Oq rangli yoki sariq tusli oq rangli, biplanar, bir tomonida “Ch” gravirovkasi bo‘lgan, dumaloq tabletkalar.

Bir tabletka quyidagilarni saqlaydi:
faol modda: gimekromon - 200 mg;
yordamchi moddalar: kartoshka kraxmali, jelatin, natriy laurilsul'fati, magniy stearati.

O‘t chiqarish yo‘llari va Oddi sfinkterini giperkinetik turi bo‘yicha diskineziyasi, kal'kulyoz bo‘lmagan surunkali xolesistit, xolangit, xolelitiaz; o‘t pufagi va o‘t yo‘llarida o‘tkazilgan jarrohlik aralashuvlaridan keyingi holatlarda qo‘llaniladi. Ishtahani pasayishi, ko‘ngil aynishi, qabziyat, qusishda (o‘tni giposekresiyasi fonida) qo‘llaniladi.

O‘ta yuqori sezuvchanlik. O‘t chiqarish yo‘llarini berkilib qolishi, jigar/buyrak yetishmovchiligi, yarali kolit, Kron kasalligi, me'da va 12 barmoqli ichak yara kasalliklari, gemofiliyada qo‘llash mumkin emas. 7 yoshgacha bo‘lgan bolalarda qo‘llash mumkin emas.

Ovqatdan 30 minut oldin ichga qabud qilinadi; kattalarga - 200-400 mg dan sutkada 3 marta buyuriladi.
Sutkalik doza 1200 mg ni tashkil etadi.
7 yoshdan boshlab bolalarga 200 mg dan (1 tabletka) sutkada 1-3 marta buyuriladi. Sutkalik doza 600 mg ni tashkil etadi.
Davolash kursi 2-3 haftani tashkil etadi.
Dozani qabul qilish o‘tkazib yuborilganida, preparatni imkon boricha tezroq qabul qilish, yoki agar keyingi qabul qilish vaqti yaqinlashgan bo‘lsa, o‘tkazib yuborilgan dozani qabul qilmaslik lozim. Ikki marta yuqori dozani bir vaqtda qabul qilish mumkin emas.

Allergik reaksiyalar; diareya, meteorizm, abdominal og‘riq, MII shilliq qavatida yara hosil bo‘lishi, bosh og‘rig‘i kuzatilishi mumkin.

Farmakodinamikasi
O‘t haydovchi preparat. O‘t hosil bo‘lishi va ajralib chiqishini oshiradi. O‘t yo‘llari va Oddi sfinktoriga nisbatan selektiv spazmolitik ta'sir ko‘rsatadi (me'da-ichak yo‘llari (MIY) harakatini susaytirmaydi va arterial qon bosimni (AQB) pasaytirmaydi). O‘tni dimlanishini kamaytiradi, xolesterinni kristallanishini va shu orqali xolelitiaz rivojlanishini oldini oladi.
Farmakokinetikasi
Preparatni ichga qabul qilinganida ovqat hazm qilish yo‘llaridan oson so‘riladi, plazma oqsillari bilan kuchsiz bog‘lanadi. Qon zardobida maksimal konsentratsiyasiga 2-3 soatdan keyin erishadi. Yarim chiqarilish davri taxminan 1 soatni tashkil etadi. Gimekromon buyraklar orqali (taxminan 93% glyukuronat ko‘rinishida, 1,4% - sul'fonat, 0,3% - o‘zgarmagan holda) chiqariladi.

Morfin gimekromonning ta'sirini susaytiradi.
Metoklopramid bilan birga qabul qilinganida har ikkala preparatning ta'sirini susayishi kuzatiladi.
Bevosita antikoagulyantlarning samarasini kuchaytiradi.

Homiladorlik va laktasiya davrida ko‘llanishi
Homiladorlik va laktasiya davrida gimekromonni qo‘llash xavfsizligi bo‘yicha ma'lumotlar yo‘q. Homiladorlik va laktasiya davrida Odeston preparatini ona uchun davolashdan kutiladigan potensial foyda homila va bola uchun potensial xavfdan ustun bo‘lgan holatlardagina buyurish mumkin.
Transport vositalari, mexanizmlarni boshqarish qobiliyatiga ta'siri
Preparat transport vositalarini boshqarish va diqqatni yuqori darajada jamlash va psixomotor reaksiyalar tezligini talab etuvchi boshqa potensial xavfli faoliyat turlari bilan shug‘ullanish qobiliyatiga ta'sir ko‘rsatmaydi.
Ko‘llashdagi ehtiyotkorlik choralari
“Qo‘llash mumkin bo‘lmagan holatlar” va “Transport vositalari, mexanizmlarni boshqarish qobiliyatiga ta'siri” bo‘limlariga qarang.
Ishlatilmagan dori preparatini yo‘qotishda maxsus ehtiyotkorlik choralari
Dori preparatini kanalizasiyaga yoki uydagi chiqindilar uchun konteynerga tashlash mumkin emas. Ishlatilmagan preparatni qanday utilizasiya qilish yuzasidan farmasevtdan so‘rang. Ushbu choralar atrof muhitni himoya qilishga yordam beradi.

Odamlarda dori vositasining dozasini oshirib yuborilishiga tegishli ma'lumotlar yo‘q.

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!

4 yil.
O‘ramida ko‘rsatilgan yaroqlilik muddati tugaganidan so‘ng qo‘llanilmasin.