Faol modda: mikafungin (mikafungin natriy tuzi ko‘rinishida); 1 flakon tarkibida 50 mg yoki 100 mg mikafungin (mikafungin natriy tuzi ko‘rinishida) mavjud; Boshqa tarkibiy qismlar: laktoza, monogidrat; limon kislotasi; natriy gidroksid.

Kattalar va 16 yoshdan katta bolalar uchun quyidagilarni qo'llash: Invaziv kandidozni davolash; Qizilo'ngach kandidozini davolash, bemorlarga tomir ichiga antimikotik terapiya zarur bo'lsa; Gemopoetik ildiz hujayralarining allogen transplantatsiyasi o'tkazilayotgan yoki neytropeniya (neytrofillar soni) prognoz qilinayotgan bemorlarda kandidozni oldini olish; 16 yoshgacha bo'lgan bolalar (shu jumladan chaqaloqlar) uchun quyidagilarni qo'llash: Invaziv kandidozni davolash; Gemopoetik ildiz hujayralarining allogen transplantatsiyasi o'tkazilayotgan yoki neytropeniya (neytrofillar soni) prognoz qilinayotgan bemorlarda Candida qo'zg'atuvchisi bilan infeksiyalanishni oldini olish; Mikaliyof Romfarm dori vositasini qo'llash masalasini hal qilishda jigar o'smalari rivojlanishining potentsial xavfini hisobga olish kerak (qarang «Qo'llash xususiyatlari» bo'limi). Shuning uchun Mikaliyof Romfarm dori vositasi faqat boshqa zamburug'larga qarshi vositalarni qo'llash mumkin bo'lmaganda qo'llaniladi.

Faol modda yoki dori vositasining har qanday yordamchi moddasiga, boshqa exinokandinlarga yuqori sezuvchanlik.

Zamburug'larga qarshi dori vositalarini qo'llash bo'yicha rasmiy ko'rsatmalarga rioya qilish kerak. Mikaliyof Romfarmni zamburug'li infeksiyalarni davolashda tajribaga ega shifokor buyurishi kerak. Zamburug'li madaniyatlarni aniqlash uchun namuna olish va boshqa tegishli laboratoriya tadqiqotlari (shu jumladan gistopatologik) davolashni boshlashdan oldin o'tkazilishi kerak. Davolashni laboratoriya tadqiqotlari natijalari ma'lum bo'lishidan oldin boshlash mumkin. Biroq, ushbu natijalar olingandan so'ng zamburug'larga qarshi terapiyani to'g'ri tuzatish kerak.

Klinik tadqiqotlar davomida mikafungin bilan davolangan bemorlarda jigar funksiyasi bilan bog‘liq nojo‘ya reaksiyalar umumiy uchrashi 8,6% (260/3028) ni tashkil etdi. Nojo‘ya reaksiyalarning aksariyati yengil yoki o‘rtacha og‘irlik darajasida bo‘lgan. Eng ko‘p uchraydigan nojo‘ya reaksiyalar LQF (shchelochnaya fosfataza) (2,7%), AST (2,3%), ALT (2,0%), qonda bilirubin (1,6%) va jigar funksiyasi testining anormal natijalari (1,5%) darajasining oshishi bo‘lgan. Kam sonli bemorlar nojo‘ya reaksiyalar tufayli davolashni to‘xtatgan (1,1%; 0,4% – jiddiy nojo‘ya reaksiyalar). Jiddiy jigar disfunktsiyasi holatlari kam uchragan (qarang «Qo‘llash xususiyatlari» bo‘limi). Bolalar Quyida ko‘rsatilgan ayrim nojo‘ya reaksiyalar bolalarda kattalarga nisbatan ko‘proq uchragan. Bundan tashqari, 1 yoshgacha bo‘lgan bolalarda ALT, AST va shchelochnaya fosfataza darajasining oshishi katta yoshdagi bolalarga nisbatan 2 baravar ko‘p aniqlangan (qarang «Qo‘llash xususiyatlari» bo‘limi). Bunday farqlarning eng ehtimoliy sababi asosiy kasalliklar bo‘lib, ular klinik tadqiqotlarda kattalar va katta yoshdagi bolalarda kuzatilganlardan farq qilgan. Masalan, chaqaloqlik yoshidagi bemorlarda neytropeniya bir necha barobar ko‘proq uchragan (bolalarda va kattalarda mos ravishda 40,2% va 7,3%). Bu, shuningdek, allogen gemopoetik ildiz hujayralari transplantatsiyasi (GIT) (mos ravishda 29,4% va 13,4%) va qonning yomon sifatli kasalliklari (mos ravishda 29,1% va 8,7%) ko‘rsatkichlariga ham taalluqlidir. Qon tomondan: tez-tez – trombotsitopeniya. Yurak tomondan: tez-tez – taxikardiya. Tomir buzilishlari: tez-tez – arterial gipertenziya va gipotenziya. Jigar va o‘t yo‘llari tomondan: tez-tez – gipyerbilirubinemiya, jigar kattalashuvi. Buyrak va siydik yo‘llari tomondan: tez-tez – o‘tkir buyrak yetishmovchiligi, qonda siydik miqdorining oshishi.

Farmakodinamikasi Mikafungin 1,3-β-D-glyukan sintezini nekonkurent tarzda ingibitsiya qiladi, bu zamburug‘ hujayra devorining muhim komponentidir. Sutemizuvchilar hujayralarida 1,3-β-D-glyukan mavjud emas. Mikafungin Candida turidagi zamburug‘larga nisbatan fungitsid faollik ko‘rsatadi va Aspergillus spp. ga nisbatan aniq fungistatik ta’sir ko‘rsatadi. Mikafungin in vitro turli Candida spp. turlariga nisbatan faol, jumladan Candida albicans, Candida glabrata, Candida tropicalis, Candida krusei, Candida kefyr, Candida parapsilosis, Candida guilliermondii, Candida lusitaniae va Aspergillus spp., jumladan Aspergillus fumigatus, Aspergillus flavus, Aspergillus niger, Aspergillus terreus, Aspergillus nidulans, Aspergillus versicolor, shuningdek dimorf zamburug‘lar (Histoplasma capsulatum, Blastomyces dermatitidis, Coccidioides immitis) ga nisbatan. Preparat in vitro Cryptococcus spp., Pseudallescheria spp., Scedosporium spp., Fusarium spp., Trichosporon spp. va zigomitsetlarga nisbatan faol emas. Preparatga ikkilamchi rezistentlik rivojlanish ehtimoli juda past. Farmakokinetikasi Absorbsiya. Mikaliof Romfarm - tomir ichiga yuboriladigan dori vositasi. Farmakokinetikasi sutkalik dozalarning 12,5 dan 200 mg gacha va 3 dan 8 mg/kg gacha bo‘lgan oraliqda chiziqli. Ko‘p martalik dozalar yuborilganda tizimli kumulyatsiya haqida hech qanday ma’lumot yo‘q, barqaror konsentratsiya qo‘llash boshlanganidan 4–5 kun ichida o‘rnatiladi. Taqsimlanishi. Tomir ichiga yuborilgandan so‘ng mikafungin konsentratsiyasining biexponential pasayishi kuzatiladi. Dori vositasi to‘qimalarda tez taqsimlanadi. Tizimli qon oqimida mikafungin plazma oqsillari (99%), asosan albumin bilan faol bog‘lanadi. Albumin bilan bog‘lanish 10–100 mkg/ml konsentratsiya oraliqda barqaror. Barqaror konsentratsiyaga erishilganda taqsimlanish hajmi (Vss) 18–19 litrni tashkil etadi. Metabolizm. Mikafungin tizimli qon oqimida asosan o‘zgarmagan holda aylanadi. Mikafungin bir nechta birikmalar hosil bo‘lishi bilan metabolizatsiyalanadi, ulardan M-1 (katexol hosilasi), M-2 (M1 ning metoksi hosilasi) va M-5 (yon zanjirda gidroksillanish natijasida hosil bo‘ladi), mikafungin hosilalari, tizimli qon oqimida aniqlangan. Ushbu metabolitlarning ekspozitsiyasi kichik va ular mikafunginning umumiy samaradorligiga ta’sir qilmaydi. Shuni ta’kidlash kerakki, in vitro mikafungin CYP3A izofermentlari ishtirokida metabolizatsiyalanishi mumkin bo‘lsa-da, CYP3A ishtirokida gidroksillanish preparatning in vitro metabolik o‘zgarishining asosiy yo‘li emas. Eliminatsiya va ekskresiya. Yarim chiqarilish davri taxminan 10–17 soatni tashkil etadi va preparatning bir martalik va ko‘p martalik yuborilishidan so‘ng 8 mg/kg gacha bo‘lgan dozalar oraliqda doimiy bo‘lib qoladi. Umumiy klirens sog‘lom ko‘ngillilar va kattalarda 0,15–0,3 ml/min/kg ni tashkil etadi va dori vositasining bir martalik va ko‘p martalik yuborilishida dozaga bog‘liq emas. Sog‘lom ko‘ngillilarga 14C-mikafunginning (25 mg) bir martalik dozasidan 28 kun o‘tgach, radioaktiv belgining 11,6% si siydikda va 71,0% si najasda aniqlangan. M-1 va M-2 metabolitlari plazmada faqat mikro konsentratsiyalarda aniqlangan, eng ko‘p hosil bo‘ladigan M-5 metaboliti esa boshlang‘ich birikmaning 6,5% ini tashkil etgan. Turli guruhdagi bemorlarda farmakokinetikasi Bolalar. Bolalarda farmakokinetik egri chizig‘i ostidagi maydon (AUC) 0,5-4 mg/kg dozalar oraliqda doza bilan proporsional bo‘lgan. Klirens tana massasiga bog‘liq bo‘lgan. Yosh bolalarda (4 oy – 5 yil) tana massasiga moslashtirilgan o‘rtacha klirens kattalarnikiga nisbatan 1,35 marta yuqori, 6 dan 11 yoshgacha bo‘lgan bolalarda esa 1,14 marta yuqori bo‘lgan. Katta yoshli bolalarda (12–16 yosh) klirens kattalar bemorlarnikiga o‘xshash bo‘lgan. 4 oygacha bo‘lgan bolalarda tana massasiga moslashtirilgan o‘rtacha klirens katta yoshli bolalarnikiga (12–16 yosh) nisbatan taxminan 2,6 marta, kattalarnikiga nisbatan esa 2,3 marta yuqori bo‘lgan. Farmakokinetika/farmakodinamika tadqiqotlari mikafungin MKNS ga minimal AUC 170 mkg×soat/l bilan kirishini ko‘rsatdi, bu MKNS to‘qimalarida zamburug‘ infeksiyasini maksimal eradikatsiyalash uchun yetarli. Farmakokinetikaning populyatsion modellashtirilishi 4 oygacha bo‘lgan bolalarda 10 mg/kg doza Candida sababli MKNS infeksiyalarini davolashda maqsadli ekspozitsiyaga erishish uchun yetarli ekanligini ko‘rsatadi. Qariyalar. 50 mg bir martalik doza bitta infuziya davomida yuborilganda, qariyalar (66–78 yosh) uchun mikafunginning farmakokinetikasi yosh bemorlar (20–24 yosh) farmakokinetikasiga o‘xshash bo‘lgan. Qariyalar uchun doza tuzatish talab qilinmaydi. Jigar funksiyasi buzilgan bemorlar. O‘rtacha jigar funksiyasi buzilgan bemorlar (Child-Pugh bo‘yicha 7–9 ball) ishtirokida o‘tkazilgan tadqiqotda mikafunginning farmakokinetikasi sog‘lom ko‘ngillilarnikidan biroz farq qilgan. Shuning uchun yengil va o‘rtacha jigar yetishmovchiligi bo‘lgan bemorlarda doza tuzatish talab qilinmaydi. Og‘ir jigar yetishmovchiligi bo‘lgan bemorlarda mikafunginning farmakokinetikasi o‘rganilmagan. Buyrak funksiyasi buzilgan bemorlar. Og‘ir buyrak yetishmovchiligi (glomerulyar filtrlatsiya darajasi Jins/irqi. Bemorlarning jinsi va irqi mikafunginning farmakokinetik parametrlariga ta’sir qilmaydi.

Mikafungin CYP3A ishtirokida metabolizmga uchraydigan dori vositalari bilan o‘zaro ta’sir qilish potensiali past. Mikafungin bilan bir vaqtda mofetil, siklosporin, takrolimus, prednizolon, sirolimus, nifedipin, flukonazol, ritonavir, rifampitsin, itrakonazol, vorikonazol va amfoteritsin B kabi preparatlar qo‘llanilganda mikafunginning farmakokinetikasi o‘zgarishi bo‘yicha dalillar yo‘q. Tuzatish Mikafungin qo‘llanilganda itrakonazol, sirolimus va nifedipinning AUC biroz oshgan (mos ravishda 22%, 21% va 18%). Sirolimus, nifedipin yoki itrakonazolni Mikaliof Romfarm bilan birga qabul qilayotgan bemorlarda sirolimus, nifedipin yoki itrakonazolning toksik ta’sirini monitoring qilish zarur. Zarur bo‘lsa, ushbu dori vositalarining dozasini kamaytirish kerak. Mikafungin va amfoteritsin V dezoksixolat birga qo‘llanilganda amfoteritsin V dezoksixolatning ta’siri 30% ga oshadi. Bu klinik ahamiyatga ega bo‘lishi mumkinligi sababli, ushbu dori vositalarini birga qabul qilish faqat foyda xavfdan ancha ustun bo‘lsa va amfoteritsin V dezoksixolat toksikligini diqqat bilan nazorat qilish sharti bilan buyuriladi (qarang bo‘lim «Qo‘llash xususiyatlari»). Sirolimus, nifedipin yoki itrakonazolni Mikaliof Romfarm dori vositasi bilan birga qabul qilayotgan bemorlarda sirolimus, nifedipin yoki itrakonazolning toksikligi tekshiriladi yoki zarur bo‘lsa, sirolimus, nifedipin yoki itrakonazol dozasini kamaytirish tavsiya etiladi.

Hayvonlarda 3 oy yoki undan ko‘proq davom etgan davolashdan so‘ng o‘zgargan gepatotsitlar o‘choqlari (FAH) va jigar-hujayrali o‘smalar paydo bo‘lishi kuzatilgan. Hayvonlarda o‘smalar paydo bo‘lishining mumkin bo‘lgan ostonasi taxminan klinik ekspozitsiya diapazonida joylashgan. Ushbu faktning odamlarni davolashdagi ahamiyatini istisno qilib bo‘lmaydi. Mikafungin qo‘llanilganda jigar funksiyasini diqqat bilan monitoring qilish zarur. Adaptiv regeneratsiya xavfini minimallashtirish uchun va jigar o‘smalari paydo bo‘lishi mumkinligini hisobga olib, alaninaminotransferaza (ALT)/aspartataminotransferaza (AST) darajasining sezilarli yoki doimiy oshishi aniqlanganda preparatni bekor qilish tavsiya etiladi. Mikafungin bilan davolashda xavf va foyda nisbatini diqqat bilan baholash zarur, ayniqsa jigar funksiyasining og‘ir buzilishlari yoki jigar kasalliklari, masalan, yaqqol jigar fibrozisi, sirroz, virusli gepatit, chaqaloqlarda yoki tug‘ma jigar kasalliklari kabi o‘smaoldi holatlar bo‘lgan bemorlarda, shuningdek, gepatotoksik va/yoki genotoksik ta’sir ko‘rsatuvchi dori vositalari bilan bir vaqtda qo‘llanilganda. Mikafungin bilan davolash jigar funksiyasining sezilarli buzilishi (ALT, AST yoki umumiy bilirubin darajasining normal yuqori chegarasidan 3 martadan ko‘proq oshishi) bilan kechishi mumkin, bu sog‘lom ko‘ngillilar va bemorlarda kuzatilgan. Ayrim hollarda jigar funksiyasining og‘irroq buzilishi, gepatit yoki o‘lim bilan yakunlangan jigar yetishmovchiligi qayd etilgan. 1 yoshgacha bo‘lgan bolalar jigar shikastlanishiga ko‘proq moyil (qarang «Nojo‘ya reaksiyalar» bo‘limi). Mikafungin yuborilganda anafilaktoid reaksiyalar, shu jumladan shok bo‘lishi mumkin. Agar bunday reaksiyalar yuzaga kelsa, mikafungin infuziyasini to‘xtatish va tegishli davolashni tayinlash kerak. Og‘ir teri reaksiyalari, masalan, Stivens-Djonson sindromi va toksik epidermal nekroliz qayd etilgan. Bemorda teri toshmasi paydo bo‘lsa, ularning holatini kuzatish zarur, agar toshma rivojlansa, mikafungin qo‘llashni to‘xtatish kerak. Mikafungin qabul qilgan bemorlarda gemoliz, shu jumladan o‘tkir tomir ichidagi gemoliz yoki gemolitik anemiya kamdan-kam hollarda kuzatilgan. Mikafungin qabul qilganda klinik yoki laborator gemoliz belgilari rivojlangan bemorlarni diqqat bilan kuzatish va davolashni davom ettirishdan oldin xavf/foyda ko‘rsatkichini baholash zarur. Mikafungin buyrak asoratlari, buyrak yetishmovchiligi va buyrak funksiyasi laborator ko‘rsatkichlarining anomaliyalariga olib kelishi mumkin, shuning uchun buyrak funksiyasini diqqat bilan monitoring qilish zarur. Mikafungin va amfoteritsin V dezoksixolatni bir vaqtda qo‘llash faqat foyda ancha yuqori bo‘lsa va amfoteritsin V dezoksixolat toksikligini diqqat bilan nazorat qilish sharoitida mumkin (qarang «Boshqa dori vositalari bilan o‘zaro ta’siri va boshqa o‘zaro ta’sir turlari»). Sirolimus, nifedipin yoki itrakonazolni Mikaliof Romfarm bilan bir vaqtda qabul qilayotgan bemorlarda sirolimus, nifedipin yoki itrakonazol toksikligi tekshiriladi yoki zarur bo‘lsa, sirolimus, nifedipin yoki itrakonazol dozalari kamaytiriladi (qarang «O‘zaro ta’sir» bo‘limi). Ba’zi nojo‘ya reaksiyalar bolalarda kattalarga nisbatan ko‘proq uchraydi (qarang «Nojo‘ya ta’sirlar»). Yordamchi moddalarga bog‘liq ogohlantirishlar Ushbu dori vositasi 1 mmol (23 mg) dan kam natriy/dosani o‘z ichiga oladi, ya’ni natriydan deyarli xoli. Homiladorlik va emizish davrida qo‘llash Mikaliof Romfarmni homilador ayollarda qo‘llash bo‘yicha ma’lumotlar yo‘q. Hayvonlar ustida o‘tkazilgan tadqiqotlarda mikafungin platsentar to‘siqdan o‘tishi va reproduktiv toksiklik aniqlangan. Inson uchun potentsial xavf noma’lum. Mikaliof Romfarmni homiladorlik davrida zaruratsiz qo‘llash tavsiya etilmaydi. Mikafunginning ona suti bilan ajralishi noma’lum. Hayvonlar ustida o‘tkazilgan tadqiqotda mikafungin ona sutiga ajralishi aniqlangan. Emizishni davom ettirish/to‘xtatish yoki Mikaliof Romfarm bilan davolashni davom ettirish/to‘xtatish to‘g‘risida qaror ona uchun foyda va bola uchun xavfni hisobga olgan holda qabul qilinadi. Hayvonlar ustida o‘tkazilgan tadqiqotlarda testikulyar toksiklik aniqlangan. Mikafungin insonda erkaklar fertilitetiga ta’sir ko‘rsatishi mumkin. Transport vositalarini yoki boshqa mexanizmlarni boshqarish tezligiga ta’sir qilish qobiliyati Dori vositasining transport vositalarini yoki boshqa mexanizmlarni boshqarish qobiliyatiga ta’siri o‘rganilmagan, biroq nojo‘ya reaksiyalar bunday qobiliyatga ta’sir ko‘rsatishi mumkin (qarang «Nojo‘ya reaksiyalar» bo‘limi).