Flukonazolning faol modda miqdori - 200 mg. Yordamchi moddalari natriy xlorid - 900 mg, in'ektsiya uchun suv 100 ml gacha.

Flukonazol infuziyalar uchun quyidagi ko‘plab zamburug‘li infeksiyalarni davolash uchun ko‘rsatilgan: kriptokokkoz, shu jumladan kriptokokk meningiti; - tizimli kandidoz, shu jumladan kandidemiya, dissemine kandidoz va invaziv kandidoz infeksiyalarining boshqa shakllari (qorin bo‘shlig‘i, endokard, ko‘z, nafas va siydik yo‘llari infeksiyalari); - shilliq qavatlarning kandidozi (og‘iz bo‘shlig‘i, halqum, qizilo‘ngach, invaziv bo‘lmagan bronx-o‘pka kandidozi, kandiduriya, og‘iz bo‘shlig‘ining atrofik kandidozi, protez tishlarni taqish bilan bog‘liq); - genital kandidoz: vaginal kandidoz, o‘tkir va surunkali qaytalanuvchi balanite; - teri mikozlari, shu jumladan oyoq, tana, qov sohasining mikozlari; rangli temiratki, onixomikoz; - chuqur endemik mikozlar, - sitostatiklar bilan davolash yoki nur terapiyasi o‘tkazilayotgan yomon sifatli o‘smalari bo‘lgan bemorlarda, OITS bilan kasallanganlarda, organ ko‘chirib o‘tkazishda va immunitetni bostiruvchi boshqa holatlarda zamburug‘li infeksiyalar profilaktikasi.

Flukonazol, azol birikmalari va preparat tarkibiga kiruvchi boshqa ingredientlarga yuqori sezuvchanlik, homiladorlik va laktatsiya davri, 1 yoshgacha bo‘lgan bolalar, flukonazol (400 mg/kun dozada) bilan bir vaqtda sisaprid, terfenadin va astemizolni buyurish. Ehtiyotkorlik bilan - alkogolizm, axloridriya, gipoxloridriya, jigar yetishmovchiligi, yuzaki invaziv/sistemali qo‘ziqorin infeksiyalari, terfenadin va flukonazolni (400 mg/kun dan kam dozada) bir vaqtda qabul qilish, potentsial proaritmogen holatlar (bir nechta xavf omillari bo‘lgan bemorlarda yurakning organik kasalliklari, elektrolit muvozanatining buzilishi, aritmiya chaqiruvchi dori vositalarini bir vaqtda qabul qilish). Homiladorlik davrida preparatni qo‘llash tavsiya etilmaydi. Hayot uchun xavfli infeksiyalarda, onani davolashdan foyda homilaga xavfdan ustun bo‘lsa, qo‘llash mumkin. Laktatsiya davrida preparatni qo‘llash zarur bo‘lsa, emizishni to‘xtatish tavsiya etiladi.

Flukonazol v/v tomchilab kuniga 200 mg/soatdan oshmagan tezlikda qo'llaniladi. Vaginal kandidoz, kandidoz balaniti bo'lsa, 100-200 mg kuniga buyuriladi, ko'pincha preparatni bir marta yuborgandan so'ng sog'ayish kuzatiladi. Boshqa shilliq qavatlar kandidozining shakllarida 50-100 mg kuniga bir marta 14-30 kun davomida tavsiya etiladi. Tizimli kandidoz va kriptokokk infeksiyalarida, shu jumladan meningitda, birinchi kuni 400 mg, keyin 200-400 mg kuniga bir marta infeksiya og'irligiga qarab buyuriladi, davolash davomiyligi klinik samaradorlikka bog'liq, odatda kriptokokk meningitini davolash kursi 6-8 hafta davom etadi. Terining mikozlarida tavsiya etilgan doza haftasiga bir marta 150-200 mg yoki kuniga bir marta 50 mg, davolash odatda 2-4 hafta davom etadi. Biroq, oyoq mikozlarida davolash 6 haftagacha davom etishi mumkin. Onixomikozda tavsiya etilgan doza haftasiga bir marta 150-200 mg, davolash zararlangan tirnoq to'liq sog'lom tirnoq bilan almashguncha davom etadi. Yomon sifatli o'smalari bo'lgan bemorlarda zamburug'li infeksiyalar profilaktikasi uchun 100 mg kun ora buyuriladi, bemor yuqori xavf guruhida bo'lgan davrda, nurlanish yoki kimyoviy terapiya tufayli. Keksalarda buyrak funksiyasi buzilmagan bo'lsa, preparatning odatdagi dozasi saqlanadi. Buyrak funksiyasi buzilgan bemorlarda flukonazolning bir martalik qabulida doza o'zgarmaydi. Preparatni qayta buyurishda buyrak funksiyasi buzilgan bemorlarga avval 50 mg dan 400 mg gacha zarba dozasi yuboriladi. Agar KK 50 ml/min dan yuqori bo'lsa, preparatning odatdagi doza (100% tavsiya etilgan doza) qo'llaniladi. KK 11 dan 50 ml/min gacha bo'lsa, 50% tavsiya etilgan doza qo'llaniladi. Doimiy gemodializda bo'lgan bemorlarga har bir gemodializ seansidan so'ng bir doza preparat buyuriladi. Bir yoshdan katta bolalarda buyrak funksiyasi normal bo'lsa, flukonazol kuniga bir marta 1-3 mg/kg/kun (shilliq qavatlar kandidozida) va 3-12 mg/kg/kun (tizimli kandidoz yoki kriptokokkozda) kasallik og'irligiga qarab buyuriladi. Buyrak funksiyasi buzilgan bolalarda preparatning sutkalik dozasi (kattalardagi kabi) buyrak yetishmovchiligi darajasiga mos ravishda kamaytiriladi. Yangi tug'ilgan chaqaloqlarda flukonazol sekin chiqariladi. Hayotining dastlabki 2 haftasida preparat bolalardagi kabi (mg/kg) buyuriladi, lekin 72 soatlik interval bilan. 2-4 haftalik bolalarda esa shu doza 48 soatlik interval bilan buyuriladi.

Ovqat hazm qilish tizimi tomonidan ko'ngil aynishi, meteorizm, qusish, qorin og'rig'i va diareya, ishtahaning pasayishi, ta'mning o'zgarishi, qabziyat, bosh og'rig'i, bosh aylanishi, charchoq, kamdan-kam hollarda - tutqanoq va alopesiya. Teriga oid reaksiyalar juda kam hollarda teri toshmasi, anafilaksiya va angionevrotik shish (dori qabulini darhol to'xtatishni talab qiladi), kam hollarda - ko'p shaklli eritema (Stiven-Jonson sindromi), toksik epidermal nekroliz (Layell sindromi). Yurak-qon tomir tizimi tomonidan Q-T intervalining uzayishi, qorinchalar fibrillyatsiyasi/titrashi. Qon hosil qiluvchi organlar tomonidan kamdan-kam hollarda - agranulositoz. Og'ir zamburug'li infeksiyali bemorlarda gematologik o'zgarishlar (leykopeniya va trombotsitopeniya), jigar fermentlari faolligining oshishi va jigar funksiyasining yaqqol buzilishi kuzatilishi mumkin. Boshqalar kamdan-kam hollarda - buyrak funksiyasining buzilishi, giperxolesterinemiya, gipertirglitseridemiya, gipokaliemiya.

Qo‘ziqorinlarga qarshi preparat, triazol hosilasi. Ta’sir mexanizmi qo‘ziqorin hujayrasining sitoxrom P450 ga bog‘liq 14b-demetilaza fermentini kuchli inhibe qilishi va natijada qo‘ziqorin hujayra devorining asosiy komponenti - ergosterol sintezini bostirishi bilan bog‘liq. Candida spp., Microsporum spp., Trichophyton spp., Cryptococcus neoformans, Blastomyces dermatitidis, Coccidioides immitis, Histoplasma capsulatum ga nisbatan yuqori faollikka ega.

Flukonazol asosan siydik bilan chiqarib yuborilgani sababli, buyrak funksiyasi buzilgan bemorlarda ehtiyotkorlik bilan qo'llash kerak. Flukonazolni ko'p martalik dozalarda davolashda dozani KK hisobga olgan holda belgilash lozim. Flukonazolni jigar funksiyasi buzilgan bemorlarga buyurishda ehtiyotkorlikka rioya qilish kerak. Davolash davomida jigar fermentlari darajasini muntazam monitoring qilish va bemorni mumkin bo'lgan toksik ta'sirlarni aniqlash maqsadida kuzatib borish zarur. Jigar fermentlari darajasi oshganda shifokor davolashdan kutilayotgan foyda va jigar shikastlanishining og'irroq rivojlanish xavfini baholashi kerak. Flukonazolni bolalarda qo'llash bo'yicha yetarli tajriba yo'q. Ushbu bemorlar guruhida shifokor bunday terapiya zarurligi to'g'risida mustaqil qaror qabul qilishi kerak. Avtomobil boshqarish va boshqa mexanizmlar bilan ishlash qobiliyatiga salbiy ta'siri noma'lum. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.

Simpomlari: ko'ngil aynishi, qusish, diareya, og'irroq hollarda tutqanoq kuzatilishi mumkin. Davolash: simptomatik davolash tavsiya etiladi. Flukonazol asosan siydik bilan chiqarib yuborilgani sababli, diurezni kuchaytirish uning chiqarilishini oshiradi. Uch soatlik gemodializ protsedurasi plazmadagi flukonazol konsentratsiyasini yarmiga kamaytiradi.