Kalsiy va/yoki D3 vitamini yetishmovchiligini oldini olish va davolash; Osteoporoz va uning asoratlari (suyak sinishlari)ni oldini olish va kompleks davolash.

Giperkaltsiyemiya; Giperkaltsiuriya; Nefrolitiaz; Gipervitaminoz D; Og'ir darajadagi buyrak yetishmovchiligi; Faol shakldagi sil kasalligi; Sarkoidoz; Preparat tarkibiy qismlariga, soya yoki yer yong'og'iga yuqori sezuvchanlik. Preparatning tabletkali shakli 3 yoshgacha bo'lgan bolalarda qo'llanilmaydi. Preparat aspartam saqlaydi, u organizmda fenilalaninga aylanadi, shuning uchun preparatni fenilketonuriyada qabul qilish mumkin emas. Preparat sorbitol, izomalt va saxaroza saqlaydi, shuning uchun uni irsiy fruktoza intoleransi, glyukoza-galaktoza malabsorbsiya yoki saxaraza-izomaltaza yetishmovchiligi bo'lgan bemorlarga qo'llash tavsiya etilmaydi. Ehtiyotkorlik bilan: homiladorlik, laktatsiya davri, buyrak yetishmovchiligi.

Tabletkalarni chaynash yoki so‘rib qabul qilish va ovqat vaqtida qabul qilish mumkin. Kalsiy-D3 Nikomed Kattalarda osteoporoz profilaktikasi uchun – 1 tabletkadan kuniga 2 marta; osteoporozni kompleks davolashda – 1 tabletkadan kuniga 2-3 marta. Kalsiy va D vitamini yetishmovchiligini to‘ldirish uchun kattalar va 12 yoshdan katta bolalarga – 1 tabletkadan kuniga 2 marta, 5 yoshdan 12 yoshgacha bo‘lgan bolalarga – kuniga 1-2 tabletkadan, 3 yoshdan 5 yoshgacha bo‘lgan bolalarga – shifokor tavsiyasiga muvofiq dozalash.

Preparatning nojo‘ya ta’sirlarining tez-tezligi quyidagicha baholanadi: juda tez-tez (>1/10); tez-tez (>1/100, < 1/10); kamdan-kam (>1/1000, < 1/100); noyob (>1/10 000, < 1/1000); juda noyob (< 1/10 000). Modda almashinuvi va ovqatlanish tomonidan: kamdan-kam - giper-kaltsiyemiya, giper-kaltsiyuriya. Ovqat hazm qilish tizimi tomonidan: noyob - qabziyat, meteorizm, ko‘ngil aynishi, qorin og‘rig‘i, diareya, dispepsiya. Teri va teri osti yog‘ qavati tomonidan: juda noyob - qichishish, toshma, eshakemi.

Kombinatsiyalangan preparat, organizmdagi kalsiy va fosfor almashinuvini (suyaklar, tishlar, tirnoqlar, sochlar, mushaklarda) tartibga soladi. Rezorbsiya (so‘rilish)ni kamaytiradi va suyak to‘qimasining zichligini oshiradi, organizmdagi kalsiy va D3 vitamini yetishmovchiligini to‘ldiradi, tishlarning mineralizatsiyasi uchun zarur. Kalsiy nerv o‘tkazuvchanligi, mushak qisqarishlari regulyatsiyasida ishtirok etadi va qon ivish tizimining komponenti hisoblanadi. Kalsiyni yetarli miqdorda qabul qilish ayniqsa o‘sish davrida, homiladorlik va laktatsiya davrida muhimdir. D3 vitamini ichakda kalsiyning so‘rilishini oshiradi. Kalsiy va D3 vitaminini qo‘llash paratireoid gormoni ishlab chiqarilishini oshishiga to‘sqinlik qiladi, bu esa suyak rezorbsiyasining (suyaklardan kalsiyning yuvilib chiqishi) kuchayishiga sabab bo‘luvchi stimulyator hisoblanadi.

Uzoq muddatli davolashda, qonda kalsiy va kreatinin miqdorini nazorat qilish kerak. Kuzatuv ayniqsa yurak glikozidlari va diuretiklar bilan bir vaqtda davolanayotgan keksa yoshdagi bemorlarda va buyrakda tosh hosil bo‘lishiga moyilligi yuqori bo‘lgan bemorlarda muhimdir. Giperkalsemiya yoki buyrak funksiyasi buzilishi belgilarida doza kamaytirilishi yoki davolash to‘xtatilishi kerak. D vitamini buyrak yetishmovchiligi bo‘lgan bemorlarga ehtiyotkorlik bilan buyurilishi kerak. Bunday hollarda qonda kalsiy va fosfatlar miqdorini nazorat qilish zarur. Shuningdek, yumshoq to‘qimalarda kalsinoz rivojlanish xavfini hisobga olish kerak. Dozani oshirib yuborishni oldini olish uchun, D vitaminining boshqa manbalardan qo‘shimcha qabul qilinishini hisobga olish zarur. Kalsiy va D3 vitamini osteoporozli immobilizatsiyalangan bemorlarga giperkalsemiya rivojlanish xavfi tufayli ehtiyotkorlik bilan qo‘llanilishi kerak. Tetratsiklin yoki xinolon guruhidagi antibiotiklar bilan bir vaqtda qo‘llash odatda tavsiya etilmaydi yoki ehtiyotkorlik bilan amalga oshirilishi kerak. Avtotransport boshqarish va mexanizmlarni boshqarish qobiliyatiga ta’siri Preparat avtotransport boshqarish yoki texnik jihatdan murakkab mexanizmlar bilan ishlash qobiliyatiga ta’sir qilmaydi.