Piracetam nootrop vositasi hisoblanadi, bosh miya almashinuv jarayonlariga ijobiy ta'sir ko'rsatadi, miya to'qimasida ATF konsentratsiyasini oshiradi, ribonuklein kislotasi va fosfolipidlar biosintezini kuchaytiradi, glikolitik jarayonlarni rag'batlantiradi, glyukozaning utilizatsiyasini kuchaytiradi. Preparat bosh miyaning integrativ faoliyatini yaxshilaydi, xotirani yaxshilashga yordam beradi, turli shakldagi serebral gipoksiya holatlarida himoya ta'sirini ko'rsatadi, o'qish jarayonini osonlashtiradi. Preparat bosh miya yarim sharlarining o'zaro aloqalarini va neokortikal tuzilmalarda sinaptik o'tkazuvchanlikni yaxshilaydi, serebral funksiyalarni, ayniqsa ong, xotira va nutqni tiklaydi va barqarorlashtiradi, aqliy ish qobiliyatini oshiradi, miya qon aylanishini yaxshilaydi.

Likvorda maksimal konsentratsiya 2-8 soatdan keyin hosil bo'ladi. Barcha organ va to'qimalarga o'tadi, gematoensefalik va platsentar to'siqlardan o'tadi, bosh miya po'stlog'ida, asosan peshona, tepa sohalarida, miyaning kichik miya va bazal gangliyalarida tanlab to'planadi. Amalda metabolizmga uchramaydi. Plazmadan yarim chiqarilish davri 4-5 soat, likvordan - 6-8 soat. Kiritilgandan 30 soat o'tgach, piracetamning 90% dan ortig'i buyraklar orqali chiqariladi. Buyrak yetishmovchiligi bo'lgan bemorlarda yarim chiqarilish davri uzayadi.

 Piracetamni markaziy asab tizimini rag'batlantiruvchi dori vositalari bilan bir vaqtda qo'llash ularning ta'sirini kuchaytiradi, antipsixotik vositalar (neyroleptiklar) bilan - ularning markaziy ta'siri (tremor, bezovtalik va boshqalar) kuchayadi. Piracetam og'iz orqali qabul qilinadigan antikoagulyantlar ta'sirini kuchaytiradi, qalqonsimon bez gormonlari samaradorligini oshiradi, antiepileptik preparatlar samaradorligini pasaytiradi (epileptik chegarani pasaytiradi). 

 Infuziya qilishdan oldin shifokor preparatni vizual ko‘rikdan o‘tkazishi shart. Preparat shaffof bo‘lishi, suspenziya va cho‘kma bo‘lmasligi kerak. Preparat ampula va yorliq butunligi saqlangan taqdirda foydalanishga yaroqli hisoblanadi. Piratsetam buyraklar orqali chiqariladi, shuning uchun buyrak yetishmovchiligi bo‘lgan bemorlarni davolashda alohida ehtiyotkorlikka rioya qilish lozim. Bunday bemorlarda preparatning yarim chiqarilish davri va kreatinin klirensi o‘rtasida teskari bog‘liqlik mavjud. Klonik tutqanoq bilan og‘rigan bemorlarda preparatni to‘satdan bekor qilishdan saqlanish kerak, chunki bu ularning kuchayishiga olib kelishi mumkin. Uyqu buzilishining oldini olish uchun preparatni kunning birinchi yarmida buyurish tavsiya etiladi. Miya o‘tkir shikastlanishlarini davolashda preparat detoksikatsion va tiklovchi terapiyaning boshqa usullari bilan birga, ruhiy kasalliklarni davolashda esa mos psixotrop vositalar bilan birga buyuriladi. Gemodializ apparatlarining filtrlovchi membranalari orqali o‘tadi. Markaziy asab tizimi qo‘zg‘alishi yoki uyquchanlik va tremor ko‘rinishidagi nojo‘ya ta’sirlar paydo bo‘lsa, markaziy asab tizimi simptomlari yo‘qolguncha transport vositalarini boshqarmaslik va harakatlanuvchi mexanizmlarga xizmat ko‘rsatmaslik kerak. Preparatni bolalar uchun yaroqsiz joyda saqlash va yaroqlilik muddati tugaganidan keyin ishlatmaslik kerak. 

 Simptomlar: uyqu buzilishi, asabiylashish, tutqanoqlar, boshqa nojo‘ya ta’sirlarning kuchayishi. Davolash: preparatni bekor qilish, simptomatik davolash.