. Piratsetamning farmakokinetikasi jigar yetishmovchiligi bo‘lgan bemorlarda o‘zgarmaydi. Piratsetam gematoentsefalik va platsentar to‘siqlardan, shuningdek, gemodializda qo‘llaniladigan membranalardan o‘tadi. Hayvonlarda o‘tkazilgan tadqiqotlarda piratsetam bosh miya po‘stlog‘i to‘qimalarida, asosan peshona, tepa va ensa sohalarida, miyaning kichik miyasida va bazal gangliyalarda selektiv tarzda to‘planishi aniqlangan. 

 Piratsetamni markaziy asab tizimini stimulyatsiya qiluvchi dori vositalari bilan bir vaqtda qo‘llash ularning ta’sirini kuchaytiradi, antipsixotik vositalar (neyroleptiklar) bilan birga qo‘llanganda ularning markaziy ta’siri (tremor, bezovtalik va boshqalar) kuchayadi. Piratsetam peroral antikoagulyantlar ta’sirini kuchaytiradi, qalqonsimon bez gormonlari samaradorligini oshiradi, antiepileptik preparatlarning samaradorligini pasaytiradi (epileptik chegarani pasaytiradi). 

 

Sintomlar: uyquning buzilishi, asabiylashish, tutqanoq, boshqa nojo'ya ta'sirlarning kuchayishi.

Davolash: Maxsus antidot mavjud emas. Dozani oshirib yuborishdan shubhalanilganda simptomatik davolash qo'llaniladi. Piratsetamning katta miqdori bilan o'tkir dozani oshirib yuborishda qusishni chaqirish yoki me'dani yuvish mumkin. Piratsetam dializ yordamida 50-60% samaradorlik bilan chiqarilishi mumkin.