Preparat intravaginal tarzda har kuni kechasi 1 dona suppozitoriy 7 kun davomida yuboriladi.

Qaytalanuvchi vaginitlarda yoki boshqa davolash turlariga chidamli vaginitlarda Gino-vital L™ 14 kun davomida qo'llanilishi kerak.

Vaginal suppozitoriyalar yotgan holatda, chuqur qin ichiga, qadoqda mavjud bir martalik barmoqqoplar yordamida yuborilishi kerak.

Buyrak yetishmovchiligida qo'llanilishi

Gemodializ o'tkazishni talab qiladigan og'ir buyrak yetishmovchiligida metronidazol dozasini kamaytirish kerak. Buyrak funksiyasining pasayishi lidokain farmakokinetikasiga ta'sir qilmaydi, biroq metabolitlarning to'planishiga olib kelishi mumkin.

Jigar yetishmovchiligida qo'llanilishi

Jigar funksiyasining jiddiy buzilishida metronidazol klirensi pasayishi mumkin. Jigar ensefalopatiyasidan aziyat chekayotgan bemorlarda metronidazolning kunlik dozasini 1/3 ga kamaytirish kerak. Jigar funksiyasi pasaygan bemorlarda lidokainning yarim chiqarilish davri ikki yoki undan ko'p marta oshishi mumkin.

Bolalarda qo'llanilishi

Preparat 18 yoshgacha bo'lgan bolalar va o'smirlar uchun qo'llanilmaydi.

Keksalarda qo'llanilishi

65 yoshdan katta keksalar uchun dozalash tartibini o'zgartirish talab etilmaydi. 

 Metronidazolning intravaginal qo‘llanilishida dozani oshirib yuborish bo‘yicha ma’lumotlar mavjud emas. Vaginal yo‘l bilan yuborilgandan so‘ng metronidazol tizimli ta’sirlarni chaqirish uchun yetarli miqdorda so‘rilishi mumkin.

Sintomlari: ko‘ngil aynishi, qusish, qorin og‘rig‘i, diareya, qichishish, og‘izda metall ta’mi, harakat buzilishlari (ataksiya), bosh aylanishi, paresteziya, tutqanoq, leyopeniya, siydikning qorayishi. Mikonazol nitratining dozani oshirib yuborilishi simptomlariga ko‘ngil aynishi, qusish, diareya, tomoq va og‘iz bo‘shlig‘ining yallig‘lanishi, anoreksiya, bosh og‘rig‘i kiradi. Lidokain qo‘llanilishi yurak ritmining buzilishi, nafas olishning qiyinlashuvi, koma va hatto o‘limga olib kelishi mumkin, ayniqsa lidokain keng teri yuzalariga va yuqori dozalarda qo‘llanilganda.

Davolash: tasodifiy ichga qabul qilinganda zarurat tug‘ilganda me’da yuvilishi mumkin. Ichga 12 g metronidazol qabul qilgan shaxslarga davolash buyurilishi mumkin. Maxsus antidot mavjud emas. Simptomatik va qo‘llab-quvvatlovchi terapiya tavsiya etiladi. 

 Faqat intravaginal qo‘llash uchun.

Gino-vital L™ preparatini bokira qizlarda qo‘llash tavsiya etilmaydi.

Davolanish vaqtida va, kamida, davolash kursi tugaganidan keyin 3 kun davomida spirtli ichimliklarni iste'mol qilishdan saqlanish zarur, chunki disulfiramga o‘xshash reaksiyalar yuzaga kelishi mumkin.

Katta dozalarda va uzoq muddatli tizimli qo‘llash preparat periferik nevropatiya va tutqanoq chaqirishi mumkin.

Mikonazol saqlovchi ginekologik dori shakllari bilan davolashda lateks himoya vositalari (prezervativ yoki diafragma) samaradorligi kamayishi mumkin. Shu sababli Gino-vital L™ ni lateks prezervativ yoki lateks diafragma bilan bir vaqtda qo‘llash mumkin emas.

Terapiyada boshqa vaginal vositalarni (tamponlar, chayishlar, spermitsidlar) bir vaqtda qo‘llash mumkin emas.

Trichomonadli vaginitli bemorlarda jinsiy hamkorni ham bir vaqtda davolash zarur.

Mikonazol preparatlari bilan davolash vaqtida anafilaksiya va angionevrotik shish kabi og‘ir gipersensitivlik reaksiyalari yuzaga kelgani haqida xabar berilgan. Gipersensitivlik yoki shilliq qavatning tirnash xususiyati belgilarini ko‘rsatuvchi nojo‘ya reaksiyalar paydo bo‘lsa, davolashni to‘xtatish kerak.

Metronidazol saqlovchi mahsulotlarni tizimli qo‘llashda, Kokkeyn sindromli bemorlarda davolash boshlanganidan so‘ng juda tez rivojlangan og‘ir gepatotoksiklik/akut jigar yetishmovchiligi, shu jumladan o‘lim bilan yakunlangan holatlar haqida xabar berilgan. Shu sababli, ushbu populyatsiyada metronidazolni faqat xavf-foyda nisbati sinchiklab baholangandan so‘ng va muqobil davolash usullari bo‘lmaganda qo‘llash mumkin. Jigar funksiyasini tekshirish terapiya boshlanishidan oldin, davomida va tugaganidan keyin, jigar funksiyasi normal yoki asosiy ko‘rsatkichlarga qaytguncha o‘tkazilishi kerak. Agar davolash vaqtida jigar funksiyasi testlari sezilarli darajada oshsa, preparatni bekor qilish kerak. Kokkeyn sindromli bemorlar jigar funksiyasi buzilishi simptomlari paydo bo‘lsa, darhol shifokoriga xabar berishi va metronidazol qabulini to‘xtatishi kerak.

Homiladorlik va laktatsiya davri

Preparatni homiladorlikning birinchi trimestridan keyin, shifokor nazorati ostida, onaga kutilayotgan foyda homilaga bo‘lgan potentsial xavfdan ustun bo‘lsa, qo‘llash mumkin.

Davolanish vaqtida emizishni to‘xtatish kerak, chunki metronidazol ko‘krak sutiga o‘tadi. Emizishni davolash tugaganidan 24-48 soat o‘tgach qayta boshlash mumkin.

Fertillik

Metronidazol, mikonazol nitrat yoki lidokain alohida qo‘llanganda fertillikka salbiy ta'siri borligi haqida dalillar yo‘q.

Bolalar

18 yoshgacha bo‘lgan bolalar va o‘smirlarda preparatni qo‘llash samaradorligi va xavfsizligi bo‘yicha ma'lumotlar yo‘q.

Avtotransport boshqarish va mexanizmlar bilan ishlash qobiliyatiga ta'siri

Bo‘lishi mumkin bo‘lgan nojo‘ya reaksiyalarni hisobga olib, avtomobil boshqarishda va potentsial xavfli mexanizmlar bilan ishlashda ehtiyotkorlikka rioya qilish zarur. 

 Quyida keltirilgan preparatlar bilan bir vaqtda qo‘llanilganda metronidazolning so‘rilishi natijasida quyidagi dori vositalari o‘zaro ta’siri kuzatilishi mumkin:

Alkogol: alkogolga toqat qilmaslik (disulfiramga o‘xshash reaksiyalar xavfi).

Amiodaron: kardiotoksiklik xavfining oshishi (QT intervalining uzayishi, “piruet” tipidagi aritmiya, yurak to‘xtashi).

Astemizol va terfenadin: ushbu birikmalarning metabolizmining ingibitsiyalanishi va ularning qon plazmasidagi konsentratsiyasining oshishi mumkin.

Karbamazepin: karbamazepinning qon plazmasidagi konsentratsiyasining oshishi xavfi.

Tsimetidin: metronidazolning qon plazmasidagi konsentratsiyasining oshishi xavfi, natijada markaziy asab tizimi tomonidan nojo‘ya reaksiyalar rivojlanish xavfi.

Siklosporin: siklosporinning toksik ta’siri kuchayishi mumkin.

Disulfiram: markaziy asab tizimi tomonidan buzilishlar (masalan, psixotik reaksiyalar) mumkin.

Litiy: litiy toksik ta’sirining kuchayishi xavfi.

Fenitoin: fenitoin konsentratsiyasining oshishi va metronidazol konsentratsiyasining kamayishi mumkin.

Fenobarbital: metronidazol konsentratsiyasining kamayishi mumkin.

Ftorurasil: ftorurasilning qon plazmasidagi konsentratsiyasining oshishi va uning toksik ta’siri xavfi.

Peroral antikoagulyantlar: antikoagulyant ta’sir kuchayishi mumkin (qon ketish xavfi yuqori).

Jigar fermentlari, glyukoza (uni geksokinaz usuli bilan aniqlashda), teofillin va prokainamid darajalariga ta’sir qilishi mumkin.

Mikonazol nitratining so‘rilishi natijasida quyida keltirilgan preparatlar bilan bir vaqtda qo‘llanilganda quyidagi dori vositalari o‘zaro ta’siri mumkin:

Atsenokumarol, anizindion, dikumarol, fenindion, fenprokumon, varfarin: qon ketish xavfining oshishi mumkin.

Astemizol, tsizaprid, terfenadin: ushbu preparatlarning metabolizmining ingibitsiyalanishi va ularning qon plazmasidagi konsentratsiyasining oshishi mumkin.

Karbamazepin: karbamazepin metabolizmining kamayishi mumkin.

Siklosporin: toksik ta’sir kuchayishi xavfi (buyrak funksiyasining buzilishi, xolestaz, paresteziya).

Fentanil: opioid preparatlarning ta’sir davomiyligi oshishi mumkin (markaziy asab tizimi va nafas olishni susaytirish).

Fenitoin va fosfenitoin: toksik effektlar xavfi (ataksiya, giperefleksiya, nistagm, tremor).

Glimepirid: gipoglikemik ta’sir kuchayishi mumkin.

Oksibutinin: oksibutinin metabolizmining ingibitsiyalanishi mumkin, natijada uning qon plazmasidagi konsentratsiyasi oshadi.

Oksikodon: oksikodonning qon plazmasidagi konsentratsiyasining oshishi va uning klirensining kamayishi xavfi.

Pimozid: kardiotoksik effektlar (QT intervalining uzayishi, “piruet” tipidagi aritmiya, yurak to‘xtashi) mumkin.

Tolterodin: sitoxrom P450 izofermenti 2D6 faolligi pasaygan bemorlarda tolterodin biofoydalanishining oshishi mumkin.

Trimetreksat: trimetreksatning toksik ta’siri kuchayishi xavfi (suyak ko‘migi bostirilishi, buyrak va jigar funksiyasining pasayishi, me’da-ichak trakti yarali shikastlanishi).

Lidokain so‘rilishi natijasida quyida keltirilgan preparatlar bilan bir vaqtda qo‘llanilganda quyidagi dori vositalari o‘zaro ta’siri mumkin:

Antiaritmik vositalar: lidokain toksikligining oshishi xavfi.

Fenitoin yoki barbituratlar: lidokainning plazmadagi darajasi kamayishi mumkin.

Propranolol: lidokain klirensining kamayishi mumkin.

Tsimetidin: lidokain klirensining kamayishi mumkin.