Kagocel® kattalarda gripp va boshqa o'tkir respirator virusli infeksiyalar (ORVI)da profilaktik va davolash vositasi sifatida, shuningdek, gerpesda davolash vositasi sifatida qo'llaniladi.

Kagocel® 6 yoshdan boshlab bolalarda gripp va boshqa ORVI da profilaktik vosita sifatida qo'llaniladi.

Kagocel® 3 yoshdan boshlab bolalarda gripp va boshqa ORVI da davolash vositasi sifatida qo'llaniladi. 

 Tasodifiy dozani oshirib yuborishda ko'p suyuqlik ichish, qusishni chaqirish tavsiya etiladi. 

 Kagocel®ning asosiy ta'sir mexanizmi interferonlar ishlab chiqarilishini induktsiyalash qobiliyatidir. Kagocel® inson organizmida yuqori antiviral faollikka ega bo‘lgan α- va β-interferonlar aralashmasi bo‘lgan, shuningdek, kech interferonlar deb ataladigan interferonlarning hosil bo‘lishiga olib keladi. 

Kagocel® deyarli barcha populyatsiyadagi hujayralarda, ya'ni organizmning antiviral javobida ishtirok etuvchi T- va B-limfotsitlar, makrofaglar, granulositlar, fibroblastlar, endotelial hujayralarda interferonlar ishlab chiqarilishini chaqiradi. Kagocel®ning bir dozasi og‘iz orqali qabul qilinganda, qonda interferonlar titri 48 soatdan so‘ng maksimal darajaga yetadi. 

Kagocel® kiritilganda organizmning interferon javobi interferonlarning qon oqimida uzoq (4-5 kungacha) aylanib yurishi bilan tavsiflanadi. Kagocel® og‘iz orqali qabul qilinganda ichakda interferonlar to‘planish dinamikasi aylanib yuruvchi interferonlar titri dinamikasiga mos kelmaydi. Qon zardobida interferonlar ishlab chiqarilishi faqat Kagocel® qabul qilingandan 48 soat o‘tib yuqori darajaga yetadi, ichakda esa interferonlar ishlab chiqarilishi maksimumi allaqachon 4 soatdan so‘ng kuzatiladi.

Kagocel® terapevtik dozalarda buyurilganda toksik emas, organizmda to‘planmaydi. Preparat mutagen va teratogen xususiyatlarga ega emas, kanserogen emas va embriotoksik ta'sir ko‘rsatmaydi.

Kagocel® bilan davolashda eng yuqori samaradorlik o‘tkir infeksiya boshlanganidan 4-kungacha buyurilganda erishiladi. Profilaktik maqsadlarda preparat istalgan vaqtda, shu jumladan infeksiya qo‘zg‘atuvchisi bilan bevosita kontaktdan so‘ng ham qo‘llanilishi mumkin.

Farmakokinetika

Organizmga yuborilgandan 24 soat o‘tib Kagocel® asosan jigar, kamroq darajada o‘pka, timus, taloq, buyrak, limfa tugunlarida to‘planadi. Yog‘ to‘qimasi, yurak, mushaklar, urug‘donlar, miya, qon plazmasida past konsentratsiya aniqlanadi. 

Kagocel®ning bosh miya to‘qimasida past miqdorda bo‘lishi preparatning yuqori molekulyar massasi bilan, ya'ni gematoensefalik to‘siqdan o‘tishini qiyinlashtirishi bilan izohlanadi. Qon plazmasida preparat asosan bog‘langan holda bo‘ladi.

Kagocel® kunlik ko‘p martalik yuborilganda preparatning taqsimlanish hajmi barcha o‘rganilgan organlarda keng doirada o‘zgaradi. Ayniqsa, preparatning taloq va limfa tugunlarida to‘planishi yaqqol ifodalangan. Og‘iz orqali qabul qilinganda umumiy qon oqimiga yuborilgan preparat dozasining taxminan 20% tushadi. 

So‘rilgan preparat qonda asosan makromolekulalar bilan bog‘langan shaklda aylanadi: lipidlar bilan - 47%, oqsillar bilan - 37%. Preparatning bog‘lanmagan qismi taxminan 16% ni tashkil qiladi.

Chiqarilishi

Organizmdan preparat asosan ichak orqali chiqariladi: yuborilgandan 7 sutka o‘tib organizmdan yuborilgan dozaning 88% chiqariladi, shu jumladan 90% - ichak orqali va 10% - buyraklar orqali. Nafas chiqarilayotgan havoda preparat aniqlanmagan.