Har 2 ml tarkibida: faol modda: Amikatsin sulfat 116 mg yoki 580 mg; Amikatsinga ekvivalent 100 mg yoki 500 mg. yordamchi modda: metilparaben 1,6 mg yoki 0,8 mg; propilparaben 0,4 mg yoki 0,2 mg; natriy metabisulfit 2,6 mg yoki 13,2 mg; natriy sitrat 10 mg yoki 50 mg; sulfat kislotasi 0,4 mg; in'ektsiya uchun suv q.s. 2 ml gacha

Preparatga sezgir mikroorganizmlar chaqirgan infeksion-yallig‘lanish kasalliklari: — nafas yo‘llari va LOR organlarining og‘ir infeksiyalari: otit, bronxit, pnevmoniya, plevra empiyemasi, o‘pka abssessi; — suyak va bo‘g‘imlar infeksiyalari (shu jumladan, osteomiyelit); — sepsis (shu jumladan, yangi tug‘ilgan chaqaloqlarda sepsis); — endokardit; — markaziy asab tizimi infeksiyalari (shu jumladan, meningit); — qorin bo‘shlig‘i va o‘t yo‘llari infeksiyalari (shu jumladan, peritonit); — siydik chiqarish yo‘llari infeksiyalari (pielonefrit, tsistit, uretrit); — teri va yumshoq to‘qimalarning yiringli infeksiyalari, shuningdek, yara infeksiyasi (shu jumladan, infeksiyalangan kuyiklar, infeksiyalangan yaralar va turli kelib chiqishli toshmalar); — operatsiyadan keyingi infeksiyalar.

· preparatga va uning komponentlariga (shu jumladan, boshqa aminoglikozidlarga) yuqori sezuvchanlik; · eshitish nervi nevriti; · azotemiya va uremiya bilan kechuvchi og‘ir buyrak yetishmovchiligi; · og‘ir jigar yetishmovchiligi; · qon kasalliklari. Ehtiyotkorlik bilan: buyrak/jigar yetishmovchiligi; miasteniya; parkinsonizm; botulizm (aminoglikozidlar nerv-mushak uzatishini buzishi mumkin, bu esa skelet mushaklarining yanada zaiflashishiga olib keladi); degidratatsiya; yangi tug‘ilgan chaqaloqlarda (ayniqsa, muddatidan oldin tug‘ilgan bolalarda); keksalarda.

Tayinlashda ajratilgan qo‘zg‘atuvchilarning unga sezgirligini aniqlash kerak. Doza kasallik og‘irligi, infeksiya turi, organizm holati, bemorning yoshi, vazni va buyrak funksiyasiga bog‘liq. Kattalar va 6 yoshdan katta bolalarga m/m, v/v (2 daqiqa davomida sekin yoki tomchilab) 5 mg/kg har 8 soatda yoki 7,5 mg/kg har 12 soatda yuboriladi. Bakterial siydik yo‘llari infeksiyalarida (murakkablanmagan) – 250 mg har 12 soatda. Kattalar uchun maksimal doza – 15 mg/kg/kunda, lekin 1,5 g/kundan oshmasligi kerak, 10 kun davomida. V/v yuborishda davolash davomiyligi – 3-7 kun, m/m – 7-10 kun. Muddatidan oldin tug‘ilgan chaqaloqlarga boshlang‘ich doza – 10 mg/kg, so‘ngra 7,5 mg/kg har 18-24 soatda. Yangi tug‘ilgan chaqaloqlarga boshlang‘ich doza – 10 mg/kg, so‘ngra 7,5 mg/kg har 12 soatda 7-10 kun davomida. Kuygan bemorlarga qisqaroq T½ (1-1,5 soat) tufayli 5-7,5 mg/kg har 4-6 soatda doza talab qilinishi mumkin. V/v amikatsin tomchilab 30-60 daqiqa davomida yuboriladi, zarurat bo‘lsa – sekin. V/v yuborish uchun m/m uchun ishlatiladigan eritmalar, oldindan 200 ml 5% dekstroza eritmasi yoki 0,9% natriy xlorid eritmasida suyultiriladi. V/v yuborish uchun amikatsin konsentratsiyasi eritmada 5 mg/ml dan oshmasligi kerak.

Allergik reaksiyalar: teri toshmasi, qichishish, teri giperemiyasi, isitma, anafilaktik reaksiyalar, angionevrotik shish (Kvinke shishi). Nerv tizimi tomonidan: bosh og‘rig‘i, uyquchanlik, neyrotoksik ta’sir (mushaklarning qaltirashi, uvishish hissi, qichishish, epileptik tutqanoq), nerv-mushak uzatishining buzilishi (nafas to‘xtashi). Yurak-qon tomir tizimi tomonidan: EKGda T tishchasining tekislanishi. Nafas olish tizimi tomonidan: burun bitishi. Ovqat hazm qilish tizimi tomonidan: ko‘ngil aynishi, qusish, jigar funksiyasining buzilishi (jigar transaminazalari faolligining oshishi, giperbilirubinemiya). Siydik chiqarish tizimi tomonidan: nefrotoksiklik – buyrak funksiyasining buzilishi (oliguriya, proteinuriya, mikrogematuriya). Sezgi organlari tomonidan: ototoksiklik – eshitishning pasayishi, vestibulyar va labirint buzilishlari, qaytmas karsoqlik, harakatlarning diskoordinatsiyasi, bosh aylanishi, ko‘ngil aynishi, qusish. Qon yaratuvchi tizim tomonidan: anemiya, leyopeniya, granulositopeniya, trombotsitopeniya. Mahalliy reaksiyalar: in’ektsiya joyida og‘riqlilik, dermatit, flebit va periflebiti (v/i yuborilganda).

Aminoglikozidlar guruhi antibiotigi. Yarim sintetik keng ta'sir doirasiga ega antibiotik, bakteritsid ta'sir ko‘rsatadi. 30S-ribosoma subbirligiga bog‘lanib, transport va matritsali RNK kompleksi hosil bo‘lishiga to‘sqinlik qiladi, oqsil sintezini bloklaydi, shuningdek, bakteriyalarning sitoplazmatik membranalarini buzadi. Aerob grammanfiy mikroorganizmlarga nisbatan yuqori faollikka ega: Pseudomonas aeruginosa, Escherichia coli, Klebsiella spp., Serratia spp., Providencia spp., Enterobacter spp., Salmonella spp., Shigella spp., ayrim gram-musbat mikroorganizmlarga nisbatan: Staphylococcus spp. (shu jumladan, penitsillinga va ayrim sefalosporinlarga chidamli shtammlar). Preparat Streptococcus spp. ga nisbatan o‘rtacha faollikka ega. Benzilpenitsillin bilan bir vaqtda buyurilganda Enterococcus faecalis shtammlariga nisbatan sinergizm namoyon qiladi. Amikatsin boshqa aminoglikozidlarni inaktivatsiya qiluvchi fermentlar ta’sirida faolligini yo‘qotmaydi va tobramitsin, gentamitsin va netilmisinga chidamli Pseudomonas aeruginosa shtammlariga nisbatan faol bo‘lib qolishi mumkin.