Faol moddalar: qovoq urug'i uni (Cucurbitae semen), qovoq globulini (cucurbitae globulin), oltinmiya ekstrakti (Solidago extractum) quruq, titroq terak barglari ekstrakti (Populus tremula folia extractum) quruq.

1 tabletka tarkibida qovoq urug'i uni (Cucurbitae semen) 200 mg, qovoq globulini (cucurbitae globulin) 100 mg, oltinmiya ekstrakti (Solidago extractum) (5-8:1) quruq, ekstragent: etanol 60 hajm % 2,6 mg, titroq terak barglari ekstrakti (Populus tremula folia extractum) (5-8:1) quruq, ekstragent: etanol 60 hajm % 6,3 mg;

Yordamchi moddalar: kakao kukuni, laktoza monogidrat, saxaroza, kalsiy gidroforfat, kremniy dioksid kolloid anhidrid, talk, jelatin, glitserin, natriy xlorid, povidon. 

 

Preparatda Cucurbita pepo urug'laridan olingan globulin mavjud.

Ushbu globulindan ajratilgan va hozirda aniqlangan 15 ta aminokislotadan ayniqsa glutamin kislotasiga alohida ahamiyat beriladi. Glutamin kislotasi aminokislotalarning oksidlovchi dezaminatsiyasini katalizlaydi va gipertrofiyalangan prostata bezining to'qimasida patologik oshgan erkin aminokislotalar darajasini pasaytiradi. Natijada, oqsillar biosintezi uchun ishlatilishi mumkin bo'lgan aminokislotalar miqdori kamayadi va prostata bezi to'qimasining proliferatsiyasi sekinlashadi. Qovoq urug'larida kukurbitin, fitosterinlar erkin va bog'langan shaklda, tokoferollar, shuningdek, mineral moddalar, jumladan selen mavjud. Solidago (oltinmiya) buyraklarning filtrlash qobiliyatini oshiradi va shu bilan prostata bezi adenomasi II bosqichida qoldiq siydik hosil bo'lishiga qarshi ta'sir ko'rsatadi. Siydik pufagi mushaklarining tonusi oshishi siydik chiqarish buzilishlari, ayniqsa dizuriya simptomatikasini kamaytiradi va qoldiq siydik miqdorini kamaytiradi. Solidago yallig'lanishga qarshi, spazmolitik va diuretik ta'sir ko'rsatadi. Populus tremula (terak) ko'p miqdorda fenol glikozidlarga (salitsin, populin va salipopulin) ega. Salitsin inson organizmida oksidlanadi va salitsil kislotasiga aylanadi, u esa uretrotsistitda aniq dezinfektsiyalovchi ta'sir ko'rsatadi. Fenol glikozidlar, analgezik va yallig'lanishga qarshi ta'sir ko'rsatib, prostata bezidagi og'riqning ifodalanishini va siydik pufagining sezgirligini kamaytiradi. 

 

Preparat tarkibida laktoza va saxaroza mavjud. Galaktoza yoki saxarozaning kam uchraydigan irsiy intoleransiyasi, laktaza yetishmovchiligi yoki glyukoza-galaktoza malabsorbsiyasi sindromi, saxaraza-izomaltaza yetishmovchiligi bo'lgan bemorlarga preparatni qo'llash tavsiya etilmaydi.

Agar asosiy kasallik bilan bog'liq ravishda, harorat ko'tarilishi, dizurik hodisalar, spazmlar saqlanib qolsa yoki gematuriya va/yoki siydikning o'tkir tutilishi paydo bo'lsa, shifokor maslahati zarur.

Muzlatkichda saqlash mumkin emas.  

Homiladorlik va emizish davrida qo'llanilishi

Preparat erkaklarni davolash uchun qo'llaniladi.

Transport vositalarini yoki boshqa mexanizmlarni boshqarishda reaksiya tezligiga ta'sir qilish qobiliyati

Ta'sir qilmaydi.