1 paketik quyidagilarni o'z ichiga oladi
Faol moddalari
kalsiy (kalsiy karbonat DC 90 shaklida) – 1000 mg;
vitamin D3 (xolekalsiferol) – 880 ME;
Yordamchi moddalari alfa-tokoferol, modifikatsiyalangan oziq-ovqat kraxmali, makkajo'xori kraxmali, o'rtacha zanjirli triglitseridlar, natriy askorbat kristallik, saxaroza, kremniy dioksidi, limon kislotasi anhidrid, limon aromatizatori, atsesulfam kaliy, aspartam.

• 12 yoshdan boshlab bolalar va o'smirlarda vitamin D3 va kalsiy yetishmovchiligi yoki yuqori xavfi;
• vitamin D3 va kalsiy yetishmovchiligi bo'lgan bemorlarda osteoporozni (menopauzal, senil, steroid) oldini olish va kompleks davolash;
• suyak sinishlari, travmadan keyingi suyak to'qimalarining regeneratsiyasi jarayonlarining sekinlashuvi;
• kalsiy va vitamin D3 yetishmovchiligi rivojlanishining yuqori xavfi.

• preparatning biror komponentiga yuqori sezuvchanlik;
• giperklatsemiya, giperkaltsiuriya;
• buyrak tosh kasalligi (nefrolitiaz);
• gipervitaminoz D3.

Paketik tarkibini bir stakan suvda eritib, aralashtirib, tayyorlangandan so'ng darhol ichish kerak.
Profilaktik vosita sifatida kuniga 1 paketik, asosan ovqat paytida.
Osteoporozni kompleks davolashda va keksalarda kalsiy va vitamin D3 yetishmovchiligini to'ldirish uchun kurs davomiyligi va dozalashni shifokor individual belgilaydi.

Ovqat hazm qilish tizimi tomonidan qabziyat, meteorizm, ko'ngil aynishi, gastralgiya, diareya.
Modda almashinuvi tomonidan uzoq muddat yuqori dozalarda davolashda giperkaltsiuriya va giperklatsemiya.

Kalsiy va fosfor almashinuvini, ayniqsa suyak to'qimasida tartibga soluvchi kombinatsiyalangan preparat. Suyaklardan kalsiyning yuvilib chiqishini (rezorbsiyasini) kamaytiradi va suyak to'qimasining zichligini oshiradi, organizmdagi kalsiy va D3 vitamini yetishmovchiligini tiklaydi.
Preparatning ta'siri tarkibiga kiruvchi komponentlarning effekti bilan belgilanadi.
Kalsiy suyak to'qimasining shakllanishida, tishlarning mineralizatsiyasida, asab o'tkazuvchanligi va mushak qisqarishlarini tartibga solishda, yurak faoliyatining barqarorligini saqlashda ishtirok etadi, qon ivish tizimining komponenti hisoblanadi.
D3 vitamini ichakda kalsiyning so'rilishini va uning suyak to'qimasida bog'lanishini kuchaytiradi, organizmda kalsiy va fosfor almashinuvini tartibga soladi.
Kalsiy va D3 vitamini qo'llanilishi paratireoid gormoni (PTG) ishlab chiqarilishini oshishiga to'sqinlik qiladi, u esa suyak rezorbsiyasining (suyaklardan kalsiyning yuvilib chiqishi) kuchayishiga stimulyator hisoblanadi.

Dori vositasini uzoq muddat qo‘llashda qonda va siydikda kalsiy darajasini aniqlash uchun monitoring o‘tkazish, shuningdek, kreatinin klirensini aniqlash orqali buyrak funksiyasini nazorat qilish tavsiya etiladi. Monitoring ayniqsa yurak glikozidlari yoki diuretik vositalarni allaqachon qabul qilayotgan keksa bemorlar uchun muhimdir. Giperkalsemiya yoki buyrak yetishmovchiligi holatida, dori vositasi dozasini kamaytirish yoki uni qabul qilishni to‘xtatish zarur. Agar siydikda kalsiy darajasi 24 soat davomida 7,5 mmol (24 soatda 300 mg) dan oshsa, davolashni kamaytirish yoki vaqtincha to‘xtatish tavsiya etiladi.
Dori vositasini tarkibida kalsiy va vitamin D3 bo‘lgan vitamin-mineral komplekslari bilan bir vaqtda qo‘llash tavsiya etilmaydi. Vitamin D3 ning boshqa manbalardan qo‘shimcha qabul qilinishi mumkinligini hisobga olish zarur.
Buyrak yetishmovchiligi bo‘lgan bemorlarda vitamin D3 ning metabolizmi buzilgan bo‘ladi. Agar bunday bemorlar xolekalsiferol qabul qilsa, uning kalsiy va fosfatlar gomestaziga ta’siri tekshirilishi kerak.
Avtotransport vositalarini boshqarish va mexanizmlarni boshqarish qobiliyatiga ta’siri
Avtotransport vositalarini boshqarish va mexanizmlarni boshqarish qobiliyatiga ta’siri ehtimoldan yiroq.
Homiladorlik va laktatsiya davrida qo‘llash
Homiladorlikda sutkalik doza 1500 mg kalsiy va 600 ME vitamin D3 dan oshmasligi kerak. Rotavit Kalsium Forte preparatining to‘liq bo‘lmagan dozasi (tayyorlangan eritmaning yarmi) qabul qilinishi mumkin.
Vitamin D3 va uning parchalanish mahsulotlari ona sutiga o‘tadi. Vitamin D3 ning yuqori miqdori sababli, laktatsiya davrida Rotavit Kalsium Forte ni qo‘llash tavsiya etilmaydi.
Pediatriyada qo‘llash
12 yoshdan katta o‘smirlarga Rotavit Kalsium Forte ni kuniga 1 paketdan qabul qilish tavsiya etiladi. Yosh bolalarda preparat tavsiya etilgan kunlik dozalar asosida, tayyorlangan eritmaning muvofiq ulushi shaklida qabul qilinishi mumkin.
Dori vositasini bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.