1 flakon tarkibida: Faol modda: oksiratsetam - 1,0 g; yordamchi modda: sorbitol. Tavsif: oq yoki deyarli oq rangli, bo‘sh bo‘laklar ko‘rinishidagi modda Farmakoterapevtik guruhi: Nerv tizimi kasalliklarini davolash uchun preparatlar. Psixoanaleptiklar. Psixostimulyatorlar, diqqat yetishmovchiligi va giperaktivlik sindromida qo‘llaniladigan vositalar va nootrop preparatlar.

yengil va o‘rta og‘irlikdagi tomir genezli demensiyada, Altsgeymer kasalligida, bosh miya jarohatining oqibatlarida, masalan, xotira va intellektning buzilishi, - xotira va aqliy qobiliyatlarni yaxshilash uchun. Qo‘llash usuli va dozalari Kuniga 4-6 g tomchilab vena ichiga yuboriladi. Ishlatishdan oldin 100-250 ml 5% glyukoza eritmasida yoki 0,9% natriy xlorid eritmasida eritib, yaxshilab chayqatish kerak. Zarurat tug‘ilganda doza oshirilishi yoki kamaytirilishi mumkin. Davolash kursi 2-3 hafta.

Oksiratsetam yoki dori vositasining tarkibidagi har qanday yordamchi moddalarga yuqori sezuvchanlik, shuningdek, og‘ir buyrak yetishmovchiligi.

Oksiratsetamning nojo‘ya ta’sirlari kam uchraydi: ba’zan teri qichishishi, ko‘ngil aynishi, psixik qo‘zg‘alish, uyquning buzilishi paydo bo‘lishi mumkin, biroq bu holatlar yengil bo‘lib, dori vositasini qo‘llashni to‘xtatgandan so‘ng o‘z-o‘zidan o‘tib ketishi mumkin.

Farmakodinamikasi Oksiratsetamning ta’sir mexanizmlari piratsetamnikiga o‘xshash. Preparat fosforilxolin va fosfoetanolamin bog‘lanishini, bosh miya ATP/ADP nisbatining oshishini va bosh miya oqsillarining nuklein kislotalar bilan bog‘lanish darajasining ortishini ta’minlaydi, shu bilan keksalik demensiyasi va xotira buzilishi bo‘lgan bemorlarda xotira va o‘rganish qobiliyatini yaxshilaydi. Farmakokinetikasi Preparat tomir ichiga yuborilgandan so‘ng deyarli organizmda to‘planmaydi. Oksiratsetam jigarda va buyraklarda yuqoriroq taqsimlanish konsentratsiyasiga ega, 2,0 g yuborilgandan so‘ng orqa miya suyuqligidagi yarim parchalanish davri bundan mustasno, 140 daqiqa. Preparat yaxshi so‘riladi va oson ko‘tariladi, siydik bilan o‘zgarmagan holda chiqariladi.

1. yengil va o‘rta og‘irlikdagi buyrak yetishmovchiligi bo‘lganlarda. Ushbu dori vositasini ushbu bemorlarda qo‘llash zarur bo‘lsa, doza kamaytirilishi kerak. Bemorlarni ehtiyotkorlik bilan qo‘llash kerak 2. Bemorda psixik qo‘zg‘alish va uyqu buzilishi mavjud bo‘lsa, preparat dozasini kamaytirish kerak. Homiladorlik va laktatsiya davrida qo‘llanishi Ushbu preparatni homilador va emizikli ayollarda qo‘llash xavfsizligi o‘rganilmagan, shuning uchun uni homiladorlik va emizish davrida qo‘llash tavsiya etilmaydi. Avtomobil va murakkab mexanizmlarni boshqarish qobiliyatiga ta’siri Ushbu dori vositasini qo‘llash transport vositasini boshqarish va harakatlanuvchi mexanizmlar bilan ishlash qobiliyatiga ta’sir qilishi mumkin.

Ushbu dori vositasi bilan dozani oshirib yuborish holatida bemorlarda nojo‘ya reaksiyalar, masalan, qo‘zg‘alish va uyqusizlik kuzatilishi mumkin. Simptomlar preparatni yuborishni to‘xtatgandan yoki dozasini kamaytirgandan so‘ng asta-sekin yo‘qolishi mumkin. Chiqarilish shakli Shisha flakonda liofilizatsiyalangan kukun. 10 ta flakon rezina tiqin va alyuminiy-plastmassa qopqoq bilan yopilgan holda karton qutiga, dori vositasini tibbiy qo‘llash bo‘yicha yo‘riqnoma bilan birga joylanadi.