Farmakokinetika Betametazonning mahalliy qoʻllanganda soʻrilishiga koʻplab omillar, jumladan, epidermis holati va okklyuziya mavjudligi taʼsir qiladi. Terining yalligʻlanish jarayonlari soʻrilishni kuchaytirishi mumkin, shuningdek, okklyuzion bogʻlamalar qoʻllanilganda ham. Mahalliy qoʻllangandan soʻng tizimli soʻrilish 12-14% ni tashkil etadi. Taxminan 64% betametazon plazma oqsillari bilan qaytar bogʻlanadi, taqsimlanish hajmi 1,4 l/kg ni tashkil etadi. Betametazon jigar orqali metabolizatsiyalanadi, metabolitlar asosan oʻt orqali chiqariladi, kichik qismi siydik orqali chiqariladi (taxminan 5%). Salitsil kislotasi mahalliy qoʻllanganda okklyuziya ostida plazmada eng yuqori konsentratsiyaga 5 soatdan soʻng erishadi. Soʻrilgan umumiy salitsil kislotaning katta qismi metabolitlar shaklida chiqariladi, taxminan 6% oʻzgarmagan holda siydik orqali chiqariladi. Farmakodinamikasi Novosalik - kuchli glyukokortikosteroid, betametazon va salitsil kislotaning kombinatsiyasi. Novosalik yalligʻlanishga qarshi, qichishishga qarshi, antiproliferativ, keratolitik va antimikrob taʼsirlarga ega. Betametazon yalligʻlanishga qarshi, allergiyaga qarshi, antiproliferativ va qichishishga qarshi taʼsirlarga ega. Teriga surtilganda betametazon yalligʻlanish oʻchogʻida tez va kuchli taʼsir koʻrsatadi, obyektiv simptomlar (eritema, shish, lixenifikatsiya) va subyektiv sezgilar (qichishish, tirnash, ogʻriq) ni kamaytiradi. Salitsil kislotasi keratolitik taʼsiri hisobiga zararlangan joylarni tangachalardan tozalaydi, betametazonning teriga kirib borishini osonlashtiradi, terining kislotali muhitini saqlaydi va bakterial hamda zamburugʻli infeksiya rivojlanishining oldini oladi.

Boshqa dori vositalari bilan klinik jihatdan ishonchli oʻzaro taʼsirlar aniqlanmagan. Akne terapiyasi uchun kosmetik va dermatologik vositalar, etanol saqlovchi vositalar yoki kuchli qurituvchi taʼsirga ega tibbiy sovun va sh.k. bir vaqtda qoʻllanilganda ayrim hollarda teri tirnashini chaqirishi mumkin.

Novosalik mazь faqat teriga va/yoki sochli bosh terisiga tashqi qo‘llash uchun mo‘ljallangan. Ko‘zga va shilliq qavatlarga tushishidan saqlanish kerak. Yuz terisida mazьni uzoq muddat qo‘llash tavsiya etilmaydi, chunki rozatsea tipidagi dermatit, perioral dermatit, teri atrofiyasi va akne rivojlanishi mumkin. Preparatni anogenital sohada qo‘llashdan saqlanish kerak. Preparatni o‘tkazmaydigan bog‘lam ostida qo‘llash tavsiya etilmaydi, bundan zarur hollardan tashqari. Agar terida zamburug‘li yoki bakterial mikroflora rivojlansa, qo‘shimcha antibakterial yoki zamburug‘ga qarshi vosita qo‘llash zarur. Homiladorlik va laktatsiya davri Novosalik preparatini homilador ayollarda mahalliy qo‘llash faqat onaga kutilayotgan foyda homilaga xavfdan ustun bo‘lsa ruxsat etiladi. Bunday hollarda preparatni qo‘llash qisqa muddatli bo‘lishi va terining kichik sohalari bilan cheklanishi kerak. Emizish davrida Novosalik preparatini faqat qat’iy ko‘rsatmalar bo‘yicha qo‘llash mumkin, biroq preparatni emizishdan oldin sut bezlari terisiga surtish mumkin emas. Pediatriyada qo‘llanishi Novosalik preparatini (tashqi qo‘llash uchun mazь) bolalarda qo‘llash imkon qadar qisqa muddatli bo‘lishi va qat’iy ehtiyot choralariga rioya qilgan holda amalga oshirilishi kerak, chunki bolalarda tana massasiga nisbatan teri yuzasining ustunligi va epidermisning yetarlicha yetilmaganligi sababli faol komponentlarning nisbatan ko‘proq miqdorda tizimli so‘rilish xavfi mavjud. Preparatni bolalarda bog‘lam ostida, ayniqsa plastifikatsiyalangan tagliklar ostida qo‘llash mumkin emas, bu esa gipotalamo-gipofizar-adrenal tizimining faoliyatini susayishi, Kushing sindromi, o‘sishning chiziqli kechikishi, vazn ortishining orqada qolishi, bosh ichki bosimining oshishi kabi noxush hodisalar rivojlanish xavfini oshirishi mumkin. Bolalarda adrenal supressiya namoyon bo‘lishi plazma kortizolining past darajasi va AKTG stimulyatsiyasiga javobning yo‘qligi bilan ifodalanadi. Dori vositasining transport vositalarini yoki potensial xavfli mexanizmlarni boshqarish qobiliyatiga ta’sir qilish xususiyatlari. Novosalik preparatining transport vositalari va mexanizmlarni boshqarish qobiliyatiga nojo‘ya ta’siri haqida ma’lumotlar mavjud emas.

Novosalik preparatini uzoq muddat davomida uzluksiz qo‘llashda, ayniqsa bolalarda, terining keng maydonlarida, teri butunligi buzilgan joylarga surtilganda yoki o‘tkazmaydigan bog‘lam ostida qo‘llanganda, faol komponentlarning kuchaygan so‘rilishi va tizimli ta’sirlar, ya’ni Itsenko-Kushing sindromi, bosh ichki bosimining yaxshi xulqli oshishi, buyrak usti bezlarining ikkilamchi yetishmovchiligi yoki salitsilatlar: oqarish, charchoq, uyquchanlik, boshqa salitsilizm simptomlari yuzaga kelishi mumkin. Bunday holatda davolash preparatni bekor qilish va simptomatik terapiyani o‘z ichiga oladi.