1 tabletkada: faol modda: klopidogrel bisulfit, klopidogrelga ekvivalent - 75 mg; yordamchi modda: mikrokristallik sellyuloza, laktoza, kolloid kremniy dioksidi, natriy kraxmal glikolyat, magniy stearat, tozalangan talk, krosprovidon; qobiq: eritrozin organik bo'yoq (F/C), metilenxlorid, izopropil spirti.

Aterotromboz namoyonlarini oldini olish kattalarda: miokard infarktini boshdan kechirgan bemorlarda (davolash boshlanishi - bir necha kundan so'ng, lekin yuzaga kelganidan keyin 35 kundan kechiktirmay), ishemik insult (davolash boshlanishi - 7 kundan so'ng, lekin yuzaga kelganidan keyin 6 oydan kechiktirmay), yoki periferik arteriyalar kasalligi (pastki oyoq-qo'llar arteriyalari va tomirlarining aterotrombozi) tashxisi qo'yilgan bemorlarda; o'tkir koronar sindromli bemorlarda: o'tkir koronar sindrom ST segmentining ko'tarilmasdan (noaniq stenokardiya yoki Q tishchasisiz miokard infarkti), shu jumladan, perkutan koronar angioplastika davomida stent o'rnatilgan bemorlarda, atsetilsalitsil kislotasi bilan birga; o'tkir miokard infarkti ST segmentining ko'tarilishi bilan, atsetilsalitsil kislotasi bilan birga (standart dori-darmon davolashini oladigan va trombolitik terapiya ko'rsatilgan bemorlarda).

Preparatning faol moddasiga yoki tarkibidagi har qanday komponentga yuqori sezuvchanlik. Og‘ir jigar yetishmovchiligi. O‘tkir qon ketish (masalan, peptik yara yoki bosh ichidagi qon quyilishi). Irsiy galaktoza o‘zlashtira olmaslik, Lapp laktaza yetishmovchiligi yoki glyukoza-galaktoza malabsorbsiyasi. Homiladorlik yoki laktatsiya davri. Bola yoshi.

Kattalar va keksalar. Klopidogrel kuniga 1 marta 75 mg dozada, ovqat qabul qilishdan qat'i nazar, buyuriladi. ST segmentining ko'tarilmasdan o'tkir koronar sindromi bo'lgan bemorlarda (barqaror bo'lmagan stenokardiya yoki EKGda Q tishsiz miokard infarkti) klopidogrel bilan davolash bir martalik yuklama doza 300 mg dan boshlanadi, so'ngra kuniga 1 marta 75 mg dozada davom ettiriladi (acetilsalitsil kislotasi (ASK) bilan birga kuniga 75-325 mg dozada). ASKning yuqori dozalarini qo'llash qon ketish xavfini oshiradi, shuning uchun acetilsalitsil kislotasining dozasi 100 mg dan oshmasligi tavsiya etiladi. Davolashning optimal davomiyligi rasmiy ravishda belgilanmagan. Klinik tadqiqotlar natijalari preparatni 12 oygacha qo'llash foydasini ko'rsatadi, maksimal ta'sir esa davolashning 3-oyida kuzatilgan. ST segmentining ko'tarilishi bilan o'tkir miokard infarkti bo'lgan bemorlarda klopidogrel kuniga 1 marta 75 mg dozada, bir martalik yuklama doza 300 mg dan boshlanadi va ASK bilan birga, trombolitik preparatlar bilan yoki ularsiz buyuriladi. 75 yoshdan katta bemorlarda klopidogrel yuklama dozasiz boshlanadi. Kombinatsiyalangan terapiya simptomlar paydo bo'lishi bilan imkon qadar erta boshlanishi va to'rt hafta davom ettirilishi kerak. Ushbu kasallikda klopidogrel va ASK kombinatsiyasini to'rt haftadan ortiq qo'llash foydasi o'rganilmagan, shuning uchun bunday bemorlarga preparat ehtiyotkorlik bilan buyurilishi kerak. Buyrak yetishmovchiligi Buyrak yetishmovchiligi bo'lgan bemorlarda preparatni qo'llash bo'yicha terapevtik tajriba cheklangan, shuning uchun bunday bemorlarga preparat ehtiyotkorlik bilan buyurilishi kerak. Jigar yetishmovchiligi O'rtacha og'irlikdagi jigar kasalliklari va gemorragik diatez rivojlanish ehtimoli bo'lgan bemorlarda preparatni qo'llash bo'yicha terapevtik tajriba cheklangan, shuning uchun bunday bemorlarga preparat ehtiyotkorlik bilan buyurilishi kerak.

Nojo'ya ta'sirlar uchrashish tezligiga ko'ra quyidagi toifalarga ajratiladi: tez-tez (>1/100 va <1/10), ba'zan (>1/1000 va <1/100), kamdan-kam (>1/10000 va <1/1000), juda kamdan-kam (<1/10000). Nerv tizimi tomonidan: tez-tez - bosh aylanishi, bosh og'rig'i, paresteziya, bosh ichidagi qon ketishlar (ba'zi hollarda o'lim bilan yakunlangan); juda kamdan-kam - gallyutsinatsiyalar, ongning chalkashishi, ta'm sezgisi o'zgarishi. Ko'z organi tomonidan: ba'zan - qon ketish (kon'yunktival, okulyar, retinal). Eshitish organi tomonidan: kamdan-kam - bosh aylanishi. Yurak-qon tomir tizimi tomonidan: tez-tez - gematoma; juda kamdan-kam - og'ir qon quyilish, operatsion yaradan qon ketish, vaskulit, arterial gipotenziya. Nafas olish tizimi tomonidan: tez-tez - burundan qon ketish; juda kamdan-kam - qon tupurish, o'pka qon ketishi, bronxospazm, interstitsial pnevmonit. Ovqat hazm qilish tizimi tomonidan: tez-tez - me'da-ichak qon ketishlari, diareya, qorin og'rig'i, dispepsiya; ba'zan - me'da va o'n ikki barmoqli ichak yarasi, gastrit, qusish, ko'ngil aynishi, qabziyat, meteorizm; kamdan-kam - retroperitoneal qon quyilishi; juda kamdan-kam - me'da-ichak va retroperitoneal qon ketishlar o'lim bilan, pankreatit, kolit (yarali yoki limfotsitar), stomatit. Gepatobiliar tizimi tomonidan: juda kamdan-kam - o'tkir jigar yetishmovchiligi, gepatit, jigar funksiyasi ko'rsatkichlarining anormal natijalari. Teri va suyak-mushak tizimi tomonidan: tez-tez - teri osti qon quyilishlari; ba'zan - toshma, qichishish, teri ichiga qon quyilishlar (purpura); juda kamdan-kam - bullioz dermatit (toksik epidermal nekroliz, Stivens-Djonson sindromi, ko'p shaklli eritema), angionevrotik shish, eritematoz toshma, eshakemi, ekzema, yassi temiratki, suyak-mushak qon quyilishlari, artrit, artralgiya, mialgiya. Qon va limfa tizimi tomonidan: ba'zan - trombotsitopeniya, leykoitopeniya, eozinofiliya; kamdan-kam - neytropeniya, shu jumladan og'ir neytropeniya; juda kamdan-kam - trombotik trombotsitopenik purpura, aplastik anemiya, panstsitopeniya, agranulotsitoz, og'ir trombotsitopeniya, granulositopeniya, anemiya. Immun tizimi: juda kamdan-kam - zardob kasalligi, anafilaktoid reaksiyalar. Siydik-jinsiy tizimi tomonidan: ba'zan - gematuriya; juda kamdan-kam - glomerulonefrit, qonda kreatinin darajasining oshishi. Umumiy buzilishlar va mahalliy reaksiyalar: juda kamdan-kam - isitma. Laborator ko'rsatkichlar: ba'zan - qon ketish vaqtining uzayishi, neytrofillar va trombotsitlar sonining kamayishi.

Antiagregant vosita. Ta'sir mexanizmi adenozindifosfat (ADF) ning trombotsit retseptorlari bilan bog'lanishini qaytmas selektiv tormozlashi va ADF-induksiyalangan fibrinogenning glikoprotein IIb/IIIa kompleksi bilan bog'lanishini bloklashi bilan bog'liq. Preparat, shuningdek, boshqa agonistlar tomonidan chaqirilgan agregatsiyani ham, trombotsitlarning ADF tomonidan chiqarilgan faolligining oshishini bloklash yo'li bilan tormozlaydi. Trombotsitning ADF-retseptorlarini qaytmas o'zgartiradi, shuning uchun trombotsitlar butun umr davomida nofaol bo'lib qoladi va normal funksiyaning tiklanishi trombotsitlar yangilanishi bilan yuz beradi (taxminan 7 kundan so'ng). Trombotsitlar agregatsiyasini tormozlab, qon ketish vaqtini oshiradi. Fosfodiesteraza faolligiga ta'sir qilmaydi. Antiagregant ta'siri dozaga bog'liq holda bir martalik qabuldan 2 soat o'tgach namoyon bo'ladi. Preparatni kursli qabul qilishda kunlik 50-100 mg dozada ADF-induksiyalangan trombotsitlar agregatsiyasi 3-7 kunlarda barqaror muvozanatga erishadi, bunda trombotsitlar agregatsiyasining maksimal tormozlanishi 40-60% ni tashkil etadi. Preparat bekor qilingandan so'ng trombotsitlar agregatsiyasi va qon ketish vaqti taxminan 5-7 kun ichida dastlabki ko'rsatkichlarga qaytadi, bu trombotsitlar umriga (7-10 kun) mos keladi.