Faol moddalari: Gidrokortizonatsetat – 1 g, oksitetratsiklingidroxlorid – 3 g. Yordamchi moddalari: nipagin (metilparagidroksibenzoat), vazelin moyi, vazelin

Tashqi qo'llash uchun mo'ljallangan kombinatsiyalangan preparat. Gidrokortizon – glyukokortikosteroid, yallig'lanishga qarshi, allergiyaga qarshi, antiekssudativ va qichishishga qarshi ta'sir ko'rsatadi. Fagotsitozni susaytiradi. Fosfolipaza A2 faolligini bostirish hisobiga hujayra membranalarining fosfolipidlaridan araxidon kislota hosil bo'lishini kamaytiradi. Yallig'lanishga qarshi ta'sirga ega bo'lgan interleykinlar va boshqa sitokinlarning ajralishini bostiradi; gistamin ajralishini va mahalliy allergik reaksiyalarning paydo bo'lishini susaytiradi. Terida oqsillar sintezi va kollagen to'planishini kamaytiradi, biriktiruvchi to'qima rivojlanishiga to'sqinlik qiladi, proliferativ jarayonlarni zaiflashtiradi. Oksitetratsiklin – tetratsiklinlar guruhiga mansub antibiotik, bakteriostatik ta'sir ko'rsatadi. Grampozitiv va grammanfiy bakteriyalar, Rickettsia spp., Treponema spp., Chlamydia spp., Mycoplasma spp. ga nisbatan faol.

Glyukokortikosteroidlar bilan davolash vaqtida chechakka qarshi emlash va boshqa immunizatsiya turlarini rejalashtirish tavsiya etilmaydi (glyukokortikosteroidlarning immunodepressiv ta'siri bilan bog'liq). Mazning ko'zga va shilliq qavatlarga tushishidan saqlanish kerak. Bolalarda preparatni keng teri yuzalariga va o'ralgan bog'lamlar ostiga surishdan saqlanish kerak. Agar preparat yuz terisiga qo'llanilishi zarur bo'lsa, davolash qisqa muddatli bo'lishi kerak, chunki so'rilish kuchayadi va nojo'ya ta'sirlar paydo bo'lishi mumkin.