- vitaminlar va mineral moddalar yetishmovchiligini oldini olish va to‘ldirish; - yuqori jismoniy va aqliy zo‘riqishlar; - uzoq davom etgan va/yoki og‘ir kechgan kasalliklardan, shu jumladan infeksion kasalliklardan so‘ng sog‘ayish davri; - antibiotikoterapiya buyurilganda kompleks davolashda.

Preparat komponentlariga yuqori sezuvchanlik. 12 yoshgacha bo‘lgan bolalar.

Ichga, ovqatdan keyin qabul qilinadi. Vitamin-mineral yetishmovchiligini oldini olish uchun – kuniga 1 marta 1 tabletka. Vitamin va mineralga ehtiyoj oshgan holatlarda – kuniga 2 marta 1 tabletka. Davolash kursi 4 hafta. Takroriy kurslar shifokor tavsiyasiga ko‘ra.

Kombinatsiyalangan preparat, metabolik jarayonlarning muhim omillari bo‘lgan vitaminlar va minerallar kompleksini o‘z ichiga oladi. Vitamin-mineral kompleksi ovqatlanish ratsioniga qo‘shimcha tarzda vitaminlar va mineral moddalarga fiziologik ehtiyojni qoplash uchun ishlab chiqilgan, vitaminlar va minerallarga sutkalik ehtiyoj hisobga olingan holda muvozanatlangan. 1 tabletka tarkibidagi komponentlarning o‘zaro mosligi vitamin preparatlari uchun maxsus ishlab chiqarish texnologiyasi yordamida ta’minlangan. Vitamin A (retinola atsetat) teri, shilliq qavatlar va ko‘rish organining normal funksiyasini ta’minlaydi. Vitamin B1 (tiamin gidroxlorid) koenzim sifatida uglevod almashinuvida, asab tizimi faoliyatida ishtirok etadi. Vitamin B2 (riboflavin) hujayra nafas olishi va ko‘rish qobiliyati jarayonlarining eng muhim katalizatoridir. Vitamin B6 (piridoksin gidroxlorid) koenzim sifatida oqsil almashinuvi va neyromediatorlar sintezida ishtirok etadi. Vitamin B12 (tsianokobalamin) nukleotidlar sintezida ishtirok etadi, normal o‘sish, gemopoez va epitelial hujayralar rivojlanishining muhim omilidir; foliy kislotasi almashinuvi va miyelin sintezi uchun zarur. Nikotinamid to‘qima nafas olishi, yog‘ va uglevod almashinuvi jarayonlarida ishtirok etadi. Vitamin C (askorbin kislotasi) kollagen sintezini ta’minlaydi; xaftaga, suyak, tishlarning tuzilishi va funksiyasini shakllantirish va saqlashda ishtirok etadi; gemoglobin hosil bo‘lishiga, eritrotsitlarning yetilishi jarayoniga ta’sir ko‘rsatadi. Rutin (rutozid) oksidlanish-qaytarilish jarayonlarida ishtirok etadi, antioksidant xususiyatlarga ega, askorbin kislotasining to‘qimalarda oksidlanishini oldini oladi va uning depolanishini rag‘batlantiradi. Kalsiy pantotenat koenzim A tarkibiy qismi sifatida atsetillanish va oksidlanish jarayonlarida muhim rol o‘ynaydi; epiteliy va endoteliy tuzilishi va regeneratsiyasiga yordam beradi. Foliy kislotasi aminokislotalar, nukleotidlar, nuklein kislotalar sintezida ishtirok etadi; normal eritropoez uchun zarur. Lipoik kislota lipid va uglevod almashinuvi tartibga solinishida ishtirok etadi, lipotrop ta’sir ko‘rsatadi, xolesterin almashinuvida ta’sir qiladi, jigar funksiyasini yaxshilaydi. Vitamin E (α-tokoferol atsetat) antioksidant xususiyatlarga ega, eritrotsitlar barqarorligini saqlaydi, gemolizning oldini oladi; jinsiy bezlar, asab va mushak to‘qimalari funksiyasiga ijobiy ta’sir ko‘rsatadi. Temir eritropoezda ishtirok etadi, gemoglobin tarkibida to‘qimalarga kislorod tashilishini ta’minlaydi. Mis anemiya va organlar hamda to‘qimalarning kislorod yetishmovchiligini oldini oladi, osteoporoz profilaktikasiga yordam beradi. Tomirlar devorini mustahkamlaydi. Kalsiy suyak to‘qimasining shakllanishi, qon ivishi, asab impulslarini o‘tkazish, skelet va silliq mushaklarning qisqarishi, miokardning normal faoliyati uchun zarur. Kobalt metabolik jarayonlarni tartibga soladi, organizmning himoya kuchlarini oshiradi. Marganes yallig‘lanishga qarshi xususiyatlarga ega. Sink immunomodulyator xususiyatlarga ega, vitamin A o‘zlashtirilishiga, sochlarning regeneratsiyasi va o‘sishiga yordam beradi. Magniy arterial bosimni normallashtirishga yordam beradi, kalsiy bilan birga kalsitonin va paratireoid gormon ishlab chiqarilishini rag‘batlantiradi, buyrakda tosh hosil bo‘lishining oldini oladi. Fosfor suyak to‘qimasi va tishlarni mustahkamlaydi, mineralizatsiyani kuchaytiradi, hujayra energiyasi manbai bo‘lgan ATF tarkibiga kiradi.

Temir va kalsiy ichakda tetratsiklinlar guruhi va ftorxinolonlar hosilalaridan bo‘lgan antibiotiklarning so‘rilishini sekinlashtiradi. S vitamini va qisqa ta’sirli sulfanilamid preparatlari bir vaqtda qo‘llanilganda kristalluriya rivojlanish xavfi oshadi. Alyuminiy, magniy, kalsiy saqlovchi antasid preparatlar, shuningdek, kolestiramin temirning so‘rilishini kamaytiradi. Askorbin kislotasi penitsillinlar guruhi preparatlari va temirning so‘rilishini oshiradi. Tiazidlar guruhiga mansub diuretiklar bir vaqtda buyurilganda giperkalsemiya ehtimoli oshadi. Vitamin V6 parkinsonizm bilan kasallangan bemorlarda levodopa faolligini pasaytiradi.

Siydikning yorqin-sariq rangga bo‘yalishi mumkin, bu mutlaqo zararsiz va preparatda riboflavin mavjudligi bilan izohlanadi. Komplivit® preparatini boshqa vitamin va mineral saqlovchi preparatlar bilan bir vaqtda qo‘llash tavsiya etilmaydi. Qandli diabet bilan kasallangan bemorlar Komplivit® preparatida shakar miqdori 67,62 mg (1 tabletka) ekanligini hisobga olishlari zarur. Preparatni yaroqlilik muddati tugaganidan so‘ng qo‘llash mumkin emas va bolalar uchun yaroqsiz joyda saqlanishi lozim.
 

Homiladorlik va laktatsiya davrida qo‘llanilishi

Shifokor buyurtmasi bo‘yicha.

Avtotransport va murakkab mexanizmlarni boshqarish qobiliyatiga ta’siri

Ta’sir qilmaydi. 

Dozani oshirib yuborish holatida shifokorga murojaat qilish zarur. Davolash – preparatni vaqtincha to‘xtatish, oshqozonni yuvish, faol ko‘mir qabul qilish, simptomatik davolash.

25ºS dan yuqori bo‘lmagan haroratda.

2 yil.