1 tabletkada:

faol moddalari: izoleysinning alfa-ketoanalogi (ketoizoleysin kaltsiy) - 67 mg, leysinning alfa-ketoanalogi (ketoleysin kaltsiy) - 101 mg, fenilalaninning alfa-ketoanalogi (ketofenilalanin kaltsiy monogidrat) - 68 mg, valinning alfa-ketoanalogi (ketovalin kaltsiy) - 86 mg, metioninning alfa-gidroksi analoği (gidroksimetionin kaltsiy) - 59 mg, lizinning monoatsetati - 105 mg, treonin - 53 mg, triptofan - 23 mg, gistidin - 38 mg, tirozin - 30 mg;

yordamchi moddalari: krosprovidon - 20 mg, makrogol 6000 - 50 mg, oldindan jelatinlangan kraxmal - 50 mg, povidon-K30 - 8 mg, magniy stearat - 4 mg;

plyonka qobig‘i: Opadry 85F620005 sariq 23 mg (polivinil spirti - 12,4 mg; titan dioksid - 6,6 mg; makrogol 3350 - 1,2 mg; talk - 1,0 mg; xinolinsariq bo‘yoq (E104) - 1,8 mg).

Kattalar va 3 yoshdan boshlab bolalarda surunkali buyrak yetishmovchiligida patologik oqsil almashinuvi bilan bog‘liq buzilishlarning oldini olish va davolash, bir vaqtning o‘zida kattalarda sutkalik oqsil miqdori 40 g dan oshmaydigan, 3 yoshdan 10 yoshgacha bo‘lgan bolalarda sutkada tana vazniga 1,4-0,8 g/kg, 10 yoshdan boshlab esa 1-0,6 g/kg bo‘lgan past oqsilli dieta saqlangan holda.

Bunday bemorlarda klubochkali filtrlatsiya tezligi (KFT) odatda 25 ml/min dan oshmaydi.

Irsiy fenilketonuriyali bemorlar preparat tarkibida fenilalanin borligini hisobga olishlari kerak.

Og‘iz orqali qabul qilish uchun.

Kattalar va 3 yoshdan boshlab bolalarga sutkada tana vazniga 5 kg ga 1 tabletka yoki 0,1 g/kg tana vazniga.

Odatda kattalar uchun (tana vazni 70 kg) sutkalik doza 4-8 tabletka 3 marta ovqat vaqtida (butun holda) qabul qilinadi.

Ovqat bilan birga qabul qilish so‘rilish va mos aminokislotalarga metabolizmni yaxshilaydi.

Qo‘llash davomiyligi: preparat KFT 25 ml/min dan oshmaguncha va bemor past oqsilli dieta (kattalarda sutkada 40 g dan oshmaydigan oqsil) saqlamaguncha qo‘llanadi.

3 yoshdan 10 yoshgacha bo‘lgan bolalar uchun ovqatdagi tavsiya etilgan oqsil miqdori sutkada tana vazniga 1,4-0,8 g/kg, 10 yoshdan boshlab esa 1,0-0,6 g/kg.

Nojo‘ya yon ta’sirlar organlar va uchrashish tezligiga ko‘ra guruhlangan. Tezlik quyidagicha aniqlangan: juda tez-tez > 10%, tez-tez 1-10%, kamdan-kam 0,1-1%, kam 0,01-0,1%, juda kam <0,01%, tezlik noma’lum (mavjud ma’lumotlar asosida baholab bo‘lmaydi).

Metabolizm va ovqatlanish tomonidan: juda kam - giperkaltsiemiya.

Preparat komponentlariga allergik reaksiyalar rivojlanishi mumkin. Bunday holatda D vitamini dozasini kamaytirish tavsiya etiladi. Agar giperkaltsiemiya saqlansa, aminokislotalar ketaanaloglari va boshqa kaltsiy manbalarining dozasini kamaytirish kerak.

Aminokislotalarning ketoanaloglari buyrak yetishmovchiligida oziqlantiruvchi vosita sifatida qo‘llaniladi.

Dori organizmga muhim aminokislotalarning minimal azot miqdorida kirib kelishini ta’minlaydi.

So‘rilgandan so‘ng, keto- va gidroksikislotalar mos muhim aminokislotalar hosil bo‘lishi bilan transaminatsiyalanishi mumkin, bunda aminoguruh almashtiriladigan aminokislotalardan o‘tadi. Aminoguruhning qayta ishlatilishi tufayli, siydikda karbamid hosil bo‘lishi sekinlashadi va uremik toksinlar to‘planishi kamayadi. Keto- va gidroksikislotalar qolgan nefronlarda giprefiltratsiyani chaqirmaydi. Ketotarkibli qo‘shimchalar buyrak giprefosfatemiyasi va ikkilamchi giperaparatireozga ijobiy ta’sir ko‘rsatadi. Bundan tashqari, osteodistrofiya kechishini yaxshilash mumkin.

Aminokislotalarning ketoanaloglari preparatini juda past oqsilli dieta bilan birga qo‘llash azot kirib kelishini kamaytirishga imkon beradi, bunda to‘liq bo‘lmagan ovqatlanish va oziq-ovqat bilan oqsil yetishmasligi natijasida yuzaga keladigan noxush holatlarning oldi olinadi.

Serumdagi kalsiy kontsentratsiyasini muntazam nazorat qilish zarur. Oziq-ovqatning yetarli kaloriyaliligini ta'minlash zarur. Alyuminiy gidroksidi bilan bir vaqtda qo'llanganda, serumdagi fosfatlar kontsentratsiyasini nazorat qilish zarur.

Transport vositasini yoki potensial xavfli mexanizmlarni boshqarish qobiliyatiga ta'siri

Ta'sir qilmaydi.

Homiladorlik va laktatsiya davrida

Ketoaminokislotalar preparatini homilador ayollarda qo'llash bo'yicha klinik ma'lumotlar mavjud emas. Doklinik tadqiqotlarda homiladorlik kechishi, embrio-fetal rivojlanish, tug'ruq va postnatal rivojlanishga to'g'ridan-to'g'ri yoki bilvosita zarar aniqlanmagan.

Homiladorlik davrida preparatni ehtiyotkorlik bilan qo'llash kerak. Emizish davrida qo'llash tajribasi mavjud emas. Agar emizish davrida preparat bilan davolash zarur bo'lsa, emizishni to'xtatish kerak.