Faol komponentlar kaltsiy karbonat - 1250 mg (elementar kaltsiyni ekvivalent – 500 mg), kolekaltsiferol (vitamin D3) – 10,0 mkg (400 ME) kolekaltsiferol kontsentrati* 4,0 mg ko‘rinishida. Yordamchi komponentlar: sorbitol – 390 mg, limon aromatizatori granulati** – 50,7 mg, povidon – 36,4 mg, magniy stearat – 6,00 mg, aspartam – 1,00 mg. *kolekaltsiferol kontsentrati tarkibida, jumladan 10% ortiqcha kolekaltsiferol – 0,011 mg, alfa-tokoferol – 0,044 mg, modifikatsiyalangan makkajo‘xori kraxmali – 3,214 mg, saxaroza – 0,77 mg, natriy askorbat – 0,176 mg, o‘rta zanjirli triglitseridlar – 0,134 mg, kremniy dioksid – 0,053 mg mavjud. **limon aromatizatori granulati tarkibida izomalt – 49,9 mg, limon aromatizatori – 0,76 mg, yog‘ kislotalarining mono- va diglitseridlari – 0,0006 mg mavjud.

• Kaltsiy va/yoki vitamin D3 yetishmovchiligini oldini olish va davolash. • Osteoporoz va uning asoratlari (suyak sinishlari)ni oldini olish va kompleks davolash.

• Giperkalsemiya (qonda kalsiy miqdorining oshishi). • Giperkalsiuriya (siydikda kalsiy miqdorining oshishi). • Nefrolitiaz. • Gipervitaminoz D. • Preparat tarkibiy qismlariga yuqori sezuvchanlik. • Soya yoki yer yong‘og‘iga yuqori sezuvchanlik. • Og‘ir buyrak yetishmovchiligi. • Faol tuberkulyoz. • Sarkoidoz. Preparatning tabletkali dori shakli 3 yoshgacha bo‘lgan bolalarda qo‘llanilmaydi. Kalsiy-D3 Nikomed Forte aspartamni o‘z ichiga oladi, u organizmda fenilalaninga aylanadi. Shuning uchun preparatni fenilketonuriyali bemorlar qabul qilmasligi kerak. Preparat sorbitol, izomalt va saxarozani o‘z ichiga oladi, shuning uchun uni irsiy fruktoza intoleransi, glyukoza-galaktoza malabsorbsiyasi yoki saxaraza-izomaltaza yetishmovchiligi bo‘lgan bemorlarga qo‘llash tavsiya etilmaydi. Ehtiyotkorlik bilan: homiladorlik, laktatsiya davri, buyrak yetishmovchiligi.

Kalsiy-D3 Nikomed Forte og'iz orqali qabul qilinadi. Tabletkalarni chaynash yoki so‘rib qabul qilish va ovqat paytida qabul qilish mumkin. Kattalarga osteoporozning oldini olish uchun - kuniga 2 marta 1 tadan yoki kuniga 1 marta 2 tadan; osteoporozning kompleks davolashida – kuniga 2-3 marta 1 tadan. Kalsiy va D vitamini yetishmovchiligini to‘ldirish uchun • Kattalar va 12 yoshdan katta bolalar – kuniga 2 tadan. • 3 yoshdan 12 yoshgacha bo‘lgan bolalar – kuniga 1 tadan yoki shifokor ko‘rsatmasi bo‘yicha.

Dori vositasining nojo‘ya ta’sirlarining tez-tezligi quyidagicha baholanadi: Juda tez-tez > 1/10 Tez-tez > 1/100, < 1/10 Kamdan-kam > 1/1000, < 1/100 Noyob > 1/10 000, < 1/1000 Juda noyob < 1/10 000 Modda almashinuvi va ovqatlanish tomonidan buzilishlar kamdan-kam: giperkalsemiya va giperkalsiuriya. Ovqat hazm qilish tizimi tomonidan buzilishlar: noyob - qabziyat, meteorizm, ko‘ngil aynishi, qorin og‘rig‘i, diareya, dispepsiya. Terining va teri osti yog‘ qavati tomonidan buzilishlar: juda noyob - qichishish, toshma, eshakemi.

So‘rilish Odatda oshqozon-ichak traktida so‘riladigan kaltsiy miqdori qabul qilingan dozaning taxminan 30% ni tashkil etadi. Taqqoslanishi va metabolizmi Organizmda kaltsiyning 99% qattiq suyak va tishlar tuzilmasida to‘plangan. Qolgan 1% ichki va tashqi hujayra suyuqliklarida joylashgan. Qon tarkibidagi umumiy kaltsiyning taxminan 50% fiziologik faol ionlashgan shaklda, shundan taxminan 10% sitrat, fosfat yoki boshqa anionlar bilan kompleksda, qolgan 40% esa asosan albumin bilan bog‘langan holda mavjud. Chiqarilishi Kaltsiy ichak, buyrak va ter bezlari orqali chiqariladi. Buyrak orqali chiqarilishi glomerulyar filtrlatsiya va kaltsiyning kanalchalarda qayta so‘rilishiga bog‘liq. Vitamin D3 So‘rilish Vitamin D3 ingichka ichakda oson so‘riladi (qabul qilingan dozaning taxminan 80%). Taqqoslanishi va metabolizmi Kolekaltsiferol va uning metabolitlari qonda maxsus globulin bilan bog‘langan holda aylanadi. Kolekaltsiferol jigar orqali gidroksillanish yo‘li bilan 25-gidroksikolekaltsiferolga aylanadi. Keyin buyrakda faol shakli 1,25-gidroksikolekaltsiferolga aylanadi. 1,25-gidroksikolekaltsiferol kaltsiy so‘rilishini oshirish uchun javobgar bo‘lgan metabolit hisoblanadi. Metabolizmga uchramagan vitamin D3 yog‘ va mushak to‘qimalarida to‘planadi. Chiqarilishi Vitamin D3 ichak va buyrak orqali chiqariladi. Kombinatsiyalangan preparat, organizmda (suyaklar, tishlar, tirnoqlar, sochlar, mushaklar) kaltsiy va fosfor almashinuvini tartibga soladi. Suyak to‘qimasining rezorbsiyasini (so‘rilishini) kamaytiradi va zichligini oshiradi, organizmda kaltsiy va vitamin D3 yetishmasligini to‘ldiradi, tishlarning mineralizatsiyasi uchun zarur. Kaltsiy nerv impulslarini o‘tkazish, mushak qisqarishi, gormonlar ishlab chiqarilishi va qon ivish tizimining komponenti sifatida ishtirok etadi. Kaltsiyning yetarli miqdorda qabul qilinishi ayniqsa o‘sish davrida, homiladorlik va laktatsiya davrida muhimdir. Vitamin D3 ichakda kaltsiyning so‘rilishini oshiradi. Kaltsiy va vitamin D3 qabul qilinishi paratireoid gormoni (PTG) ishlab chiqarilishini oshishiga to‘sqinlik qiladi, bu esa suyak rezorbsiyasining (suyakdan kaltsiyning yuvilib chiqishi) kuchayishiga olib keluvchi stimulyator hisoblanadi.

• Uzoq muddatli davolashda, qonda kalsiy va kreatinin miqdorini nazorat qilish kerak. Kuzatuv ayniqsa, keksa yoshdagi bemorlarda yurak glikozidlari va diuretiklar bilan bir vaqtda davolashda muhimdir