Har bir gramm gel tarkibida metronidazol F.S.AQSH -10 mg va yordamchi moddalar propilgidroksibenzoat, metilgidroksibenzoat, propil englikol, edetat natriy, gidrooksid natriy, karbomer 940, tozalangan suv mavjud.

Metronidazol - imidazol guruhiga mansub keng ta'sir doirasiga ega sintetik vosita. Anaeroblarga (Bacteroides spp., Fusobacterium spp., Mobilincus spp., Peptococcus spp., Peptostreptococcus spp., Clostridium, Eubacterium, Bacteroidis fragilis., Prevotella) va sodda organizmlarga (trichomonas vaginalis, Giardia intestinalis, Entamoeba histolytica, Lamblia intestinalis) nisbatan faol. Shuningdek, teri oqadisi Demodex folliculorum ga ham ta'sir qiladi. Metronidazolga aerob mikroorganizmlar sezgir emas.

 

Mahalliy qo'llanilganda tavsiya etilgan dozalarida Metrogil gelining boshqa dori vositalari bilan tizimli o'zaro ta'siri aniqlanmagan. Biroq, Metrogil gelini ba'zi dori preparatlari bilan buyurishda ehtiyot bo'lish kerak.

Varfarin va boshqa kumarin antikoagulyantlari. Metronidazol antikoagulyant ta'sirini kuchaytiradi, bu esa protrombin hosil bo'lishi vaqtining uzayishiga olib keladi.

Fenobarbital

Metronidazol bilan bir vaqtda qo'llanilganda, uning antimikrob faoliyati pasayadi. Sababi metronidazoldan tezroq metabolizm.

5-fluorouratsil

5-fluorouratsilning klirensining pasayishi 5-fluorouratsilning toksikligini oshiradi.

Disulfiram

Bir vaqtda qo'llanilishi preparatlarning toksikligini kuchaytiradi, bu esa nevrologik simptomlarning rivojlanishiga olib kelishi mumkin, shuning uchun Metrogil gelini oxirgi ikki hafta ichida disulfiram qabul qilgan bemorlarga buyurmaslik kerak.

Tsimetidin

Metronidazolning metabolizmini bostiradi, bu esa qon serumida metronidazolning konsentratsiyasining oshishiga va nojo'ya ta'sirlar rivojlanish xavfini oshirishga olib kelishi mumkin.

Depolyarizatsiyalovchi miorelaksantlar (vekuroniy). Metronidazol bilan birgalikda qo'llash tavsiya etilmaydi.

 

Dori vositasining ko'zlarga tushishidan qochish kerak. Agar gel ko'zlarga tushib ketsa, ularni katta miqdordagi suv bilan tezda yuvish kerak.

Gelni ko'zlarga yaqin joylarga surtmaslik kerak. Ta'sirlangan joyni Metrogil gelini surtishdan oldin tozalash kerak. Dori vositasini surtgandan so'ng kosmetik vositalardan foydalanish mumkin.

Oddiy akne holatida Metrogil gelini ichki antibiotiklar bilan birga qo'llash kerak.

Metrogil gelini katta teri yuzasiga surtish yoki uzoq muddat davomida qo'llashda tizimli nojo'ya ta'sirlar rivojlanish ehtimoli mavjud.

Dori vositasini uzoq muddat qo'llash qon formulasi nazoratini talab qiladi. Leykopeniya paydo bo'lganda, terapiyani davom ettirishdan kutilayotgan foyda va mumkin bo'lgan xavfni diqqat bilan solishtirish muhimdir.

Metronidazol bilan davolashda og'ir, surunkali yoki o'tkir nevrologik kasalliklari bo'lgan bemorlarda nevrologik holatning yomonlashishi xavfini yodda tutish kerak.

Doimiy yoki rivojlanayotgan nefropatiyalar bilan bemorlarga Metrogil gelini ehtiyotkorlik bilan buyurish kerak.

Ataqsiya, bosh aylanishi, gallyutsinatsiyalar va bemorning nevrologik holatining yomonlashishi paydo bo'lsa, dori vositasini qo'llashni to'xtatish kerak.

Dori vositasini qon ishlab chiqarish funksiyasi buzilgan bemorlarga ehtiyotkorlik bilan buyurish kerak.

Metronidazol tashqi qo'llash uchun qizil akne bilan bog'liq teleangiektaziyalarni davolashda samarali emas.

Dori vositasining tarkibida mavjud bo'lgan propilparagidroxibenzoat (E 216) va metilparagidroxibenzoat (E 218) allergik reaktsiyaga (kechikkan bo'lishi mumkin) sabab bo'lishi mumkin. Dori vositasining tarkibida mavjud bo'lgan propilenglikol ham teri reaktsiyalarini keltirib chiqarishi mumkin.

Metronidazol bilan davolash davomida alkogol iste'mol qilishdan qochish kerak (taxikardiya, qand, qusish, isitma, epigastriyadagi spazmatik og'riq, bosh og'rig'i paydo bo'lishi mumkin).  

Homiladorlik yoki emizish davrida qo'llash

Mahalliy qo'llashda metronidazolning qon tarkibidagi konsentratsiyasi past bo'lsa-da, Metrogil gelini homiladorlikning I trimestrida qo'llash taqiqlangan, II va III trimestrlarda esa zarur hollarda qo'llash mumkin.

Dori vositasini qo'llash davrida emizishni to'xtatish kerak.

Avtomobil yoki boshqa mexanizmlarni boshqarish tezligiga ta'sir qilish qobiliyati

Ko'rsatilgan dozada dori vositasini qo'llash transport vositalarini boshqarishga yoki potentsial xavfli mexanizmlar bilan ishlashga ta'sir qilmaydi. 

 Metrigil gelining mahalliy qo'llanilishida ortiqcha dozalanish holatlari noma'lum. Mahalliy qo'llanilishida metronidazol oz miqdorda so'riladi. Leykopeniya, neyropatiya, ataksiyaga, qusishga olib kelishi mumkin. Metronidazolning maxsus antidoti noma'lum bo'lgani sababli, simptomatik terapiya o'tkazish tavsiya etiladi.