Shpritsga kaltsiy glyukonat eritmasini to‘ldirishdan oldin, eritmada etil spirti qoldiqlari bo‘lmasligi kerak (glyukonat cho‘kmasi paydo bo‘lishi mumkin). Boshqa kaltsiy preparatlari bilan birga buyurish tavsiya etilmaydi. Verapamil qabul qilishdan oldin va keyin kaltsiy glyukonatning vena ichiga yuborilishi uning gipotenziya ta’sirini kamaytiradi, biroq uning antiaritmik ta’siriga ta’sir qilmaydi. Xinin bilan bir vaqtda qo‘llanganda, qorinchalar ichidagi o‘tkazuvchanlik sekinlashishi va xinin toksikligi oshishi mumkin. Yurak glikozidlari bilan davolash vaqtida kaltsiy glyukonatning parenteral qo‘llanilishi yurak toksik ta’sirining kuchayishi sababli tavsiya etilmaydi. Kaltsiy glyukonat va tetratsiklinlarni bir vaqtda peroral qo‘llashda, ularning so‘rilishi kamayishi sababli, oxirgilarning ta’siri kamayishi mumkin.

Simptomlar Dozani oshirib yuborishda giperkalsemiya rivojlanishi mumkin. Davolash Bunday holatda antidot sifatida kaltsitonin qo‘llaniladi, u vena ichiga 5 – 10 ME 1 kg tana vazniga sutkada yuboriladi (preparat 500 ml izotonik natriy xlorid eritmasida suyultiriladi, tomchilab 6 soat davomida 2 – 4 marta yuboriladi).