1 ml eritma tarkibida faol modda - kaltsiy glyukonat 0,1 g, yordamchi moddalardan kaltsiy saxarat, in'ektsiya uchun suv mavjud.

•parashitovid bezlarining yetarli faoliyati yetishmovchiligi •kalsiyning organizmdan kuchaytirilgan chiqarilishi •turli genezli patologik jarayonlarda tomirlarning o'tkazuvchanligini kamaytirish uchun •parenkimatyoz gepatit •jigar toksik shikastlanishi •nefrit •eklampsiya •giperkaliemiya •giperkaliemik shakldagi paroksizmal mioplegiya •terining kasalliklari •qon to'xtatuvchi vosita sifatida •magniy tuzlari, shavel kislotasi yoki uning eruvchan tuzlari, ftor kislotasining eruvchan tuzlari bilan zaharlanishda antidot sifatida.

•trombozlarga moyillik •giperkalsemiya •ifodalangan ateroskleroz •qonning yuqori ivuvchanligi.

Vena ichiga va mushak ichiga kattalarga 5 – 10 ml 10% eritma bir marta yuboriladi, kasallikning xususiyati va bemorning holatiga qarab – har kuni, kun ora yoki har 2 kunda. Preparat yuborishdan oldin tana haroratigacha isitiladi. Kattalar va bolalarga preparat sekin, 2 – 3 daqiqa davomida yuboriladi. Bolalarga mushak ichiga preparat yuborish tavsiya etilmaydi, chunki nekroz rivojlanishi mumkin. Vena ichiga, yoshga qarab, bolalarga 1 dan 5 ml gacha 10% kalsiy glyukonat eritmasi yuboriladi (eritma ampulasi yuborishdan oldin tana haroratigacha isitiladi). Kattalar va bolalarga eritma sekin, 2-3 daqiqa davomida yuboriladi.

•ko'ngil aynishi •qusish •diareya •bradikardiya •og'iz bo'shlig'ida issiqlik hissi, so'ngra butun tana bo'ylab, ular tezda mustaqil ravishda o'tib ketadi.

Parenteral yuborilgandan so‘ng preparat qon oqimi bilan barcha to‘qima va organlarga bir tekisda taqsimlanadi. Qon plazmasida kaltsiy ionlangan shaklda bo‘ladi. Plasentar to‘siqdan o‘tadi, ona sutiga o‘tadi. Organizmda asosan buyraklar orqali chiqariladi. Kaltsiy ionlari nerv impulslarini o‘tkazishda, silliq va skelet mushaklarining qisqarishida, miokard faoliyatida, qonni ivitishda ishtirok etadi; ular suyak to‘qimasining shakllanishi, boshqa tizim va organlarning faoliyati uchun zarur. Qonda kaltsiy ionlari konsentratsiyasi ko‘plab patologik jarayonlarda kamayadi, yaqqol gipokaltsiyemiya tetaniya paydo bo‘lishiga olib keladi. Kaltsiy glyukonat, gipokaltsiyemiyani bartaraf etishdan tashqari, tomirlar o‘tkazuvchanligini kamaytiradi, antiallergik, yallig‘lanishga qarshi, qon to‘xtatuvchi ta'sir ko‘rsatadi.

Kalsiy glyukonat eritmasi bilan shprits to'ldirishdan oldin, unda etil spirti qoldiqlari bo'lmasligi kerak (glyukonat cho'kmasi paydo bo'lishi mumkin). Boshqa kalsiy preparatlari bilan birga buyurish tavsiya etilmaydi. Kalsiy glyukonatning vena ichiga yuborilishi verapamil qabul qilishdan oldin va keyin uning gipotenziya ta'sirini kamaytiradi, lekin uning antiaritmik ta'siriga ta'sir qilmaydi. Xinin bilan bir vaqtda qo'llanganda, qorinchalar ichidagi o'tkazuvchanlik sekinlashishi va xinin toksikligi oshishi mumkin. Yurak glikozidlari bilan davolash vaqtida kalsiy glyukonatning parenteral qo'llanilishi yurakka toksik ta'sirini kuchaytirishi sababli tavsiya etilmaydi. Kalsiy glyukonat va tetratsiklinlarni bir vaqtda peroral qo'llashda, ularning so'rilishi kamayishi sababli, tetratsiklinlarning ta'siri kamayishi mumkin.

Pediatrik amaliyotda qo‘llanilishi Bolalarni davolash uchun preparat faqat tomir ichiga yuboriladi. Preparatni mushak ichiga yuborish tavsiya etilmaydi, chunki nekroz rivojlanishi mumkin. Homiladorlik va laktatsiya davri Homiladorlik va emizish davrida preparatni qo‘llash tavsiya etilmaydi. Avtotransport vositasini boshqarishga ta’siri Hozirgi vaqtgacha preparatning avtotransport vositalarini boshqarish qobiliyatiga nojo‘ya ta’siri haqida xabar berilmagan.

Simptomlar Dozani oshirib yuborishda giperkalsemiya rivojlanishi mumkin. Davolash Bunda antidot sifatida kaltsitonin ishlatiladi, u tomir ichiga 5 – 10 ME 1 kg tana vazniga sutkada (preparat 500 ml natriy xlorid izotonik eritmasida suyultiriladi, tomchilab 6 soat davomida 2 – 4 marta yuboriladi).