Farmakokinetika

Vena ichiga yuborilgandan so‘ng, oksimatrinning zardobdagi konsentratsiyasi ikki kamerali farmakokinetik modelga mos keladi. Preparat asosan o‘t pufagi, buyraklar, jigar va ichakda taqsimlanadi, so‘ngra suyak iligi va taloqda, preparat uzoq vaqt davomida qonda saqlanadi. Jigar va ingichka ichakda metabolizatsiyalanadi va siydik hamda najas bilan chiqariladi.

Oksimatrin gepatoprotektor ta’sirga ega bo‘lib, virus replikatsiyasini (ko‘payishini) ingibitsiya qiladi, jigar hujayralarining yemirilishini kamaytiradi va fibrozdan himoya qiladi, shuningdek, o‘t chiqishini yaxshilaydi. Oksimatrin yurak qisqarishlarini tartibga soladi, ko‘plab sabablar bilan chaqirilgan aritmiyaga qarshi ta’sir ko‘rsatadi, koronar arteriyalarni kengaytiradi, qon oqimini oshiradi va yurak hujayralariga kislorod yetkazib berilishini yaxshilaydi, miokardit chaqiruvchi Koksaki virusiga qarshi ta’sir ko‘rsatadi. Oksimatrin sitoplazmadagi erkin Ca2+ darajasini oshiradi, shuningdek, cAMF (tsiklik adenozinmonofosfat) ni kamaytiradi, shu tarzda oksimatrin immun tizimiga hujayra membranasi bilan o‘zaro ta’sir va Ca2+ hamda cAMF darajasini o‘zgartirish orqali ta’sir ko‘rsatadi. Oksimatrin to‘g‘ridan-to‘g‘ri o‘sma hujayralarining o‘sishini ingibitsiya qiladi. Oksimatrin allergik teri kasalliklari va infeksiyalarni davolashda qo‘llaniladi, doimiy ko‘payadigan va xos taroqlanish hosil qiluvchi keratinotsit hujayralarini bostiradi, psoriaz o‘choqlarini kamaytiradi. Oksimatrin IgE antitelosining shakllanishiga ta’sir qilmaydi, biroq to‘g‘ridan-to‘g‘ri taloq hujayralariga ta’sir ko‘rsatadi. Allergiya sababli yuzaga keladigan to‘qima hujayralarining degranulyatsiyasini sezilarli darajada ingibitsiya qiladi, shu bilan gistamin ajralishini to‘xtatadi, to‘qima hujayralarining suyuqligini kamaytiradi. 

 1. Preparat og‘ir buyrak yetishmovchiligi bo‘lgan bemorlarga qo‘llash tavsiya etilmaydi.
2. Liverin inyektsiya uchun eritmasini jigar yetishmovchiligi bo‘lgan bemorlarga ehtiyotkorlik bilan qo‘llash kerak. Homiladorlik va laktatsiya davri Liverin inyektsiya uchun eritmasini homiladorlik davrida qo‘llash tavsiya etilmaydi. Laktatsiya davrida Liverin inyektsiya uchun eritmasini ehtiyotkorlik bilan qo‘llash kerak. Bolalar Bolalarda qat’iy nazorat ostida tadqiqotlar o‘tkazilmagan. Keksalar Dozani mos ravishda tuzatish zarur. Dori vositasining transport vositalarini va potensial xavfli mexanizmlarni boshqarish qobiliyatiga ta’siri aniqlanmagan 

 Oksimatrin inyektsiya uchun eritmasini siklofosfamid bilan bir vaqtda qo‘llashda Erlih o‘smaga nisbatan sinergik davolovchi ta’sir ko‘rsatadi va leykopeyani bartaraf etadi. Liverin, IFN alfa-2b va ribavirin birga qo‘llanganda preparatlarning ta’siri o‘zaro kuchayadi va nojo‘ya ta’sirlar tez-tezligi kamayadi (antivirus ta’siri kuchayadi, nekroz kamayadi va gepatotsitlarning tiklanishi rag‘batlantiriladi, yallig‘lanish kamayadi, immunitet tartibga solinadi). 

 Liverin in'ektsiya uchun eritmasining yuqori dozalari qabul qilinganda maxsus jismoniy belgilar va klinik simptomlar yuzaga kelmaydi. Liverin in'ektsiya uchun eritmasining yuqori dozalari bilan davolanayotgan bemorlar diqqat bilan kuzatuv ostida bo'lishlari kerak.