-        Candida zamburug'i tomonidan chaqirilgan vaginitlarni davolash uchun;

-        Trichomonas tomonidan chaqirilgan vaginal trixomoniazda;

-        Klotrimazolga sezgir bakteriyalar tomonidan chaqirilgan superinfeksiyalarda.

Trichomonas vaginalis tomonidan chaqirilgan infektsiyalarni davolash uchun, mahalliy davolash bilan birga og'iz orqali qabul qilinadigan trixomonatsid preparatlarni qo'llash kerak

Klotrimazolga yoki har qanday yordamchi moddalarga yuqori sezuvchanlik.

Intravaginal. Supozitoriyalar imkon qadar chuqurroq, orqada yotgan holda, oyoqlarini ajratib va biroz bukilgan holda qin ichiga kiritiladi.

Kattalar va 16 yoshdan boshlab bolalar uchun

Kuniga bir dona supozitoriy 6 kun davomida, kechqurun, uxlashdan oldin yoki kuniga ikki marta bir dona supozitoriy 3 kun davomida.

Zaruriyat tug‘ilganda davolash kursi takrorlanishi mumkin.

Qinda va vulvada bir vaqtda infeksiya mavjud bo‘lsa, klotrimazol kremi ko‘rinishidagi mahalliy tashqi qo‘llash bilan birga qo‘llash tavsiya etiladi.

Klotrimazol vaginal supozitoriylarini hayz ko‘rish vaqtida qo‘llash tavsiya etilmaydi, chunki ular qindan qon oqimi bilan chiqarilishi mumkin. Davolash hayz boshlanishidan oldin tugatilishi kerak.

Klotrimazol preparati bilan davolash vaqtida tamponlar, sprinsevaniya, spermitsidlar yoki boshqa intravaginal qo‘llaniladigan preparatlarni ishlatmaslik kerak.

Preparatni qo‘llash vaqtida jinsiy aloqadan saqlanish tavsiya etiladi, chunki infeksiya sherikka yuqishi mumkin.

Bolalar

Klotrimazol vaginal supozitoriylari 16 yoshgacha bo‘lgan bolalarda tavsiya etilmaydi.

Sanab o'tilgan nojo'ya ta'sirlar spontanniy xabarlar asosida aniqlangan, ularning aniq uchrash chastotasini aniqlash imkoni yo'q.

Immun tizimi tomonidan buzilishlar: allergik reaksiyalar (hushdan ketish, arterial gipotenziya, nafas qisishi, toshma, qichishish).

Reproduktiv tizim va sut bezlari tomonidan buzilishlar: jinsiy a'zolar sohasida terining qobiq bo'lishi, qichishish, toshma, shish, noqulaylik, tirnash xususiyati, kuydiruvchi his, tos sohasida og'riq, vaginal qon ketishi.

Ovqat hazm qilish tizimi tomonidan buzilishlar: qorin sohasida og'riq.

6 ta supozitoriydan PVX/PE plyonkadan tayyorlangan konturli yacheykali o‘ramda. 1 ta konturli yacheykali o‘ram va qo‘llash bo‘yicha yo‘riqnoma karton qutida.

Klotrimazol lateks buyumlarining (masalan, prezervativlar, vaginal diafragmalar) butunligini buzishi mumkin.

Vaginal spermitsidlarning samaradorligi ham kamayishi mumkin. Davolash davomida va davolash kursi tugaganidan kamida 5 kun o'tgach, muqobil kontratseptsiya usullari tavsiya etiladi.

Klotrimazol vaginal supozitoriylarini takrolimus yoki sirolimus (FK-506, immunodepressantlar) bilan bir vaqtda qo'llash ularning plazmadagi konsentratsiyasining oshishiga olib kelishi mumkin. Shuning uchun, bemor holatini takrolimus yoki sirolimus dozasi oshib ketish belgilarini aniqlash uchun diqqat bilan nazorat qilish, zarur bo'lsa, ularning qon plazmasidagi konsentratsiyasini aniqlash kerak.

Quruq, yorug‘likdan himoyalangan joyda, 25 °S dan yuqori bo‘lmagan haroratda saqlansin.

Muzlatmang.

Bolalar ololmaydigan joyda saqlansin!

Preparatning past so‘rilishi sababli intravaginal qo‘llashda dozani oshirib yuborish ehtimoli kam.

Tasodifan og‘iz orqali qabul qilinganda, dozani oshirib yuborishning yaqqol simptomlari (masalan, bosh aylanishi, ko‘ngil aynishi yoki qusish) bo‘lsa, me'dani yuvish talab qilinishi mumkin. Uni bajarishda nafas yo‘llarini yetarli darajada himoya qilish kerak.

Farmakodinamika. Imidazol hosilalarining antimikotik ta'sir mexanizmi ergosterol sintezini bostirish bilan bog'liq bo'lib, bu sitoplazmatik membrananing tuzilish va funksional shikastlanishiga olib keladi. Klotrimazol keng doiradagi antimikotik faollikka ega. Klotrimazolning ta'sir mexanizmi infeksiya joyida klotrimazol konsentratsiyasiga bog'liq holda birlamchi fungistatik yoki fungitsid faollik bilan bog'liq. Antimikotik faollikdan tashqari, klotrimazol Trichomonas vaginalis, gram-musbat mikroorganizmlar (streptokokklar, stafilokokklar) va gram-manfiy mikroorganizmlar (Bacteroids, Gardnerella vaginalis) ga ham ta'sir qiladi. Klotrimazol Corynebacteria va gram-musbat kokklarning (Enterococci dan tashqari) ko'payishini bostiradi. Farmakokinetika. Ma'lumki, klotrimazolning faqat oz miqdori (3-10%) so'riladi. So'rilgan klotrimazol jigarda tezda nofaol metabolitlarga metabolizatsiyalanadi. Shuning uchun, 500 mg dozada vaginal qo'llashdan so'ng klotrimazolning plazmadagi maksimal konsentratsiyasi 10 ng/ml dan kam bo'ladi. Bu, klotrimazolni vaginal qo'llashdan so'ng o'lchab bo'ladigan tizimli ta'sirlar yoki nojo'ya ta'sirlarning yuzaga kelishi ehtimoli pastligini anglatadi.