Maxsus ko'rsatmalar
Grizeofulvin profilaktik qo‘llash uchun buyurilmaydi, uni yengil darajadagi mikozlarni davolashda qo‘llash tavsiya etilmaydi, bunday hollarda mahalliy zamburug‘ga qarshi vositalarni buyurish yetarli.
Davolashni boshlashdan oldin kasallikni keltirib chiqargan zamburug‘ turini aniqlash shart.
Kandidoz, bakterial infeksiyalar, gistoplazmoz, aktinomikoz, sporotrixoz, xromoblastomikoz, koksidioidomikoz, shimoliy amerika blastomikoz, kriptokokkoz (toruloz), otrubyevid lişay, nokardiozda preparat samarali emas!
Bemorlarda uzoq muddatli davolashni boshlashdan oldin ularni sinchiklab tekshirish zarur. Preparatni penisillinlarga yuqori sezuvchanlikda, gipokoagulyatsion holatlarda, jigar funksiyasining yengil va o‘rtacha buzilishlarida ehtiyotkorlik bilan buyurish kerak (jigar funksiyasining og‘ir buzilishlarida preparat kontraindikasiyalangan).
Qariyalar yoshidagi bemorlarda jigar funksiyasining yoshga bog‘liq o‘zgarishlari tufayli preparatning gepatotoksik ta’siri (anoreksiya, ko‘ngil aynishi, qusish, charchoq, sariqlik, qorin og‘rig‘i, siydikning to‘q rangga kirishi, jigar transaminazalari faolligining oshishi) xavfi ortadi. Shuning uchun jigar funksiyasining klinik va laborator nazoratini muntazam va sinchiklab o‘tkazish zarur.
Grizeofulvinni yaxshi o‘zlashtirish va ovqat hazm qilish tizimi tomonidan nojo‘ya ta’sirlarni minimallashtirish uchun ratsionga yog‘ miqdori yuqori bo‘lgan mahsulotlarni (masalan, sut, muzqaymoq) kiritish tavsiya etiladi. Preparatni qo‘llashda vitamin vositalar: askorbin kislotasi va B guruhi vitaminlarini qabul qilish tavsiya etiladi.
Granulotsitopeniya rivojlanganda Grizeofulvin bilan davolashni to‘xtatish kerak.
Grizeofulvin terining quyosh nurlanishiga sezuvchanligini oshirishi mumkin, shuning uchun davolash davomida to‘g‘ridan-to‘g‘ri quyosh nurlari va sun’iy ultrabinafsha nurlanishidan saqlanish zarur.
Grizeofulvin homiladorlik davrida ayollar tomonidan qo‘llanganda bolada jiddiy tug‘ma nuqsonlarni chaqirishi, shuningdek, spermatozitlarda xromosoma aberratsiyalarini induktsiya qilishi mumkin. Grizeofulvin gormonal kontratseptivlarning (og‘iz orqali, parenteral) samaradorligini pasaytirganligi sababli, davolash davomida qo‘shimcha himoya vositalaridan (masalan, prezervativlardan) foydalanish zarur. Ayollarga homiladorlikni davolash kursi tugaganidan kamida 1 oy o‘tgach rejalashtirish tavsiya etiladi; erkaklarga esa davolash vaqtida va preparatni qabul qilish to‘xtatilganidan keyin 6 oy davomida otalikni rejalashtirish tavsiya etilmaydi.
Grizeofulvinni qo‘llash bilan bog‘liq bo‘lgan va yurak to‘xtashi, Spina bifida, ko‘p sonli tug‘ma nuqsonlar, buyrak usti bezi po‘stlog‘i yetishmovchiligi, birlamchi biliar sirroz, tizimli qizil volchanka va periferik neyropatiya bilan bog‘liq yakka o‘lim holatlari haqida xabar berilgan.
Preparat bilan uzoq muddatli davolash va/yoki yuqori dozalarda qo‘llashda gemopoez tizimi, jigar va buyrak funksional holatini muntazam nazorat qilish tavsiya etiladi.
Boshqa antibiotiklar kabi, Grizeofulvin preparatini uzoq muddat qo‘llash rezistent mikroflora, xususan zamburug‘larning kuchaygan o‘sishiga va superinfeksiya rivojlanishiga olib kelishi mumkin, bu esa tegishli choralar ko‘rishni talab qiladi.
Qayta infeksiyalanishni oldini olish uchun kiyim-kechak, yotoq, ichki kiyim va oyoq kiyimlarini dezinfeksiya qilish zarur.
Grizeofulvin bilan davolash vaqtida spirtli ichimliklarni iste’mol qilishdan saqlanish zarur!
Preparat uglevodlarga tolerantlik buzilishi, masalan, laktaza yetishmovchiligi, galaktozemiya, glyukoza-galaktoza malabsorbsiyasi (preparat tarkibida laktoza mavjud) bo‘lgan bemorlarga qo‘llanilmaydi.
Homiladorlik yoki emizish davrida qo‘llash
Grizeofulvin platsentadan o‘tadi. Homiladorlik davrida uni qo‘llash xavfsizligi bo‘yicha yetarli tadqiqotlar o‘tkazilmagan. Cheklangan ma’lumotlar grizeofulvin homiladorlik davrida ayollar tomonidan qabul qilinganda jiddiy tug‘ma nuqsonlarga olib kelganini ko‘rsatadi. Preparatni homiladorlik davrida qo‘llash mumkin emas. Reproduktiv yoshdagi ayollar davolash vaqtida va uni to‘xtatgandan keyin 1 oy davomida samarali kontratseptsiya usullaridan foydalanishlari, erkaklar esa preparatni bekor qilgandan keyin 6 oy davomida (qarang «Maxsus ko‘rsatmalar» bo‘limi) foydalanishlari zarur.
Grizeofulvin ona sutiga o‘tadimi noma’lum, shuning uchun preparatni qabul qilish zarur bo‘lsa, emizishni davolash davrida to‘xtatish kerak.
Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati
Preparat avtotransport yoki boshqa mexanizmlarni boshqarishda reaksiya tezligiga salbiy ta’sir ko‘rsatishi mumkin.
Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
