5 ml suspenziya (1 o‘lchov qoshiq) quyidagilarni o‘z ichiga oladi: Faol modda 250 mg amoksitsillin, bu 287 mg amoksitsillin trigidratga mos keladi. Yordamchi moddalari: natriy benzoat, trinatriy tsitrat, suvdan holi, limon kislotasi, suvdan holi, aspartam, talk, limon aromatizatori, shaftoli-o‘rik aromatizatori, apelsin aromatizatori, guar, kremniy dioksidi.

Preparatga sezgir mikroorganizmlar chaqirgan infeksion-yallig‘lanish kasalliklari • yuqori nafas yo‘llari infeksiyalari (tonzillofaringit, sinusit, o‘tkir o‘rta otit); • pastki nafas yo‘llari infeksiyalari (o‘tkir bakterial bronxit, surunkali bronxitning zo‘rayishi, statsionardan tashqari pnevmoniya); • siydik-jinsiy tizim infeksiyalari (pielonefrit, pielit, tsistit, uretrit, endometrit, servitsit; gonoreya); • qorin bo‘shlig‘i infeksiyalari (peritonit, xolangit, xoletsistit); • o‘n ikki barmoqli ichak yoki me’da yarasi bo‘lgan bemorlarda Helicobacter pylori ni eradikatsiya qilish (doimo boshqa preparatlar bilan birga); • teri va yumshoq to‘qimalar infeksiyalari (roja, impetigo, ikkilamchi infeksiyalangan dermatozlar); • leptospiroz, listerioz; • Laym kasalligi; • me’da-ichak trakti infeksiyalari (enterokolit, qorin tifi, dizenteriya, salmonellyoz (ampitsillinga sezgir Salmonella typhi chaqirgan), salmonellataşıyıcılık); • og‘iz bo‘shlig‘i va yuqori nafas yo‘llarida jarrohlik muolajalari vaqtida bakterial endokarditning oldini olish.

• Gipersensitivlik (shu jumladan boshqa penitsillinlar, sefalosporinlar, karbapenemlarga); • infeksion mononukleoz, limfoleykoz; • tug‘ma fruktozani o‘zlashtira olmaslik, glyukoza/galaktoza malabsorbsiyasi sindromi yoki saxaraza-izomaltaza fermenti yetishmovchiligi. Ehtiyotkorlik bilan: allergik reaksiyalar (shu jumladan anamnezda — bronxial astma, polinoz), me’da-ichak trakti kasalliklari anamnezda (ayniqsa antibiotiklar bilan bog‘liq kolit), buyrak yetishmovchiligi, homiladorlik va laktatsiya davri.

Og'iz orqali, ovqatdan oldin yoki keyin qabul qilinadi. Preparat dozası infeksiya qo'zg'atuvchisining sezuvchanligi va infeksion jarayonning lokalizatsiyasiga bog'liq. Kattalar va tana vazni 40 kg dan ortiq bo'lgan bolalar Odatda 250 mg - 500 mg kuniga 3 marta yoki 500 mg - 1000 mg kuniga 2 marta buyuriladi. Sinusit, kasalxonadan tashqari pnevmoniya va boshqa og'ir infeksiyalarda 500 mg – 1000 mg kuniga 3 marta buyurish tavsiya etiladi. Maksimal sutkalik doza – 6 g. Tana vazni 40 kg dan kam bo'lgan bolalar Odatda 20 mg - 40 mg/kg/sut, 3 qabulga bo'lingan yoki 25 mg – 45 mg/kg/sut, 2 qabulga bo'lingan holda buyuriladi. Agar rezistent Streptococcus pneumoniae sababli infeksiya ehtimoli yuqori bo'lsa, yuqoriroq dozalari tavsiya etiladi – 80 mg/kg/sut, 3 qabulga bo'lingan yoki 90 mg/kg/sut, 2 qabulga bo'lingan. Bolalar uchun maksimal sutkalik doza - 100 mg/kg/sut. Xikontsila, 250 mg/5 ml suspenziya tayyorlash uchun kukunining taxminiy dozalari Tana vazni kg daSutkalik doza 10 kg dan kam4-6 ml/sut 3 qabulga 20 kg gacha4-8 ml/sut 3 qabulga 30 kg gacha6-12 ml/sut 3 qabulga 40 kg gacha8-16 ml/sut 3 qabulga Laym kasalligi (borrelioz) Kattalar va tana vazni 40 kg dan yuqori bo'lgan bolalarga 500 mg – 1000 mg kuniga 3 marta buyuriladi. Tana vazni 40 kg dan kam bo'lgan bolalarga - 50 mg/kg/sut, 3 qabulga bo'lingan. Helicobacter pylori ni eradikatsiya qilish, o'n ikki barmoqli ichak yoki oshqozon yara kasalligida (doimo boshqa preparatlar bilan birga) Kattalarga 1000 mg kuniga 2 marta; bolalarga - 50 mg/kg/sut, 2 qabulga bo'lingan. Bakterial endokarditning profilaktikasi Kattalarga jarrohlik aralashuvidan 1 soat oldin 3 g va protseduradan 6 soat o'tgach 1,5 g tavsiya etiladi. Bolalarga protseduradan oldin 50 mg/kg/sut va protseduradan keyin 25 mg/kg/sut tavsiya etiladi. Buyrak yetishmovchiligida Buyrak yetishmovchiligida (kreatinin klirensi < 10 ml/min va/yoki 0,16 ml/sek) - 12-24 soatdan keyin. Og'iz orqali qabul qilish uchun suspenziya tayyorlash Suspenziya tayyorlash uchun xona haroratidagi qaynatilgan suvdan foydalanish kerak. Suspenziya tayyorlashda flakonni ag'darib, kukun bo'shashi uchun biroz chayqatiladi. So'ng flakon ochilib, taxminan flakonning to'rtdan bir qismigacha suv quyiladi. Flakon yopilib, yaxshilab chayqatiladi. Flakon ochilib, belgi chizig'igacha suv quyiladi. Flakon yopilib, yana chayqatiladi.

Ovqat hazm qilish tizimi tomonidan qusish, ko‘ngil aynishi, diareya; kamdan-kam hollarda - stomatit, ezofagit, glossit, "jigar" transaminazalarining faolligining o‘rtacha oshishi, disbakterioz, ta'mning o‘zgarishi, soxta membranoz enterokolit, sariqlik (benzoatlar yangi tug‘ilgan chaqaloqlarda rivojlanish xavfini oshiradi). Markaziy va periferik asab tizimi tomonidan qo‘zg‘alish, tashvish, uyqusizlik, ataksiya, ongning chalkashishi, xulq-atvor o‘zgarishi, depressiya, periferik neyropatiya, bosh og‘rig‘i, bosh aylanishi; juda kam hollarda - gallyutsinatsiyalar va tutqanoq. Allergik reaksiyalar: toshma, eritematoz makulopapulyoz teri toshmasi, teri qichishishi, bronxospazm, angionevrotik shish, rinit, kon'yunktivit; kamdan-kam hollarda - isitma, terining giperemiyasi, eritema, bo‘g‘imlarda og‘riq, eksfoliativ dermatit, polimorf ekssudativ eritema (jumladan, Stivens – Jonson sindromi); zardob kasalligiga o‘xshash reaksiyalar; ayrim hollarda - anafilaktik shok. Laborator ko‘rsatkichlar: neyropeniya, trombotsitopenik purpura, anemiya, eozinofiliya, leykopeiya. Boshqalar: taxikardiya, interstitsial nefrite, qin kandidiozi, superinfeksiya (ayniqsa, surunkali kasalliklari yoki organizmning rezistentligi pasaygan bemorlarda). Og‘ir nojo‘ya ta'sirlar yuzaga kelganda davolash to‘xtatilishi kerak.

Absorbsiya – tez, yuqori (90%), ovqat qabul qilinishi absorbsiya jarayoniga ta’sir qilmaydi, me’da kislotali muhitida yemirilmaydi. Og‘iz orqali 250 mg va 500 mg dozada qabul qilinganda maksimal konsentratsiya – mos ravishda 5 mkg/ml va 10 mkg/ml. Og‘iz orqali qabul qilingandan so‘ng maksimal konsentratsiyaga erishish vaqti – 1-2 soat. Ta’sir qilish hajmi katta – yuqori konsentratsiyalar plazmada, bronxial sekretsiyada (irinli bronxial sekretsiyada taqsimlanishi sust), jigar, limfa tugunlari, bachadon, tuxumdonlar, burun atrofidagi bo‘shliqlar, plevra va qorin bo‘shlig‘i suyuqligi, so‘lak va ko‘z yoshi suyuqligi, siydik, teri pufakchalari tarkibi, o‘pka to‘qimasi, ichak shilliq qavati, o‘rta quloq va burun atrofidagi bo‘shliqlar suyuqligi, suyaklar, yog‘ to‘qimasi, o‘t pufagi (o‘t suyuqligidagi konsentratsiya plazmadagidan 10 barobar yuqori – o‘t yo‘llari o‘tkazuvchanligi normal bo‘lsa), homila to‘qimalarida aniqlanadi. Doza 2 barobar oshirilganda konsentratsiya ham 2 barobar oshadi. Amniotik suyuqlik va kindik tomirlarida amoksitsillin konsentratsiyasi homilador ayol plazmasidagi darajaning taxminan 50% ini tashkil qiladi. Gematoensefalik to‘siqdan yomon o‘tadi, miya pardalari yallig‘lanishida (meningit) orqa miya suyuqligidagi konsentratsiya plazmadagining 20% gacha oshadi. Plazma oqsillari bilan bog‘lanishi – 15-25%. Qisman (10-20%) inaktiv metabolitlar hosil bo‘lishi bilan metabolizatsiyalanadi. Yarim chiqarilish davri – 1-1,5 soat. 50-70% buyraklar orqali o‘zgarmagan holda, kanalchalar orqali chiqariladi (80%) va klubochkali filtrlatsiya (20%), jigar orqali – 10-20%. Kam miqdorda ko‘krak suti bilan ajraladi. Yarim chiqarilish davri muddatidan oldin tug‘ilganlar, yangi tug‘ilganlar va 6 oygacha bo‘lgan bolalarda – 3,7-4 soat. Buyrak funksiyasi buzilganda (kreatinin klirensi ≤ 15 ml/min) yarim chiqarilish davri 8,5 soatgacha uzayadi. Amoksitsillin gemodializda chiqariladi. Antibakterial bakteritsid kislotaga chidamli keng ta’sir doirasiga ega bo‘lgan yarim sintetik penisillinlar guruhiga mansub vosita. Transpeptidazani ingibitsiya qiladi, bo‘linish va o‘sish davrida hujayra devorining tayanch oqsili – peptidoglikan sintezini buzadi, bakteriyalarning lizisiga olib keladi. Aerob gram-musbat bakteriyalarga nisbatan faol: Staphylococcus spp. (penitsillinaza ishlab chiqaruvchi shtammlar bundan mustasno), Streptococcus spp., Listeria monocytogenes, Enterococcus faecalis va aerob gram-manfiy bakteriyalar: Neisseria gonorrhoeae, Neisseria meningitidis, Haemophilus influenzae, Escherichia coli, Shigella spp., Salmonella spp, Helicobacter pylori. β-laktamaza ishlab chiqaruvchi mikroorganizmlar amoksitsillin ta’siriga chidamli.

Kursli davolashda qon yaratuvchi organlar, jigar va buyraklar funksiyasining holatini nazorat qilish zarur. Uzoq muddatli qo‘llashda superinfeksiya, kandidoz (ayniqsa, vulvovaginal kandidoz) holatlari rivojlanishi mumkin. Og‘ir, qattiq diareya paydo bo‘lsa, bu soxta membranoz kolitga ishora qilishi mumkin, preparatni qabul qilishni to‘xtatish va davolovchi shifokorga murojaat qilish kerak. Bakteriemiya bilan kasallangan bemorlarni davolashda bakterio-liz reaksiyasi (Yarish-Gerkshgeymer reaksiyasi) rivojlanishi mumkin. Penisillinlarga yuqori sezuvchanligi bo‘lgan bemorlarda sefalosporin antibiotiklariga nisbatan o‘zaro allergik reaksiyalar bo‘lishi mumkin. Kursli davolash fonida yengil diareya bo‘lsa, ichak peristaltikasini pasaytiruvchi antidiareya preparatlaridan saqlanish kerak; kaolin yoki attapulgit saqlovchi antidiareya vositalarini qo‘llash mumkin. Og‘ir diareya bo‘lsa, shifokorga murojaat qilish zarur. Davolash kasallikning klinik belgilar yo‘qolganidan keyin yana 48-72 soat davom ettirilishi shart. Estrogen saqlovchi peroral kontratseptivlar va amoksitsillin bir vaqtda qo‘llanganda, imkon qadar boshqa yoki qo‘shimcha kontratseptsiya usullaridan foydalanish kerak. Dozalash tartibini tuzatish zarur (qarang bo‘lim «

Belgilari ko‘ngil aynishi, qusish, diareya, kristalluriya, suv-elektrolit muvozanatining buzilishi (qusish va diareya natijasida), tutqanoq, qo‘zg‘aluvchanlik, ongning chalkashligi. Davolash simptomatik – oshqozonni yuvish, faollashtirilgan ko‘mir, tuzli ich ketkazuvchilar, suv-elektrolit muvozanatini saqlash uchun dori vositalari, gemodializ.

• antatsidlar, glyukozamin, ich suruvchi vositalar, oziq-ovqat, aminoglikozidlar bilan - amoksitsillinning so‘rilishi sekinlashadi va kamayadi;
• askorbin kislotasi bilan - amoksitsillinning so‘rilishi oshadi;
• bakteritsid antibiotiklar (shu jumladan, aminoglikozidlar, tsefalosporinlar, sikloserin, vankomitsin, rifampitsin) bilan - sinergik ta’sir;
• klavulan kislotasi bilan, amoksitsillinning ta’siri kuchayadi;
• bakteriostatik preparatlar (xloramfenikol, linkozamidlar, tetratsiklinlar, sulfanilamidlar) bilan - antagonistik ta’sir;
• bilvosita antikoagulyantlar bilan (ichak mikroflorasini bostirib, K vitamini va protrombin indeksini kamaytiradi) - antikoagulyantlarning samaradorligi oshadi;
• estrogen saqlovchi og‘iz orqali qabul qilinadigan kontratseptivlar, metabolizmi natijasida paraaminobenzoy kislotasi hosil bo‘ladigan dori vositalari, etinilestradiol bilan - "yorib chiqish" qon ketish xavfi, ko‘rsatilgan preparatlarning samaradorligini kamaytiradi;
• diuretiklar, allopurinol, oksifenbutazon, fenilbutazon, nosteroid yallig‘lanishga qarshi preparatlar, kanalchalar sekretsiyasini bloklovchi preparatlar bilan - amoksitsillin kontsentratsiyasini oshiradi;
• allopurinol bilan - teri toshmasi rivojlanish xavfi oshadi;
• metotreksat bilan - metotreksat klirensi kamayadi va toksikligi oshadi;
• digoksin bilan - digoksinning so‘rilishi tezlashadi.