-       yengil travmatik shikastlanishlarda (boylamlarning cho‘zilishi, lat yeyish, sport jarohatlari) mushak va bo‘g‘im og‘rig‘i, shish uchun mahalliy simptomatik davolash uchun;

-       revmatizmda og‘riq sindromini kompleks davolashda. 

 Ibuprofen mahalliy qo‘llanganda teri orqali so‘riladi. Mahalliy qo‘llanganda so‘rilish darajasi peroral qabul qilingandagi so‘rilish darajasining taxminan 5% ini tashkil etadi. Ibuprofenning plazmadagi maksimal kontsentratsiyasi qo‘llangandan 2 soat o‘tib 0,6 mkg/ml ni tashkil etadi. Ibuprofen tez va intensiv butun organizm bo‘ylab taqsimlanadi, plazma oqsillari bilan 99% bog‘lanadi. Ibuprofen jigarda gidroksillanish va karboksillanish yo‘li bilan metabolizmga uchraydi. Natijada ikki ta’sirsiz metabolit hosil bo‘ladi. Ibuprofenning plazmadan yarim chiqarilish davri 2,5 soatni tashkil etadi. Farmakologik jihatdan nofaol metabolitlar asosan buyraklar orqali (90%), shuningdek, o‘t bilan chiqariladi. 

 Homiladorlik va emizish davrida

Inforin Aktiv gelining faol modda sifatida ibuprofen mavjud bo‘lib, u siklooksigenaza sintezining ingibitori hisoblanadi va tizimli ta’sirda fertilitetga ta’sir ko‘rsatishi mumkin (garchi bu ehtimol juda past bo‘lsa ham), shuning uchun Inforin Aktiv homiladorlikka erisha olmayotgan ayollarga yoki bepushtlik bo‘yicha tekshiruvdan o‘tayotgan ayollarga qo‘llash tavsiya etilmaydi. In vivo eksperimental tadqiqotlar ma’lumotlari preparatning teratogen ta’siri yo‘qligini ko‘rsatadi. Ibuprofenning tug‘ruq muddatini sekinlashtirishi va uzaytirishi haqidagi ma’lumotlar mavjud.

Mahalliy davolash uchun preparatlar tarkibidagi ibuprofenni homiladorlikning birinchi olti oyi davomida qo‘llash tavsiya etilmaydi.

Ibuprofen va uning metabolitlari ona suti bilan ajraladi, shuning uchun emizish davrida preparatni qo‘llash tavsiya etilmaydi.