100 g gel tarkibida: faol modda: indometatsin 5 g yoki 10 g; yordamchi modda: makrogol-400, karbomer, propilenglikol, natriy benzoat, etil spirti. Tashqi qo‘llash uchun gel, 5% va 10%. Alyumin tubada 40 g. Bitta tuba qo‘llash bo‘yicha yo‘riqnoma bilan karton qutida.

Tayanch-harakat apparatining yallig‘lanish va degenerativ kasalliklari (revmatizm va podagra zo‘rayishida bo‘g‘im sindromi, revmatoid artrit, psoriazik artrit, ankilozlovchi spondiloartrit, osteoartroz, radikulyar sindromli osteoxondroz, radikulit, bog‘lam va paylarning yallig‘lanishli shikastlanishi, bursit, ishiatik, lumbago); revmatik va norevmatik kelib chiqishli mushak og‘riqlari; yumshoq to‘qimalar va tayanch-harakat apparatining travmadan keyingi yallig‘lanishi (bog‘lamlarning shikastlanishi va uzilishi, lat yeyishlar).

indometatsinga, boshqa YOKBga yoki dori shaklining boshqa komponentlariga yuqori sezuvchanlik; oshqozon va 12 barmoqli ichak yara kasalligi (kuchayish bosqichida); gipokoagulyatsiya; homiladorlik va laktatsiya davri; bolalar yoshi (14 yoshgacha); terining yaxlitligi buzilishi. Homiladorlikda qo‘llash mumkin emas. Davolash vaqtida emizishni to‘xtatish kerak.

Tashqi. Gel og'riqli tana sohalarining terisiga yupqa qatlam qilib surtiladi: 5% - kuniga 3-4 marta, 10% - kuniga 2-3 marta. Kattalar uchun bir martalik doza – tibbikadan siqib chiqarilgan 4-5 sm gel, 14 yoshdan katta bolalar uchun – 2-2,5 sm. Sutkalik doza kattalar uchun 20 sm 5% gel yoki 15 sm 10% gel, bolalar uchun esa 10 sm 5% gel yoki 7,5 sm 10% gel dan oshmasligi kerak.

Uzoq muddat qo‘llanilganda mahalliy nojo‘ya ta'sirlar paydo bo‘lishi mumkin: qichish, qizarish, toshma, allergik reaktsiyalar, qichish va terining giperemiyasi, kuyish; uzoq muddat qo‘llanilganda - tizimli namoyonlar. Yagona hollarda - psoriazning kuchayishi.

Indometatsin mahalliy og‘riq qoldiruvchi, yallig‘lanishga qarshi va shishlarga qarshi ta'sir ko‘rsatadi. Tashqi qo‘llanganda og‘riqni bartaraf etadi, shish va eritemani kamaytiradi, ertalabki qotish va bo‘g‘imlarning shishishini kamaytirishga yordam beradi, harakat hajmining oshishiga yordam beradi.

Preparat faqat butun teri uchastkalariga surtilishi kerak. Gelning ochiq jarohatlarga, ko‘zga va boshqa shilliq qavatlarga tushishidan saqlaning. Uzoq muddatli davolashda (10 kundan ortiq) qon manzarasini (leykotsitlar va trombotsitlar soni) nazorat qilish kerak.