5 ml sirop tarkibida
faol modda – oddiy tolqin barglarining quruq ekstrakti 27,78 mg;
yordamchi moddalari propilenglikol, sorbitol 70%, makrogol glitserolgidroksistearat, kaliy sorbat, limon kislotasi monogidrat, anis aromatizatori, tozalangan suv.

Nafas yo'llarining infeksion-yallig'lanish kasalliklari
- o'tkir va surunkali (jumladan, obstruktiv) bronxit
- traxeobronxit
- bronxial astma
- bronxoektatik kasallik
- bronxospazm, balg'am ajralishining qiyinlashuvi va/yoki uning patologik ravishda quyuqlashuvi, yo'tal (jumladan, quruq).

Gelisal preparati – o'simlikdan olingan dori vositasi bo'lib, faol modda sifatida tolqin barglari ekstraktini o'z ichiga oladi. Ekspektorant, mukolitik ta'sir ko'rsatadi va bronxlarning silliq mushaklariga kuchsiz spazmolitik ta'sir ko'rsatadi. Spazmolitik ta'sir asosini glikozidlarning (saponinlarning) parasimpatolitik effekti tashkil etadi, ular bronx va o'pka epiteliyidagi β-2 retseptorlarni faollashtiradi. Bu bronx mushaklarida hujayra ichidagi Ca 2+ miqdorining kamayishiga va ularning bo'shashishiga olib keladi. Shu bilan birga II tip alveolyar hujayralar ko'proq surfaktant ishlab chiqaradi. Noproduktiv (quruq) yo'talda quyuq balg'amni suyuqlantirishga yordam beradi, uning chiqishini osonlashtiradi. Produktiv (nam) yo'talda balg'amni oson chiqarish va chiqarib yuborishni yengillashtiradi. Nafas yo'llarining balg'amdan tozalanishi natijasida nafas olish yaxshilanadi, yo'tal kamayadi va yo'qoladi.

 

Saponinlar tarkibi tufayli, preparat oshqozon shilliq qavatini tirnatuvchi boshqa vositalarning ta’sirini kuchaytirishi mumkin. Yo‘talga qarshi dori vositalari bilan bir vaqtda qabul qilinsa, suyultirilgan balg‘amning ajralishini qiyinlashtiradi.

Gelisal markaziy ta’sirga ega bo‘lgan yo‘talga qarshi dori vositalari bilan o‘zaro ta’sirga kirishadi. 

 

Sintomlar: tavsiya etilgan dozalardan sezilarli darajada oshib ketganda, saponinlar ta'siri bilan bog'liq gastroenterit yuzaga kelishi mumkin.

Davolash: simptomatik. 

 

Preparatni oshqozon yarasi kasalligining zo‘rayish bosqichida bo‘lgan shaxslarga qo‘llash tavsiya etilmaydi.

Gelisal tarkibida bo‘yoq moddalar, shakar va spirt bo‘lmagani sababli, uni bo‘yoq moddalarga allergik reaksiyalari bo‘lgan bemorlar, qandli diabet bilan kasallangan bemorlar, shuningdek, spirt yoki spirt saqlovchi preparatlarni qo‘llashdan saqlanishi kerak bo‘lgan bemorlar qabul qilishi mumkin.

Preparatning o‘lchov qoshiqchasi (5 ml) 1,75 g sorbitolni o‘z ichiga oladi, bu taxminan 0,15 XE ga to‘g‘ri keladi.

Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak.