-
Tarkibi
Bitta tabletkada faol modda – klaritromitsin 250 mg va 500 mg,
yordamchi moddalari: natriy kroskarmelloza, prejelatinizatsiyalangan kraxmal, kremniy dioksid kolloid anhidrid (Aerosil 200), povidon, stearin kislotasi, magniy stearat, talk, mikrokristallik tsellyuloza,
qobiq tarkibi: HPMC 2910/ gipromelloza 15 sr, HPMC 2910/ gipromelloza 6 sr, titana dioksid E 171, propilenglikol, gidroksipropiltsellyuloza,
polisorbat 80, xinolinniy sariq 18 - 24 % (E 104), sorbin kislotasi FCC, vanilin.
-
Qo'llanilishi
- pastki nafas yo'llari infeksiyalari (bronxit, pnevmoniya va boshqalar);
- yuqori nafas yo'llari infeksiyalari (sinusit, faringit va boshqalar);
- teri va yumshoq to'qimalar infeksiyalari (follikulitlar, sellyulitlar, erizipeloid va boshqalar);
- dissemine yoki lokalizatsiyalangan mikobakterial infeksiyalar, Mycobacterium avium yoki Mycobacterium intracellulare tomonidan chaqirilgan, Mycobacterium chelonae, Mycobacterium fortuitum, Mycobacterium kansasii tomonidan chaqirilgan lokalizatsiyalangan infeksiyalar;
- dissemine infeksiyalarning oldini olish uchun, Mycobacterium avium kompleksi (MAK) tomonidan chaqirilgan, OIV-infeksiyalangan bemorlarda CD4-limfotsitlar soni ≤ 100/mm3 bo'lsa;
- H. pylori ni eradikatsiya qilish uchun, o'n ikki barmoqli ichak yarasi bo'lgan bemorlarda, xlorid kislota sekretsiyasini omeprazol yoki lanzoprazol bostirganida (klaritromitsin H. pylori ga nisbatan neytral pH da faolligi kislotali pH ga nisbatan yuqoriroq);
- odontogen infeksiyalarni davolashda.
-
Qo'llash mumkin bo'lmagan holatlar
- makrolid antibiotiklarga yoki preparatning boshqa komponentlariga yuqori sezuvchanlik
- klaritromitsin va quyidagi preparatlardan birontasini bir vaqtda qo'llash: astemizol, tsisaprid, pimozid, terfenadin (QT intervalining uzayishiga va yurak aritmiyalarining rivojlanishiga, shu jumladan qorinchalar taxikardiyasi, qorinchalar fibrillyatsiyasi va piruetli qorinchalar taxikardiyasiga (torsade de pointes), ergotamin yoki digidroergotamin (ergotoksiklikka olib kelishi mumkin), lovastatin, simvastatin (rabdomioliz rivojlanish xavfi tufayli)
- anamnezida QT intervalining uzayishi yoki qorinchalar yurak aritmiyalari, shu jumladan piruetli qorinchalar taxikardiyasi (torsade de pointes) bo'lgan bemorlar
- kolxisin va P-glikoprotein yoki kuchli CYP3A4 ingibitori bilan bir vaqtda qo'llash buyrak yoki jigar yetishmovchiligi bo'lgan bemorlarga
- buyrak funksiyasining og'ir buzilishi (kreatinin klirensi 30 ml/min dan kam bo'lsa)
- makrolidlar guruhi antibiotiklariga yuqori sezuvchanlik
- porfiriya
- homiladorlik va laktatsiya davri
- jigar funksiyasining og'ir buzilishlari
- 18 yoshgacha bo'lgan bolalar va o'smirlar
-
Qo'llash usuli
Pastki nafas yo'llari infeksiyalari, yuqori nafas yo'llari infeksiyalari, teri va yumshoq to'qimalar infeksiyalarida KLABEL® preparatining tavsiya etilgan doza kattalar uchun 250 mg kuniga ikki marta, og'irroq infeksiyalarda doza 500 mg kuniga ikki marta oshiriladi. Davolashning odatdagi davomiyligi 5-14 kun (ambulator pnevmoniya va sinusitlarda kurs 6 – 14 kun).
KLABEL® ni ovqat qabul qilishdan qat'i nazar qo'llash mumkin.
Mikobakterial infeksiyali bemorlarni oldini olish va davolash: kattalar uchun tavsiya etilgan doza 500 mg kuniga ikki marta.
No-tuberkulyoz mikobakterial infeksiyalarni davolash davomiyligi shifokor tomonidan individual belgilanadi.
SPID bilan kasallangan bemorlarda MAK infeksiyalarini davolash davomiyligi preparatning klinik va mikrobiologik samaradorligiga bog'liq. Bunday hollarda KLABEL® ni boshqa antimikobakterial vositalar bilan birga qo'llash kerak.
O'n ikki barmoqli ichak yarasi bo'lgan bemorlarda H. pylori ni eradikatsiya qilish uchun (kattalar):
Uchli terapiya. KLABEL® 500 kuniga ikki marta, lanzoprazol 30 mg kuniga ikki marta va amoksitsillin 1000 mg kuniga ikki marta 10 kun davomida.
KLABEL® 500 kuniga ikki marta, amoksitsillin 1000 mg kuniga ikki marta va omeprazol 20 mg kuniga bir marta 7 - 10 kun davomida.
Ikki komponentli terapiya. KLABEL® 500 kuniga uch marta, omeprazol 40 mg kuniga bir marta, so'ngra omeprazol 20 mg yoki 40 mg kuniga bir marta 14 kun davomida.
KLABEL® 500 kuniga uch marta, lanzoprazol 60 mg kuniga bir marta 14 kun davomida. Keyingi kislotalilikni kamaytirish yara bitishiga olib keladi.
Odontogen infeksiyalarni davolash: 250 mg kuniga ikki marta 5 kun davomida.
-
Nojo´ya ta´sirlar
Klaritromitsin bilan davolashda eng tez-tez va umumiy nojo‘ya reaksiyalar qorin og‘rig‘i, diareya, ko‘ngil aynishi, qusish va ta’m sezgilarining buzilishi hisoblanadi. Ushbu nojo‘ya reaksiyalar odatda yengil ifodalangan va makrolid antibiotiklarining ma’lum xavfsizlik profiliga mos keladi.
- diareya, qusish, qorin og‘rig‘i, qabziyat va ko‘ngil aynishi, ta’m sezgilarining o‘zgarishi, hid va ta’m sezgilarining buzilishi
- toshma, o‘rtacha og‘irlikdagi teri toshmasidan anafilaktik shok va Stivens-Djonson sindromigacha, toksik epidermal nekroliz, eozinofiliya va tizimli namoyonlar bilan kechuvchi dori teri reaksiyasi (DRESS), akne, Shenleyn-Genox kasalligi
- til yallig‘lanishi, stomatit va og‘iz bo‘shlig‘ining drojli mikozlari, anoreksiya, pankreatit, til va tishlarning rangining o‘zgarishi
- trombotsitopeniya, leykopeiya, neytropeniya, eozinofiliya, agranulotsitoz,
- bosh aylanishi, bosh og‘rig‘i, xavotir, asabiylik,
- bezovtalik, uyqusizlik, tungi tushlar, ongning xiralashuvi, gallyutsinatsiyalar va ehtimol psixoz
- jigar-hujayrali va/yoki xolestatik jigar disfunktsiyasi sariqlik bilan yoki usiz va jigar fermentlarining oshishi, jigar yetishmovchiligi
- gipoglikemiya
- eshitishning yo‘qolishi, quloqda shovqin
- qorinchalar ekstrasistoliyasi, QT intervalining kengayishi, qorinchalar taxikardiyasi, shu jumladan polimorf qorinchalar taxikardiyasi «piruet» turi
- infeksiya, vaginal infeksiyalar
- astma, burundan qon ketishi, o‘pka tomirlarining emboliyasi
- ezofagit, gastroezofageal reflyuks kasalligi, gastrit, proktalgiya, stomatit, glossit, qorin shishishi, og‘iz qurishi, o‘tkir burqish, meteorizm
- mushak spazmlari, skelet-mushak rigidligi, mialgiya
- kreatinin va qondagi mochevina miqdorining oshishi
- holsizlik, isitma, asteniya, ko‘krak og‘rig‘i, titroq, charchoqlikning oshishi
- albumin-globulin nisbatining o‘zgarishi, qonda ishqoriy fosfataza va laktatdegidrogenaza darajasining oshishi
- soxta membranoz kolit, ro‘jli yallig‘lanish, eritrazma
- rabdomioliz (rabdomioliz yuzaga kelishi haqidagi ba’zi xabarlarda klaritromitsin bir vaqtda statinlar, fibratlar, kolxitsin yoki allopurinol bilan qo‘llanilganda), miopatiya
- buyrak yetishmovchiligi, interstitsial nefrid
- protrombin vaqti oshishi, siydik rangining o‘zgarishi
Immun tizimi buzilgan bemorlar.
OITS bilan kasallangan va immun tizimi buzilgan boshqa bemorlarda, mikobakterial infeksiyalarni davolash uchun tavsiya etilganidan ko‘ra yuqori dozalarda va uzoq muddat klaritromitsin qo‘llanganida, preparatni qo‘llash bilan bog‘liq nojo‘ya reaksiyalarni asosiy yoki hamroh kasalliklarning simptomlaridan har doim ham ajratib bo‘lmaydi.
-
Farmakologik xususiyatlari
Klaritromitsin yarim-sintetik makrolidlar guruhi antibiotigidir. Ta'sir mexanizmi bakteriya hujayrasida oqsil sintezini bostirishdan iborat. Klaritromitsin keng doiradagi aerob, anaerob, gram-musbat va gram-manfiy bakteriyalarga nisbatan yuqori faollikka ega.
Klaritromitsinning asosiy metaboliti faol metabolit – 14-gidroksiklaritromitsin bo‘lib, u ham antibakterial faollikka ega. Xususan, Haemophilus influenzae ga nisbatan metabolitning samaradorligi klaritromitsinga nisbatan 2 baravar yuqori. Shu bilan birga, 14-gidroksiklaritromitsin klaritromitsinga nisbatan Mycobacterium avium complex shtammlariga nisbatan 4 dan 7 martagacha kamroq faol.
Klabel® quyidagi mikroorganizmlarga nisbatan faol:
Aerob gram-musbat mikroorganizmlar: Staphylococcus aureus, Streptococcus pneumoniae, Streptococcus pyogenes.
Aerob gram-manfiy mikroorganizmlar: Haemophilus influenzae, Haemophilus parainfluenzae, Moraxella catarrhalis.
Boshqa mikroorganizmlar: Mycoplasma pneumoniae, Chlamydia pneumoniae.
Mikobakteriyalar: Mycobacterium avium complex, tarkibida Mycobacterium avium, Mycobacterium intracellulare.
Helicobacter: Helicobacter pylori.
-
Maxsus ko'rsatmalar
Deyarli barcha antibakterial vositalarni qo‘llashda soxta membranoz kolit holatlari qayd etilgan, va og‘irlik darajasi yengildan hayot uchun xavfli darajagacha bo‘lishi mumkin. Shuning uchun, antibakterial vosita qabul qilgan bemorlarda diareya paydo bo‘lsa, ushbu tashxisni hisobga olish muhimdir. Clostridium difficile (CDAD) sababli yengil darajadan o‘lim bilan yakunlangan kolitgacha bo‘lgan diareya rivojlanishi deyarli barcha antibakterial preparatlarni, shu jumladan klaritromitsin qo‘llanganda ham qayd etilgan. KLABEL® qabul qilayotgan bemorlarda myasthenia gravis simptomlarining kuchayishi mumkin. Klaritromitsin va kolxisin birga qo‘llanganda, ayniqsa, qariyalarda va buyrak yetishmovchiligi fonida, kolxisin toksikligi (shu jumladan o‘lim bilan yakunlangan) rivojlanishi haqida xabarlar bor. QT intervalining uzayishi xavfi tufayli KLABEL® ni QT intervalining uzayishi va torsades de pointes rivojlanishiga moyilligi yuqori bo‘lgan sog‘liq holatiga ega bemorlarda ehtiyotkorlik bilan qo‘llash kerak. Streptococcus pneumoniae ning makrolidlarga rezistentligi mavjud bo‘lishi mumkinligi sababli, KLABEL® ni no-gospital pnevmoniyasini davolash uchun buyurishda sezuvchanlik testini o‘tkazish muhimdir. Gospital pnevmoniya holatida klaritromitsin boshqa mos antibiotiklar bilan birga qo‘llanishi kerak. Preparat jigar funksiyasi buzilgan bemorlarga ehtiyotkorlik bilan buyuriladi. Surunkali jigar kasalliklari mavjud bo‘lsa, qon zardobi fermentlarini muntazam nazorat qilish zarur. Jigar yetishmovchiligi va buyrak funksiyasi normal bo‘lgan bemorlarda klaritromitsin dozasini o‘zgartirmasdan qo‘llash mumkin. Biroq, og‘ir buyrak yetishmovchiligi (kreatinin klirensi < 30 ml/min) bo‘lgan bemorlarda, hamroh jigar yetishmovchiligi mavjudligidan qat’i nazar, doza ikki baravar kamaytirilishi kerak (250 mg kuniga bir marta yoki og‘ir infeksiyalarda 250 mg kuniga ikki marta) yoki preparatni qabul qilish oralig‘i oshirilishi kerak. Davolash davomiyligi 14 kundan oshmasligi lozim. Og‘iz orqali qabul qilinadigan gipoglikemik vositalar/Insulin KLABEL® va og‘iz orqali qabul qilinadigan gipoglikemik vositalar va/yoki insulin birga qo‘llanganda kuchli gipoglikemiya yuzaga kelishi mumkin. Nateglinid, pioglitazon, repaglinid va roziglitazon kabi gipoglikemik vositalar bilan birga qo‘llanganda klaritromitsin CYP3A fermentini inhibe qilishi mumkin, bu esa gipoglikemiyaga olib kelishi mumkin. Glyukoza darajasini diqqat bilan monitoring qilish tavsiya etiladi. Klaritromitsin va varfarin birga qo‘llanganda, jiddiy qon ketish, MNO (xalqaro normallashtirilgan nisbat) va protrombin vaqtining sezilarli oshishi xavfi mavjud. Klaritromitsin va og‘iz orqali qabul qilinadigan antikoagulyantlarni birga qabul qilayotgan bemorlarda MNO va protrombin vaqtini tez-tez nazorat qilish zarur. GMG-KoA-reduktaza ingibitorlari Klaritromitsin lovastatin yoki simvastatin bilan birga qo‘llash mumkin emas Klaritromitsinning transport vositalari va mexanizmlarni boshqarish qobiliyatiga ta’siri haqida ma’lumotlar yo‘q. Transport vositalari va mexanizmlarni boshqarishdan oldin KLABEL® qo‘llanganda bosh aylanishi, vertigo, ongning chalkashishi va dezorientatsiya yuzaga kelishi mumkinligini hisobga olish kerak.
-
Dozani oshirib yuborilishi
Simptomlar: ko'ngil aynishi, qusish, qorin og'rig'i, diareya, psixik holatning o'zgarishi, paranoidal xatti-harakat, gipokaliemiya va gipoksemiya.
Davolash: zudlik bilan oshqozonni yuvish va simptomatik terapiya.
Gemodializ va peritoneal dializ samarasizdir.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
