Har bir flakon tarkibida faol modda bo'lgan tiklangan glyutation natriy tuzi – 600 mg yoki 1200 mg mavjud;

Preparat yordamchi terapiya uchun mo'ljallangan: • jigar kasalliklarida, jumladan, virusli jigar kasalliklarida (masalan, gepatit A, gepatit B, gepatit S va boshqalar); • alkogol ta'sirida yuzaga kelgan jigar shikastlanishlarida (masalan, toksik jigar, alkogolli jigar fibrozlari, alkogolli jigar sirrozi, o'tkir alkogolli gepatit) va boshqa jigar kasalliklarida. • kimyoterapiyada (jumladan, sisplatin, siklofosfamid, adriamitsin, rubidomitsin va bleomitsin, ayniqsa yuqori dozalarda) va nurlanish terapiyasida. • dori intoksikatsiyalarida (masalan, onkologiyada kimyoterapevtik preparatlar, silga qarshi preparatlar, neyropsixotrop preparatlar, antidepressantlar, paratsetamol va boshqalar); • gipoksemiya chaqiradigan kasalliklarda (masalan, o'tkir anemiya, kattalarda nafas yetishmovchiligi sindromi, septitsemiya va boshqalar); • detoksikatsiyalarda, fosfororganik birikmalar, amino- va nitrobirikmalar bilan zaharlanishlarda.

Tiklangan glyutation natriy tuziga yuqori sezuvchanlik.

Vena ichiga yuborish uchun 600 mg preparatni 4 ml inyektsiya uchun suvda yoki 1,2 g preparatni 7 ml inyektsiya uchun suvda eritib, so‘ng olingan eritmani 100 ml, 250 ml yoki 500 ml fiziologik eritma yoki 5% glyukoza eritmasi hajmidagi infuzion eritmalarga qo‘shish kerak. Mushak ichiga yuborish uchun 600 mg preparatni 4 ml inyektsiya uchun suvda eritish kerak.

Nojo‘ya reaksiyalar paydo bo‘lishi tez-tezligi juda past, hatto preparat yuqori dozalarda uzoq muddat davomida qo‘llanilganda ham. Kamdan-kam hollarda bemorlarda paroksizmal toshma kuzatilgan.

Glyutation – bu glutamin kislotasi, sistein va glitsindan tashkil topgan fiziologik tripeptid bo‘lib, u bir qator biologik jarayonlarda ishtirok etadi va detoksikatsiyada muhim rol o‘ynaydi, hujayralarni ksenobiotiklar, erkin radikallar va nurlanishning zararli ta’siridan himoya qiladi. Doklinik va klinik tadqiqotlar glyutationning hujayralarning patologik shikastlanishiga olib keladigan bir qator holatlarda himoya rolini ko‘rsatdi (etil spirti, paratsetamol, salitsilatlar, fenobarbital, tritsiklik antidepressantlar, fosfororganik insektitsidlar va boshqalar bilan zaharlanish). Shuningdek, glyutation ko‘plab ximioterapevtik preparatlarning faolligiga ta’sir ko‘rsatishi, to‘qimalarda endogen glyutation darajasini kamaytirishi va natijada o‘sma jarayoni bilan bog‘liq oksidlovchi stressni kamaytirishi aniqlangan. Tsisplatin va uning hosilalari kabi preparatlarni ximioterapevtik preparatlar induktsiyalagan neyrotoksiklikning oldini olish uchun qo‘llash, platina periferik asab tizimida, ayniqsa orqa asab ildizlari gangliyalarida to‘planishi bilan bog‘liq. Shuning uchun glyutation kabi moddalar, platina orqa asab ildizlari gangliyalarida dastlabki to‘planishini oldini olishga qodir, qo‘llaniladi. Klinik tadqiqotlar glyutation infuziyasi, o‘sma qarshi vosita yuborilishidan oldin tuxumdon karsinomasi, me’da karsinomasi va kolorektal rak bilan kasallangan bemorlarda tsisplatin va oksaliplatin qo‘llanilishi natijasida yuzaga keladigan buyrak yetishmovchiligi va neyrotoksiklikdan samarali himoya qilishini tasdiqladi, bu esa zarur bo‘lsa, o‘sma qarshi vositaning yuqoriroq kumulyativ dozasiga erishish imkonini beradi.

Preparatni shifoxonalarda shifokor nazorati ostida qo'llash. Preparat to'liq eriganligiga va eritma rangsiz va shaffof ekanligiga ishonch hosil qiling; tayyorlangan preparat eritmasi xona haroratida (25°S gacha) 2 soatdan ko'p bo'lmagan muddatda, fiziologik eritmada esa 0-5°S haroratda 8 soatdan ko'p bo'lmagan muddatda saqlanishi mumkin. To'qimalar toshmasi, yuzning oqarishi, qon bosimining o'zgarishi, yurak ritmining buzilishi va boshqalar kabi simptomlar paydo bo'lsa, preparatni darhol qo'llashni to'xtating. Mushak ichiga yuborishni faqat boshqa yuborish usullari qabul qilinmaydigan hollarda qo'llash. Bir joyga takroran yuborishdan saqlaning. Pediatriyada qo'llanilishi Preparatni yangi tug'ilgan chaqaloqlarga, muddatidan oldin tug'ilgan bolalarga, 14 yoshgacha bo'lgan bolalarga, ayniqsa mushak ichiga yuborishda, alohida ehtiyotkorlik bilan qo'llash. Geriatriyada qo'llanilishi Keksalarga dozani mos ravishda kamaytirish va davolash davomida qat'iy nazorat talab etiladi. Preparatni bolalar ololmaydigan joyda saqlash va yaroqlilik muddati o'tgach qo'llamaslik kerak. Homiladorlik va emizish davrida preparatni qo'llash bo'yicha ma'lumotlar yo'q.