Har bir kapsula tarkibida quyidagilar mavjud: Ginkgo biloba ekstrakti - 50 mg, Centella asiatica ekstrakti - 500 mg, Herpestis monnieri ekstrakti - 125 mg, Coriandrum sativum ekstrakti - 200 mg, Amomum shilovidum ekstrakti - 200 mg, Emblica officinalis ekstrakti - 400 mg.

• Xotiraning susayishi, unutuvchanlik • Asab-psixik zo'riqish, taranglik va charchoq • Diqqatning yo'qligi va dezorientatsiya • Bolalarda aqliy va jismoniy o'sishning orqada qolishi • Funktsional aqliy yetishmovchilik • Bosh aylanishi, ongning chalkashishi • Neyron moddalar almashinuvining va kapillyar qon aylanishining susayishi • O'rtacha darajadagi bezovtalik va depressiya

Allergik kasalliklarda. Preparat tarkibidagi komponentlarga individual toqat qilmaslik. Preparat homiladorlikning birinchi trimestrida qo'llash mumkin emas.

Kattalar uchun Ovqatdan keyin kuniga ikki marta bir kapsuladan. Yoki shifokor ko'rsatmasiga binoan.

Ahmiyatsiz. Intellanni kechasi qabul qilganda kamdan-kam hollarda uyqu buzilishi kuzatiladi. Dori vositasini uxlashdan kamida uch soat oldin qabul qilish tavsiya etiladi.

Intellan - bu miya faoliyatini stimulyatsiya qiluvchi preparatlar orasida tanlov preparatidir. U bir nechta farmakologik faol o'simliklarni o'z ichiga oladi, ular tabiiy zarur aminokislotalar, mikroelementlar va biofaol alkaloidlar hamda glikozidlarni ta'minlaydi. Glutamin va asparagin kislotalari hamda biofaol alkaloidlar va glikozidlar orqali Intellan neyrogormonal transmissiya modifikatori sifatida ta'sir qiladi va bosh miya po'stlog'ining moddalar almashinuviga stimulyatsion ta'sir ko'rsatadi, shu tariqa miya faoliyatini va xotira rivojlanishini rag'batlantiradi. Shuningdek, u nerv hujayralarining oziqlanishini yaxshilaydi va moddalar almashinuvi natijasida hosil bo'lgan toksik chiqindilarni (ammiak) chiqarib tashlashni yaxshilaydi, shu tariqa miya tuzilmalarining faoliyatini optimallashtirishni ta'minlaydi. U bosh miya qon aylanishini yaxshilaydi, bu esa charchoq hissining kamayishi bilan namoyon bo'ladi. Yumshoq neyrostimulyatsion ta'sir bezovtalikni kamaytirishga yordam beradi va o'tkir depressiv holatlarni davolashda yordam beradi. Intellanning asosiy terapevtik xususiyati - miya tuzilmalarida, pastki oyoqlarda, barcha arteriya, vena, hatto eng kichik kapillyarlarda qon aylanishini yaxshilashdir. Bosh miya qon aylanishining pasayishi xotira, diqqat, intellektual imkoniyatlar, ko'rish, muvozanat hissiga salbiy ta'sir ko'rsatishi mumkin. Bu bosh og'rig'i, depressiya, bezovtalik kabi simptomlarga ham olib kelishi mumkin. Og'ir hollarda ishemik insult rivojlanishi mumkin. Intellan bunday holatlarning oldini olish va kompleks davolash tarkibida qo'llaniladi. Intellandagi mikroelementlar (masalan, temir, rux va boshqalar) hayot uchun zarur bo'lgan molekulalarning tarkibiy qismi bo'lib, organizmdagi ko'plab muhim biosintetik reaksiyalarning zaruriy omillari sifatida ta'sir ko'rsatadi.