-
Tarkibi
Har 1000 ml eritmada:
L-Prolin - 1,00, L-Serin - 1,00, L-Alanin - 2,00, L-Izoleytsin - 3,52, L-Leytsin - 4,90, L-Aspargin kislotasi - 2,50, L-Tirozin - 0,25, L-Glutamin kislotasi - 0,75, L-Fenilalanin - 5,33, L-Arginin gidroxlorid - 5,00, L-Lizin gidroxlorid - 4,30, L-Valin - 3,60, L-Treonin - 2,50, L-Gistidin gidroxlorid - 2,50, L-Triptofan - 0,90, L-Metionin - 2,25, L-Tistin - 0,10, L-Glitsin - 7,60, Sorbitol - 50,00, Natriy bisulfit - 0,50, Inyeksiya uchun suv - q.s.
-
Qo'llanilishi
To‘liq yoki qisman parenteral ovqatlanish.
Oqsillar yo‘qotilishini oldini olish va davolash, og‘iz orqali yoki enteral ovqatlanish mumkin bo‘lmaganda, yetarli bo‘lmaganda yoki qarshi ko‘rsatmalarda.
Oziq-ovqat qabul qilishning imkonsizligi, hushyorlikning yo‘qligi, koma.
Operatsiyadan oldin va keyingi davr: operatsiyalar vaqtida turli asoratlar (ko‘p qon yo‘qotish, klinik o‘lim va boshqalar) va operatsiyadan keyin (yiringli-septik asoratlar, choklarning yetishmovchiligi, tromboemboliya; o‘rta og‘ir va og‘ir jarohatlar: barcha darajadagi kuyishlar, ko‘p miqdorda plazmoreya va yiringlanishlar bilan kechuvchi; qizdiruvchi moddalar bilan qizdirilgan qizilo‘ngach yoki oshqozon shikastlanishlari; me’da-ichak trakti stenozi; diffuz peritonit; osteomiyelit; uzoq muddat sun’iy nafas olish apparatida bo‘lish, oqsil-energetik yetishmovchilik (tana vazni yetishmasligi, trofik buzilishlar; ko‘p suyak sinishlari) bo‘lgan bemorlarda operatsiyadan keyin.
Oddiy ovqatlanish imkoniyatini istisno qiluvchi nevrologik va psixik kasalliklar.
Og‘ir kechuvchi infeksion kasalliklar, yaqqol intoksikatsiya, yuqori isitma, uzoq davom etuvchi diareya sindromi, noaniq yarali kolit, malabsorbsiya sindromi.
Nefropatiya, amiloidoz.
OIV-infeksiya.
Transplantatsiya.
Og‘ir oqsil-energetik yetishmovchilikning barcha etiologik va klinik shakllari (alimentar, endokrin, psixogen, rak kaxeksiyasi va boshqalar).
Bosh miya jarohati.
Jigar sirrozi.
-
Qo'llash mumkin bo'lmagan holatlar
Aminokislotalar almashinuvining buzilishi, anuriya, jigar komasi, og'ir jigar va buyrak yetishmovchiligi, uremiya.
Preparat komponentlariga yuqori sezuvchanlikda qo'llash mumkin emas.
Metabolik atsidoz va yurak yetishmovchiligida ehtiyotkorlik bilan qo'llash kerak.
-
Qo'llash usuli
Dozalash shifokor ko'rsatmasi bo'yicha, tomir ichiga sekin 250 ml yoki 500 ml.
Umumiy sutkalik doza oqsilga bo'lgan kunlik ehtiyojga, klinik natijalarga (azot va suv balansini monitoring qilish) muvofiq belgilanadi.
Keksalar, shuningdek, jigar va buyrak funksiyasi buzilgan bemorlarda dozani individual tanlash talab qilinadi.
-
Nojo´ya ta´sirlar
Parenteral yuborishda shishlar paydo bo‘lishi, mochevina miqdorining oshishi va ahamiyatsiz atsidoz kuzatilgan.
Noto‘g‘ri yuborilganda isitma, yuborish joyida yallig‘lanish, flebit va trombozlar, transsudatsiya va gipervolemiya paydo bo‘lishi mumkin.
Kamdan-kam hollarda yuborish paytida mahalliy reaksiyalar, masalan, issiqlik hissi va eritema paydo bo‘ladi.
Allergik reaksiyalar, trombozlar va flebitlar boshqa dori vositasini bir joyga parenteral yuborishda yuzaga keladi.
Juda kam hollarda ko‘ngil aynishi, qusish, ko‘krak sohasida noqulaylik, taxikardiya, titroq, isitma yoki bosh og‘rig‘i paydo bo‘ladi.
Og‘ir nojo‘ya reaksiyalar paydo bo‘lsa, yuborishni to‘xtatish va zudlik bilan zarur choralarni ko‘rish talab etiladi.
-
Farmakologik xususiyatlari
Sermin - parenteral ovqatlanish uchun preparat (aminokislotalar eritmasi).
Sermin preparati tarkibiga kiruvchi aminokislotalar tabiiy fiziologik komponentlardir. Parenteral yuborilgandan so'ng ular organizmning erkin aminokislotalar havzasiga kiradi va barcha metabolik jarayonlarda ishtirok etadi, xususan, oqsillar, gormonlar va antitanachalar sintezi uchun ishlatiladi. To'qimalarning tezroq bitishini va normal fiziologik funksiyalarning tiklanishini tezlashtirish uchun qo'llaniladi.
-
Maxsus ko'rsatmalar
Quyidagi ko‘rsatkichlarni monitoring qilish tavsiya etiladi: glyukoza va elektrolitlar darajasi, osmotik bosim, qonda ammiak miqdori, pH qiymati, gematokrit va leyotsitlar darajasi, azotli, kislota-ishqor va suv balansi. Jigar va buyrak holatini tekshirish zarur. Gipergidratatsiya holatida yurak, shuningdek, buyrak va o‘pka yetishmovchiligi bo‘lgan bemorlarda ehtiyotkorlik bilan qo‘llash kerak. Preparatni jigar yetishmovchiligi bo‘lgan bemorlarga yuborish aminokislotalar almashinuvining buzilishi, gipermmoniemiya va komaga olib kelishi mumkin. Gipermmoniemiya ko‘pincha bolalarda kuzatiladi. Ammiak darajasini nazorat qilish talab etiladi. Gipermmoniemiya belgilari paydo bo‘lsa, yuborishni to‘xtatish va zudlik bilan choralar ko‘rish zarur. Preparatni buyrak faoliyati buzilgan bemorlarga yuborish elektrolitlar ushlanishiga olib keladi. Elektrolit balansi sezilarli darajada buzilganda elektrolitlarni yuborish talab etiladi. Elektrolit va kislota-ishqor balansi monitoringi, preparatning katta hajmlari yoki elektrolit eritmasi bilan birga qo‘llanganda, o‘tkazilishi zarur. Zarur kaloriya miqdorini ta’minlash uchun glyukoza yuborish tavsiya etiladi. Konsentrlangan glyukoza eritmalari yuborilganda giperglikemiya, glikozuriya va giperosmolyar sindrom yuzaga kelishi mumkin. Qonda va siydikda glyukoza miqdorini nazorat qilish zarur. Konsentrlangan glyukoza eritmalarini to‘satdan to‘xtatib yuborishda insulinga xos ta’sir paydo bo‘lishi mumkin. Yuborish tezligini nazorat qilish zarur. Preparat sovutilganda kristallashadi. Bunday holatda eritmani ishlatishdan oldin 60 °C haroratda isitish va kristallar to‘liq eriguncha chayqatish kerak. Qadoq butunligi buzilgan, rangi o‘zgargan, mog‘or, cho‘kma mavjud bo‘lsa, ishlatmang. Flakon ochilgandan so‘ng darhol ishlating. Faqat bir martalik qo‘llash uchun. Amal qilish muddati o‘tgan preparatni ishlatmang. Faqat shaffof, zarrachalarsiz eritmani butun konteynerdan foydalaning. Flakondagi ishlatilmagan eritma qoldig‘i va infuziyadan so‘ng qolgan butun aralashmani yo‘q qiling.
Laktatsiya davrida qo‘llash
Laktatsiya davrida xavfsizlik bo‘yicha maxsus tadqiqotlar o‘tkazilmagan. Sermin yuborishdan oldin emizikli ayollarda "xavf-foyda" nisbatini baholash kerak.
Bollar
Serminni bolalarda qo‘llash bo‘yicha klinik tadqiqotlar o‘tkazilmagan.
Keksalar
Buyrak faoliyatini uzluksiz monitoring qilish, suv va elektrolit balansi nazorati talab etiladi. Dozani har bir keksa bemor uchun klinik holatga qarab individual tanlash kerak.
Avtotransport boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati
Ta’sir qilmaydi.
Preparatni bolalar uchun yaroqsiz joyda saqlang va amal qilish muddati o‘tgach ishlatmang.
-
Dorilarning o'zaro ta'siri
Parenteral ovqatlantirish preparatini antibiotiklar, gormonal preparatlar, gipertenziya vositalari bilan aralashtirish tavsiya etilmaydi, ularni alohida - turli venalarga yoki Y-shaklidagi konnektor yordamida yuborish kerak.
Preparat va qon preparatlari infuziyasini bitta infuziya tizimi orqali o'tkazish tavsiya etilmaydi, chunki psevdoadgulyatsiya rivojlanish ehtimoli mavjud.
Insulinni aminokislotalar eritmasi bilan aralashtirish insulinning faolligini kamaytirmaydi, 20-50 ED insulin 1000 ml preparat bilan aralashtirilganda eritma 24 soat davomida barqaror bo'lib qoladi. Bu muddat tugagandan so'ng eritma yuzasida insulin kristallari hosil bo'ladi. Insulinning kamroq dozasidan foydalanish eritmaning barqarorligiga ta'sir qilmaydi.
-
Dozani oshirib yuborilishi
Sintomlari: nojo'ya reaksiyalarning kuchayishi.
Davolash: kursni to'xtatish va simptomatik terapiyani boshlash kerak.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
